打邊爐 ( 21-DEC-2025 )

仍然係李錦記沙爹火鍋湯底   今日買嘅白蘿蔔好多水份呀   我批嘅時候好似批緊水晶梨咁㗎

美國特選級牛梅花肉 - 食剩一半   好在真係買 1 碟咋

蝦滑 ($25/4 兩) - 里奧大人好鍾意食   所以我點都要買

鳳城水餃 ($70) - 我比錢嘅時候   職員話 $88   我心諗貴咗咁多嘅   之後醒起自己講 1 打水餃同炸魚皮呀   其實我係想買半打㗎咋   最後食剩 8 隻   咁里奧大人聽日午餐可以食 5 隻喇   3 隻就留比我做晚餐啦

炸魚皮 ($18) - 食剩大半包   好在可以留咋

水魷  ($26) - 呢啲就一定要食哂喇

牛丸 / 蟹籽丸 / 芋頭條 ($26) - 食剩好多   留番聽晚再食   所以打邊爐食唔哂唔駛驚   哈哈

( 21-DEC-2025  SUN )

雖然尋晚係熟睡狀態   但今朝 5 點幾去完廁所瞓唔着呀   再望個鐘已經 6 點半   最後都瞓到鬧鐘響嘅   不過起身有啲難度 ~

同里奧大人一齊食早餐   之後去佢公司幫佢做個表   其實唔駛幫佢做   我就會瞓晏啲   但應承咗就唔想改時間呢 ~

我坐喺去面做嘛   佢幾個同事以為我係新同事   細細粒直頭話點解有新同事又無人介紹   哈哈   咁可能我又戴咗眼鏡呢   阿有見到我   係好似認唔到我係邊個咁   之後佢話佢嗰下真係要諗一諗係邊個呀 ~

搞掂就番崇拜喇   崇拜完畢就去里奧大人公司   今日佢開會時間早咗   所以要早啲食午餐   咁我同佢一齊去買午餐喇 ~

尖椒炒腩片飯 - 我一開個盒話咁多尖椒嘅   仲諗住無咩腩片   但原來係比啲尖椒遮住哂   哈哈

食完都 12 點半   咁我話番屋企拎戰車先去買嘢   我話今晚打邊爐   佢話今日咁熱打邊爐 ?!   我話開冷氣咪得囉 ~

去 Big C 買聖誕禮物比里奧大人啲同事   買完再去惠康同成興隆買嘢   最後買埋水餃就走得   之後醒起原來未買白蘿蔔同粟米   好在順住條路去咋   唔係又要番轉頭呢 ~

Sunyu 蒟蒻啫喱   之前經過已經想買嚟試下   但細細包要 $11.9 好貴   好感恩今日做特價只係 $5 咋   所以買哂 22 包   我覺得西瓜雜莓味多啲選擇咁呀

我睇到買滿 $100 係有現金劵都好啦   但係要買滿 $100 先可以用 $15   所以我應該用唔到   之後職員就拎咗包紫菜同米比我   呢下有驚喜呀   哈哈

尋晚買咗 3 Pack 比自己   但因為買埋蘋果同捲捲粉好重   所以無買比家姐   今朝覺得自己好衰咁   因為佢話平就可能自己去買㗎   所以都係買番比佢   咁我一定 Whatsapp 比家姐知啦   我驚佢特登去買嘛   之後佢話妳未得重過咩 ?!   哈哈   我話我推車嘅

好在拎咗戰車   但呢度都仲未放哂所有嘢㗎

去成興隆買美國特選級牛梅花肉 ($43)

買哂所有嘢   點知無蝦滑   所以要番屋企放低嘢再去街市買呀   番到屋企已經 3 點 05 分   我都

唔知出咗去咁耐呀 ~

拿拿聲沖涼洗頭   今日真係好熱   我着短袖都出哂汗呀 ~

煲埋個蘿蔔粟米湯就大清潔   搞掂又已經 5 點 ~

之後又要放番好喺深圳買嘅零食   我多數放哂入樽   我覺得咁樣方便拎啲呢 ~

么虎嘅芒果味同桃味剥皮果汁爆珠糖 (RMB49 約 HK$54.40)

薜記嘅開口松子 (RMB42.41)

薜記嘅手撕肉乾 (五香味) (RMB39.6 約 HK$43.96)

里奧大人 5 點半番到屋企   佢話夜晚凍咗呀   我話咪好囉   等你頭先仲話咁熱打邊爐 ~

雖然打邊爐好方便   只係拎啲嘢出嚟   但點都要啲時間嘛   所以叫佢沖埋涼先食呢 ~

今晚 6 點開餐算早呀   但今日我體力勞動   所以都可以食得呀 ~

洗埋碗就休息   之後 8 點一齊睇 "中年好聲音 4" ~

睇完再睇陣 Youtube   今晚 10 點半都瞓覺喇 ~