喺屋企實在太悶 所以呢 里奧大人就請咗一日假陪我 而我就陪佢去昂坪 360 啦
10 點起身去太興食早餐 之後番屋企梳洗 差唔多 12 點先出發 估唔到原來屋企樓下嘅機場巴士會到昂坪 360 咁就可以慳番唔小時間 左轉轉右轉轉呢
可能係平日關係 所以唔係好多人
其實坐 360 都好舒服 可能天氣清涼啦 但個天濛濛咁就大煞風景囉
去到市集 完全覺得唔掂呀 無嘢睇嘅 最吸引我嘅只係買大澳特產嘅店舖 買咗蝦干同桂花 再加一個雞屎滕 我想食好耐架喇 難得有得買 所以買番個黎食 又幾好味喎 可能我實在太鍾意食 d 煙韌嘢啦
之後睇埋大佛就去食嘢 無咩好選擇 所以去 euro go-go 食肉醬意粉 + 蒜蓉包 + ice mocha 我發覺自己晏晝飲親咖啡會越飲越眼瞓 所以飲完覺得仲辛苦過唔飲 但又想過下口癮 好煩呢
食完再行下影相 因為無人 可以 set 腳架任影合照 好難得架
影影影 影到無嘢好影就走喇
難得入到東涌 所以行下個 shopping mall 因為深信 outlet 會有好多平嘢執
估唔到今次里奧大人有收穫 買咗 1 件厚褸 1 件薄褸 不過如果 d outlet 有多 d 碼就好喇 咁樣可以有更多收穫
行到真係好攰 所以去 food court 食嘢
行程完畢
沒有留言:
發佈留言