鹵水雞肶碟頭飯 + 佛掌瓜紅蘿蔔粟米西施骨湯 ( DEC-2008 )

食完早餐   我就去街市買煲湯材料同生果   呢期鍾意食恐龍蛋   其實我覺得係大個嘅布冧   好甜好多汁好好味呢 ~

呢期真係好懶  成日唔願郁   買完嘢番黎唔願放好   求其有位就擺   尋日終於的起心肝執好去   因為護膚品一定要擺入陰涼地方嘛 ~

買下買下  都發覺啲護膚品應該可以用到下年   依家好多品牌嘅 Skin Care 都做 Gift  Set   所以係平好多   橫掂係唔係都要買   早啲買着數好多㗎 ~

整完就熨衫   啲裇衫係 100% Cotton   熨到頭都暈呀   所以叫番里奧大人自己熨 lu ~

熨完又差唔多出街食 Tea 里奧大人話條腰無咁痛   所以出去食米線喇 ~

是日懶餐 - 鹵水雞肶碟頭飯 + 佛掌瓜紅蘿蔔粟米西施骨湯

鹵水雞肶碟頭飯  - 唔知整咩好   所以整鹵水 xx 最好   一支鹵水汁搞掂哂 ~

佛掌瓜紅蘿蔔粟米西施骨湯 - 材料有 2 個佛掌瓜 + 2 條大紅蘿蔔 + 2 條粟米 + $25 西施骨 + 蜜棗 + 南北杏   呢個湯係去惠康睇啲湯包材料  然後去街市買呢   平好多同埋自己買可以多料好多呢 ~

整完又睇番獎門人   都 OK 啦   因為 I love u boyz  好搞笑   睇跳舞環節時   Donald 真係跳到面青口唇白作暈咁   點解咁後生都會咁嘅 ~

~~~~

今朝好似好凍咁   可能瞓得唔好  無咩精神定喇 ~

早餐食腿蛋治烘底 + 奶茶 ($16)   唔知點解   今次食完好想番屋企瞓覺呀 ~

番到菇場凍到顛  手指甲都變咗紫色呀   可想而知有幾凍呢 ~

晏晝一個人食咋   因為里奧大人腰骨痛 S/L   醫生話係感冒菌未清入咗骨   因為上次已經試過腰骨痛   條腰抵抗力會弱啲咁話喎 ~

所以我只係買粉果 + 米粉 ($12) 番公司食   唔知點解無咩胃口   食剩一半呀  嘥哂啲嘢   真係唔同平時嘅我呀   唔通我又作病   因為覺得真係好凍好凍呀 ~