尋日晏晝去家姐元朗屋企 但家姐話要食棉棉冰 之後去埋街市先去佢屋企喎
因為住村屋 所以入到屋企一望無際對住個大草原 勁正呀
最正係住 2 樓連天台 飯廳同廚房都喺天台 所以間屋就變相大好多呢 最正係有 bar 枱同有套房嘛
住村屋好處係地方夠大夠實用 價錢平 空氣好 但就唔多啱我 因為我覺得無 "實q" 好唔安全 加上我習慣一落街有嘢食有嘢買 住村屋要下下搭車 or 楂車 好唔方便啊
坐咗一陣就走喇 因為約咗里奧大人喺大埔食飯呢
估唔到入元朗有筍嘢 就係 vinda 廁紙喇 25 蚊 1 條咋 所以掃 4 條走 因為大埔無得買呢款廁紙架
落車嘅時候 家姐話 d 人望住我地 d 廁紙喎 到見到里奧大人嘅時候 里奧大人話以為 d 廁紙喺附近買嘅 我話特登喺元朗拎番黎架 佢即刻 O 哂咀唔知講咩好呀
呢餐唔食得熱氣嘢 唔想食中菜 唔想食西餐 唔想食上海菜 所以又食番壽司喇
食完我就同家姐去 jusco 超市買嘢 初初諗住買小小 點知買下買下 買滿 4 個籃 6 百幾蚊落樓啊 我同家姐一買嘢就好難控制 一話抵就打孖黎買 真係無咩必要唔好一齊行街買嘢咯
買完再同家姐 里奧大人一齊去食糖水 呢日真係好滿足呀
今朝同里奧大人去大家樂食早餐 感覺上好似 relax d 咁呀
食完同里奧大人去街市買煲湯料 呢排手痛 所以一定要搵人幫手拎嘢呢
沒有留言:
發佈留言