香炸雞翼 + 西蘭花 ( 20-DEC-2025 )

里奧大人尋日午餐食剩嘅白汁唔知咩飯   但又唔記得拎番嚟   所以今晚一定要食啦   估唔到有塊豬扒   我仲以為係雞扒添

( 20-DEC-2025  SAT )

感恩一覺瞓天光呀   今朝同里奧大人出去食早餐   所以覺得好輕鬆呢 ~

食完就去里奧大人公司坐下   咁走嘅時候   我同里奧大人講話原來我無着外套   唔怪得頭先落樓嘅時候   佢問我凍唔凍啦 ~

9 點 06 分番菇場   估唔到未開門   咁見到小說企喺門口   我話去大堂等啦   好在 9 點 10 分見到阿蟲番嚟   佢係咁講唔好意思   佢尋晚做到 11 點幾呀   所以今朝遲咗啲 ~

唔忙就做自己嘢   好快又到 1 點 ~

咁里奧大人話食雲吞麵   之後打嚟話去韓兄弟   我話好呀   我完全唔記得有呢間嘢添 ~

我鍾意食芽菜   因為我唔會買嚟煮呀

熱帶湯超級熱

砂鍋辣豬肉飯+湯 ($58)

韓兄弟半半 (豬肉飯) ($65) - 里奧大人話一定食呢個

食完都要走喇   里奧大人就番公司做一陣嘢就走   咁我去佢公司坐陣就去 LA 活動喇   三叔今日 Last Day   雖然合作咗好短時間   但我哋個個都唔捨得佢呀   我哋叫佢番嚟香港就記得探我哋呀   哈哈 ~

今日有遊戲同小食會   所以個個都好開心 ~

意式風情鬆厚批 (普通批) / 田園至尊鬆厚批 (普通批) / 香脆薯條 / 原味雞翼

 / 芝士焗菠菜蘑菇長通粉 / 葡式椰香烤雞飯 - 我食半塊薄餅就可以了   始終啱啱食完個飯   真係食唔到咁多嘢

HY 媽咪請小朋友食蛋糕   真係好有心呀

活動完畢再清理場地   我都無睇幾點添呀   之後我去惠康買嘢   石頭去搭巴士   咁我送佢去巴士站啦   去到啱啱見到架巴士嚟緊   咁我唔陪佢追喇   反正都係行十幾步   但我就等埋架車開同佢揮手拜拜   佢又好落力咁揮手拜拜呀   好搞笑 ~

之後就去惠康買嘢   買完就即番屋企喇 ~

意大利短捲捲粉 ($29/2 包) 好抵   咁買 4 包試下啦

家姐話 $50/3 Pack 都抵   所以又買喇

里奧大人熨緊衫   話今晚出去食好無 ?!   我話唔好   因為我仲好飽   同埋我買咗雞翼   今晚想煮飯呀 ~

義工都有蝴蝶酥禮物   開心開心

有時間又執下嘢啦   所以差唔多 7 點半先開餐 ~

是日晚餐 - 香炸雞翼 + 西蘭花

香炸雞翼 - CP 出品真係好唔錯   就咁焗又方便 ~

西蘭花 - 前日買㗎   今晚要食埋去啦 ~

洗埋碗就開機洗衫   之後沖涼休息 ~

里奧大人呢排忙到不得了   所以我想佢真正休息下   我就話想睇 "青年旅舍"   咁佢就會陪我睇㗎喇 ~

不過今日出咗去成日   所以睇到 10 點半分都瞓覺 lu ~