住家飯

尋日本來想煮 d 輕便餸...點知里奧大人打黎話兒生女之前割盲腸...尋日啱啱出院...所以就叫我夜晚唔煮飯去探兒生女...順便食餐住家飯喎...都好嘅...橫掂呢排無咩湯水比里奧大人飲

放工就即刻番屋企煲一次中藥...之後再等里奧大人一齊打的去兒生女屋企...去到原來都好多人架....我好開心...因為個個見到我都話我臉色好咗紅潤咗...oh...希望 d 中藥真係有幫助啦...今次晚餐餸菜係粉葛湯 + 蒸魚 + 炒菜心 + 脆肉瓜炒蝦仁 + 酸甜排骨 + 豉油雞 + 叉燒...都唔錯嘅

由於我仲要煲藥...而里奧大人又要趕住做公司嘢...所以 8 點半就要走 lu

番到屋企好似打仗咁...我忙煲藥又忙執衫...里奧大人忙執衫又忙覆 email...真係見佢個樣都唔知有無 10 秒呀...陰公...里奧大人要上紹關開大會呀...本來好好架...因為呢個 trip 係 3 日 2 夜 (1 日半係開會...其餘時間去觀光)...但...里奧大人星期六要陪我北上睇中醫...所以星期五下晝一開完會就自己搭車番香港...無得去玩呀...好可惜呢...問里奧大人可唔可惜...佢就用勁哀傷嘅眼神同勁無奈嘅語氣話 : "老婆緊要 d 嘅"
                       

今朝里奧大人 6:15 就要起身梳洗...6:45 要出發喇...而我...咪又係一樣 6:15 起咗身囉...到里奧大人出咗門口先瞓番...但瞓多半個鐘就要起身番工呢...好攰呀

今朝食即沖麥片...因為發覺開始有買咗唔想食嘅徵兆...所以一定要食...唉...3 合 1 嘅麥片好甜呀...之前仲特登買 3 盒添...最慘係唔飽嘛...11 點就要食朱朱力頂...咁樣搞法咪仲肥 c 咩...我決定下次一次過沖兩包飽肚 d...哼

晏晝食渴望已久嘅豬扒生菜米線 ($13)...真係好好食...我計埋呢次已經係第 3 次食...唔知幾時食厭呢

我今晚會番媽咪屋企食飯同瞓覺 lu...又可以見到深愛嘅朱朱 lu