大快活 + 平安夜報導晚會

24 號平安夜好多公司都會食完到會就放 3 點或者放半日  里奧大人就好啦   可以放 3 點     我呢   無得放早   同平時一樣收 5 點半   其實番到公司已經無 mood 做啦   仲要無得早   幾慘呀  

里奧大人無地方去   所以我就安排佢去我媽咪屋企瞓陣   好過唔知去邊到等我嘛  

夜晚我地就約咗 ivy 同 jack 去大快活食晚飯   之後就一齊番平安夜報導晚會

我好鍾意聽人講見證    因為當中真係感受到神嘅大能    自己亦經歷過神在當中嘅保守帶領   所以我次次聽親都會好感動呢

習慣早瞓   所以報導會完畢就番屋企休息喇

呢排里奧大人勁熱氣   熱到咀都腫埋   所以同佢去許留山食龜零膏  我就唔食得喇   因為我食親會頭暈    食糖不甩算喇  

                           

一覺瞓到 9 點半   係時候食早餐 lu    好小咁早起身    所以去太興食早餐喇

食完去街市買雪梨蘋果     因為里奧大人指名要煲雪梨蘋果水  ( 材料 : 雪梨  蘋果  雪耳  南北杏  羅漢果  密棗 )    話次次生 "飛滋" 同熱氣   一飲完就好番哂    所以要我煲喎  

同里奧大人食埋晏晝   佢就做功課   我就去家姐屋企坐下咁喇