滷水豬手飯 + 炒飯 (外賣) ( 26-DEC-2025 )

( 26-DEC-2025  FRI )

感恩一覺瞓到 8 點 15 分   但里奧大人未起身   咁我諗住再瞓下   不過真係瞓唔到   所以 8 點半都起身靈修 lu ~

今朝靈修到 11 點 15 分呀   真係第一次咁耐   所以好開心 ~

咁啱里奧大人都起身   佢見我坐喺梳化   就話同我即刻落去食早餐   我話趕唔切㗎喇   咁佢即刻打去餐廳問早餐時間到幾點 ?!   之後話 11 點半仲食得切呀   佢話依家即刻落樓同埋幫妳落埋單   我就可以慢慢落嚟   我話唔想咁趕呀   所以叫佢去買麵包喇 ~

里奧大人話做咩起身唔同佢講 ?!   佢話見起身隔離無人先知我醒咗   仲話以為我都係啱啱起身呀   哈哈   我話 8 點半起咗身㗎喇   同埋咁早就梗係比你瞓耐啲啦 ~

食完就開機洗衫   搞掂就沖涼 ~

本來想去西貢   但要轉車就唔想   之後我話去 megaBOX 呀 ~

我同里奧大人講話開咗好多新店   但一入去見到有啲舖頭係 Coming Soon 2026   里奧大人喺度大笑呀   哈哈

去到已經 1 點半   我話有啲肚餓想去 IKEA 食嘢   不過如果多人就去食其他嘢   好感恩有位呀   因為今日都好多人呀 ~

小食拚盤 (煙燻蜜糖腸 4 件 / 新奧爾良雞翼 4 隻 / 香脆薯格 / 甜粟米  ($49.9)

瑞典肉丸配薯蓉及忌廉汁 ($26) / 蒜蓉烤餅 ($9) / 汽水 ($12) - 好耐無食   所以覺得樣樣都好味呀   哈哈

食完又行下啦   我搭扶手電梯就突然捉住里奧大人隻腳   佢好驚咁擰轉頭   我問係咪好驚人無啦啦捉住你呀 ?!   佢話以為我暈捉住佢呀 ~

去 AEON 睇運動褲   因為咁啱就係里奧大人想要嘅質地   佢話諗下買唔買   我話  $89.9 仲有 8 折好抵   同埋難得呢度有貨就買啦   一陣番到黃埔無貨   我唔會再嚟九龍灣買㗎   所以佢就即刻買 2 條喇 ~

走嘅時候   我見到件米色冷外套 ($199)   里奧大人話啲質料好 Soft 叫我買   佢話 $199 都抵   最感恩係我件外套原來係 8 折 再 8 折呀   之後我話想買多件   里奧大人話唔好成日買同款幾色啦   哈哈   因為我好多時都係咁呀 ~

買完又周圍行下   差唔多 3 點就坐 Shuttle Bus 去德福 lu ~

行到 4 點半就去食雪糕   因為有 3 張 Coupon 係 1 月到期   咁德福有 Haagen Dazs 就入去食喇 ~

家庭裝雪糕 (CHURROS DULCE DE LECHE & CINNAMON 牛奶拖肥玉桂條)

仲有藍莓味道揀嘅   不過我想要試新嘢   因為我無睇清楚張 Coupon   我只係知家庭裝   我以為用大啲嘅杯裝住咋   哈哈   唔怪得佢問我拎走定堂食啦

食完就去馬莎買 Flakes   今日行到有啲攰   所以都係搭車番屋企喇 ~

乾果果仁纖維麥片 ($49) - 我覺得馬莎啲麥片都算平   因為都幾大盒㗎

番到屋企即沖涼   因為未咁快食飯   同埋今晚只係蒸熱啲飯   肯定唔會出汗呢   哈哈 ~

差唔多 7 點半分先食晚餐   洗埋碗抖陣就同里奧大人一齊睇 "青年旅舍" ~

今晚好攰咁呀   我睇到 10 點 15 分都瞓覺先喇 ~