住家飯 @ 媽咪屋企 ( 30-JUN-2009 )

清蒸青斑加鹹魚 / 蝦醬炒通菜 / 絲瓜野生竹笙魚滑湯 / 金枕頭 / 黃皮

( 30-JUN-2009  TUE )

早餐 : 芝士蘑菇雞肉腸片三文治烘底 & 奶茶

午餐 : 同里奧大人 & 媽咪去美心皇宮飲茶   因為媽咪媽咪煲咗紅棗山斑魚湯呢 ~

蟹籽燒賣 / 龍蝦湯鮮竹卷 / 煎腸粉 / 乳豬飯 / 叉燒包 /紅棗山斑魚湯

晚餐 : 去媽咪屋企食呀   家姐咁啱唔番屋企食飯   里奧大人就番奶奶屋企食   所以我想陪下媽咪   食完飯   幫媽咪按下腳   之後 Join 里奧大人一齊番屋企喇 ~   

芝士焗肉醬意粉 + 粟米蛋花湯 ( 29-JUN-2009 )

( 29-JUN-2009  MON )

星期一起身係最痛苦   真係好想瞓到自然醒呀 ~

瞓得好都好啲   最慘尋晚瞓得唔好   勁痛苦呀 ~

今朝好想食芝蛋治同熱央呀   我已經係要走牛油少蛋   但都覺得好漏 ~

番到菇場仲慘   靜到呢   出現耳鳴呀   妳話無得上網嘅話   實有抑鬱症都似 ~ 

晏晝同里奧大人行遠少少食 Lunch   不過真係好熱呀   哈哈 ~

放工去超市買嘢   再等埋里奧大人放工一齊買衫   之後就番屋企   一齊放工真係好開心 ~

是日晚餐 - 芝士焗肉醬意粉 + 粟米蛋花湯

芝士焗肉醬意粉 - 唔知點解整唔到紅卜卜顏色嘅   但一樣好好食喎   今次用一整包 Mozzarella Cheese   因為 3/7 到期   超正呀   煙煙韌韌咁   又唔覺好漏喎 ~

粟米蛋花湯 - 無買菜   所以用粟米湯頂上 ~

三文魚扒 + 菜心 + 五香肉丁炒飯 ( 28-JUN-2009 )

( 28-JUN-2009  SUN)

一早諗好要食公仔麵   所以呢朝有得食好開心呢   呢間茶餐廳嘅公仔麵   口感勁似出前一丁㗎   咁就唔駛特登加 $3 轉丁啦 ~

番到屋企即做家務喇   因為想晏晝他他條條睇報紙嘆下呀 ~

里奧大人依家又 Join 番跑步   我就唔啦   因為平時夜晚跑步真係好趕   買餸煮飯食飯洗碗   樣樣都要快   好緊張   攪到個人仲攰咁   所以我改為夜晚喺屋企做運動就算 lu ~

同里奧大人食酸辣米線   等食期間聽到有班女仔話食薯條嘅時候   發現有隻 "蚊之" 響碟薯條度   叫個 Staff 睇睇   個 Staff 話隻 "蚊之" 係飛入嚟   唔係炸嘅時候喺度㗎   咁叫廚房整過一碟妳哋啦   最搞嘢係班女仔仲繼續食碟有 "蚊之" 嘅薯條喎   之後老闆娘黑哂面叫個 Staff 埋去話   妳應該同班女仔講隻 "蚊之" 點點點   個 Staff 又話我都係咁講點點點㗎   個老闆娘都唔知有無搞錯嘅   呢度係妳地方   更係要負責啦   一碟薯條都咁緊張   頂佢唔順呀 ~

是日晚餐 - 三文魚扒 + 菜心 + 五香肉丁炒飯

三文魚扒 - Jusco 買嘅   我覺得無咁腥   之前喺百佳買嗰啲好腥㗎   搞到我曾經好抗拒三文魚扒呢   今次好有心機煎到金黃色咁   但點解唔脆嘅 ~

菜心 - 見到好靚咁   所以買嚟食   估唔到真係好甜呀 ~

五香肉丁炒飯 - 五香肉丁擺咗喺雪櫃已經一個星期   估唔到仲未壞   所以用嚟炒飯   好惹味呀 ~ 

飯後果 - 水姑奶買咗 5 磅車厘子比我哋呀   太好啦   正想補血 ~

日式雜錦拚盤 (外賣) + 脆皮芝士腸 + 冷麵 ( 27-JUN-2009 )

( 27-JUN-2009  SAT )

今朝好早起身啦   同媽咪去大家樂食早餐呀   之後再陪媽咪行百佳買嘢先番工 ~

番到菇場又爽啦   老闆 Off 呀   Free 到呢   簡直覺得自己唔係番緊工咁呀 ~

晏晝同里奧大人去屋企附近嘅譚仔米線   次次食 2 碗都食唔哂   所以今次里奧大人話試過 " 過橋米線套餐 "   兩個人食就 Perfert   不過我唔太鍾意咁多肉囉   之後再加個土匪雞翼   熱辣辣超好味   唔知係咪用咗孜然粉醃嘅呢   好惹味呀   但其實我唔知乜叫做孜然粉係點㗎喎   哈哈 ~

食飽就去買機頂盒   終於有高清睇喇   番到屋企裝完機頂盒就番教會 lu ~

6 點 10 分完咗祟拜   心大心細唔知煮唔煮好   但里奧大人話不如去 Jusco 買啲嘢食   再煮冷麵吖   方便嘛 ~

最終去 Jusco 買咗個日式雜錦拚盤   本來想再買 Pack 細三文魚但又無   只得大 Pack 嘅   咁就唔買啦   食唔哂嘛 ~

番到屋企即煮麵喇   加多個味僧湯 (卡卡送比我嘅台灣手信)   再煎幾條脆皮芝士腸   咁就可以開餐喇 ~

蒜蓉豆豉炒魚棗 + 蒜蓉炒西蘭花 + 蕃茄薯仔排骨湯 ( 26-JUN-2009 )

( 26-JUN-2009  FRI )

無啦啦勁想食出前一丁   雖然遲哂到   但唔理   一於照食   咁做人先開心嘛   哈哈 ~

菇場一片沉寂   完全無 Happy Friday Feel 呀 ~

晏晝落大雨   所以同里奧大人 & 佢同事一齊喺菇場附近食 Lunch ~

成個星期無煮飯   係時候出手喇 ~

是日晚餐 - 蒜蓉豆豉炒魚棗 + 蒜蓉炒西蘭花 + 蕃茄薯仔排骨湯

蒜蓉豆豉炒魚棗 - 我覺得魚棗好腥   所以一定要用濃啲嘅醬汁   但一樣咁腥噃 ~

蒜蓉炒西蘭花 - 太耐無食菜咁   所以覺得好好味   我唔識睇啲菜係咪熟   所以炒菜係會淥熟再炒   但今次應該唔熟   因為好硬   但唔想再炒過   生就生啦 ~

蕃茄薯仔排骨湯 - 用 5 個中型蕃茄 + 1 個細薯仔 + $10 排骨   超甜勁好飲呀 ~ 

飯後果 - 糯米磁唔甜   但多汁囉 ~

Pizza Hut @ 大埔 ( 25-JUN-2009 )

( 25-JUN-2009  TUE )

早餐勁想食甜嘢   食菠蘿油最好啦 ~

番到菇場無啦啦作燒咁款   所以拿拿聲食粒 Panadol   食完又好啲喎 ~

晏晝同里奧大人食 Lunch   個人唔舒服   想食脆卜卜麵都唔得 ~

放工睇醫生   原來感冒   唔怪之周身骨痛啦 ~

睇完都 7 點   里奧大人又啱啱番到屋企附近   索性去 Pizza Hut 開餐   因為好想食意粉呀 ~ 

元綠壽司 @ 大埔 ( 24-JUN-2009 )

( 24-JUN-2009  WED )

今日好啲胃口啦   所以食下沙爹牛肉生菜米粉 + 凍奶茶   雖然叫咗小米粉   不過都食唔哂添   嘥哂 ~

番到菇場有嘢做喎   不過咁都好   當 Warm Up   唔係一陣旺季就唔慣有咁多嘢做㗎喇 ~

里奧大人上咗大陸   晏晝唔想周圍行   所以買牛筋米粉番菇場食算咯   估唔到呢碗米粉都有唔小菜呢   感覺好健康呀 ~

放工嘅時候覺得好焗呀   真係乜 Mood 都無哂呀   無可能諗到煮乜嘢呀 ~

雖然無 Mood   但滿腦子都諗起爽甜多汁又大粒嘅荔枝   所以幾攰都要去買呀   太想食喇 ~

去到街市第一件事買荔枝   $20/2 磅糯米磁   應該抵啦   再見到有哈蜜瓜開箱   買 咗 1 個   $25 個又係好抵食啦   再買多 6 個 3107 橙   $10/6 個唔錯啦   細細個易食嘛   不過拎呢 3 樣生果真係拎到有啲缺氧呀   重到呢 ~

番到屋企第一件事係將哈蜜瓜切粒放雪櫃   咁里奧大人就可以慢慢嘆啦   多麼的細心呢 ~

切完都無力再煮嘢喇   咁啱里奧大人話想去味千   但我又唔想行咁遠   所以又去元綠壽司開餐   元綠都有拉麵食嘛 ~

大家樂 (外賣) ( 23-JUN-2009 )

( 23-JUN-2009  TUE )

早餐食吞拿魚三文治烘底 + 凍奶茶   凍奶茶好飲   但三文治好難哽囉 ~

無啦啦個肚有啲唔舒服   好在唔係好痛咋   不過就唔願郁   同埋有啲頭暈暈咁 ~

同里奧大人去菇場附近食 Lunch 算喇   無力行呀 ~

終於捱到放工   真係好辛苦呢 ~

無啦啦好頭暈   但好想沖熱水涼   雖然沖完超舒服   但仲完更加頭暈呀   哈哈 ~

無胃口食嘢   叫里奧大人自己買外賣匆匆番屋企陪我   好在里奧大人喺大家樂買咖哩牛腩飯   因為覺得好惹味咁   食咗啲牛腩同薯仔   食完精神番啲呀 ~

咪走雞 @ 大埔 ( 22-JUN-2009 )

川味回鍋烤肉 - 不知所謂嘅一個餸   椰菜好多但得幾片肉   仲衰過我用回錮肉醬炒豬肉呀

醬汁炒雜菜 - 用鹹魚粒炒嘅   好濃味   所以好口渴

胚芽好立克

( 22-JUN-2009  MON )

尋晚瞓得唔好   個肚有少少唔舒服   所以個人好攰唔願郁   坐喺度望住個屏幕渡日呢 ~

晏晝瞓覺   幾難先等到放工呀   同埋里奧大人一齊打的番屋企   好在依家短加長減   真係抵好多㗎 ~

無啦啦好想食嘢   所以去咗咪走雞食晚飯喇 ~   

元綠壽司 @ 大埔 ( 19-JUN-2009 ) + ( 20-JUN-2009 ) + ( 21-JUN-2009 )

( 19-JUN-2009  FRI )

今朝我番工啦   到里奧大人請假看屋喇 ~

Happy Friday 啦   本來想食豐富啲   但無咩胃口   所以都係食吞拿魚治烘底 + 奶茶   今次件三文治好好多啦   有啲生菜   無咁乾嘛 ~

番到菇場無乜心機咁   唔知係咪因為要自己一個人食 Lunch 呢 ~

我好少一個人出去食   因為好難搵位   又唔想同人迫   最好就係買嘢番菇場食 ~

今次又係買粉果 + 炒米粉    粉果皮煙煙韌韌唔錯喎 ~

放工即走啦   同里奧大人去元綠壽司    今次有 78 折 Coupon   所以都抵呢 ~

( 20-JUN-2009  SAT )

早餐食飽啲   因為唔知幾點先可以食晏呢 ~

今日屋企要換企缸   好彩里奧大人 Off   唔係我又要請假啦 ~

整到 3 點先可以食 Tea 呀   4 點師傅再番嚟   整到 5 點就攪掂 lu ~

我就順便大清潔   成間屋乾乾淨淨真係好舒服呢 ~

無咩胃口   所以去食車仔麵算喇 ~

( 21-JUN-2009  SUN )

每月一到呀   所以無全日無胃口   感恩係個肚唔係太痛   只不過成日勁想嘔同埋好攰   感恩感恩 ~  

大家樂 @ 大埔 ( 18-JUN-2009 )

( 18-JUN-2009  TUE )

呢一日請咗假   因為屋企廁所要大修呀 ~

8 點半要起身啦   落樓下食早餐   番屋企沖涼   再執執啲嘢   時間都幾趕咁 ~

師傳 10 點半到啦   其實個師傅係里奧大人嘅表哥   所以都好放心   因為我好怕男人上我屋企整嘢㗎 ~

困住喺屋企真係好悶   又唔走得開喎   電視又唔好睇   報紙又睇哂   唯有上網啦   放假都對住電腦   對眼真係好攰下 ~

突然間醒起要煲羅漢果茶   有啲嘢做真係唔錯呢 ~

1 點半師傅出去食飯   我甩難啦   即刻揹袋出街走呀 ~

唔知食乜好   行嚟行去最後都係去咗食酸辣米線 ~

3 點師傅又番嚟啦   我又要坐定定喇   又上網又睇雜誌   無嘢做個口就特別痕   飲咗兩杯乳酪   仲食埋牛油芝士多士先止到口痕呀 ~

5 點半師傅走喇   好在佢清潔哂地方先走   我只不過就咁拖地就得   太好啦 ~

里奧大人堅持話唔好煮飯   No Promlem 啦 ~

去大家樂食扒   因為有 $4 Coupon   好想食黑椒汁同海南雞飯   但今次啲海南雞唔好食   好失望呀 ~

食完再散步番屋企   爽呀 ~

住家飯 @ 媽咪屋企 ( 17-JUN-2009 )

( 17-JUN-2009  WED )

終於有太陽啦   成個人精神哂呀 ~

早餐食芝腿治烘底 + 奶茶   食到唔知食乜好呀 ~

難得好天氣   晏晝一定同里奧大人行遠啲食 Lunch 呢 ~

夜晚里奧大人約咗朋友食飯   所以我就去媽咪屋企開餐喇 ~

我無同媽咪講㗎   比個驚喜佢嘛   媽咪見到我都嚇一驚呀 ~

之後仲係都要買條魚   又話買呢樣嗰樣   其實都有餸   唔駛特登又加餸啦 ~

今晚又捧住個肚走呀   自從朱朱走咗之後   我好抗拒去媽咪屋企㗎   我好唔慣見唔到朱朱   我好想好想攬住朱朱一齊食飯   好想好想同佢影相呀 ~

所以我次次去完媽咪屋企   我個心都會好實   好唔開心   喺車度喊呀 ~

雖然知道始終都會有離開嘅一日   但我真係仲係好傷心呀   係唔係我有問題呢 ~

呢一刻我一路打一路喊   咁點算好呀  呢個傷痛幾時先可以復原呀 ~

常餐 @ 屋企 ( 16-JUN-2009 )

( 16-JUN-2009  TUE )

早餐 : 吞拿魚三文治烘底 + 凍奶茶 

午餐 : 里奧大人上咗大陸   我就買車仔餸番菇場食   好唔慣呀 ~  

晚餐 : 突然間好想食丁丁加牛油多士   所以整個常餐   再加沙爹王 XO 醬炒魚棗   夠哂飽啦 ~  

出街食常餐覺得啲嘢食好容易整   但實則唔係囉   我整咗 40 分鐘呀 ~

煎蛋好難   唔知點解蛋黃永遠唔喺中間   係都要歪埋一邊咁 ~

仲有今次嘥咗塊牛油多士   因為掛住影相   所以就咁放喺鑊面唔理住   點知黑哂   我求其掉落鋅盤   里奧大人入廚房拎嘢飲   哈哈笑咁問塊黑嘢係乜嚟㗎 ?!   玩嘢   好好笑咩 ~

飯後果就係奇偉金果喇   我食普通奇偉果呢   食完喉嚨會好痕   但奇偉金果就唔會喎   但貴好多呢   所以多數特價就會買十幾個響屋企   每人兩個好快食哂咋 ~

茄汁洋蔥豬扒 + 蜜糖豆炒秀珍菇 ( 15-JUN-2009 )

( 15-JUN-2009  TUE )

今日早餐食沙爹牛肉包 + 奶茶   又幾好味噃   不過如果個烘下個包就更加好味 ~

菇場好靜好靜   係因為所有同事都專心在 MSN 或者上網嗎 ?!   靜到好可怕呢 ~

本來諗住同里奧大人行遠啲食 Lunch   但落到街之後   個天好黑作落雨咁   所以最後都係去附近食嘢算喇 ~

好彩放工無落雨咋   唔係落雨水濕濕行街市都幾煩呢 ~

是日晚餐 - 茄汁洋蔥豬扒 + 蜜糖豆炒秀珍菇

茄汁洋蔥豬扒 - 呢個汁真係好好味   酸酸甜甜好開胃㗎 ~

蜜糖豆炒秀珍菇 - 先出水之後再加蒜鹽 + 魚露 + 七味粉一齊炒   又幾好食喎 ~

沖完涼之後就食家姐買比我嘅番鬼荔枝   好大個呀   食落煙煙韌韌   真係好好味呀 ~ 

杏仁餅 ( 14-JUN-2009 )

( 14-JUN-2009  SUN )

終於的起心肝整杏仁餅喇   多謝 妹妹 提供嘅食譜呢 ~

但我改了份量   因為驚唔夠份整杏仁條呀 ~

9 塊份量 - 杏仁粉 100g  +  糖 10g + 蛋白 1 隻 ~

焗嘅時候好香   拎出嚟嘅時候都好香呢 ~

食落點解會無乜味㗎   又唔煙韌   個底仲燶埋添 ~

好在有粒 Hazelnuts 咋   如果唔係等同食麵粉咁呀 ~

好緊張咁等里奧大人起身試食   佢食嘅時候陰陰咀笑   之後話食食下先覺得有味   但唔甜   好好味呀 ~

 
我話要講真說話呀   因為之後我會整多啲㗎   唔好食你食哂去呀下 ~

鹹蛋蒸肉餅 + 芥蘭 + 五指毛桃唐排湯 ( 14-JUN-2009 )

( 14-JUN-2009  SUN )

校定鬧鐘起身   食早餐   番教會 ~

再同里奧大人去街市買嘢   有冷氣嘅街市真係好好行呀 ~

經過 Jusco 做台灣食品節   所以又買啲零食同果凍粉番屋企做存貨呢 ~

天氣焗到爆   食酸辣米線就最好不過喇 ~

番到屋企 3 點半喇   要預備煲湯啦   見有時間   所以就焗埋杏仁餅   全日未停過手 ~

是日晚餐 - 鹹蛋蒸肉餅 + 芥蘭 + 五指毛桃唐排湯

鹹蛋蒸肉餅 - 原來屋企有 6 隻鹹蛋   不過其中 4 隻已經臭咗   可能擺得耐呀   不過街市嗰啲都係咁擺啦   都唔明點解人哋唔壞   我嗰啲咁快壞嘅 ~

芥蘭 - 之前買落㗎   不過今次我特登切細條   咁樣易入口好多 ~

五指毛桃唐排湯 - 此乃官燕棧湯包也   五指毛桃煲出黎會有陣椰子香   好好飲呢 ~

五指毛桃又名土黃芪，藥用根部，有健脾化濕、祛風濕、化痰、舒筋活絡的作用。性味甘平，煲湯味佳兼無寒、熱之弊。中醫臨床常用於慢性支氣管炎、風濕性關節炎及脾虛浮腫等。著名老中醫鄧鐵濤臨床重用五指毛桃治療重症肌無力有良效。

元朗半天遊 ( 13-JUN-2009 )

( 13-JUN-2009  SAT )

今朝 Off 呀   超勁開心   因為可以瞓晏啲   又可以舒舒服服食早餐呢 ~

食完去百佳買嘢   我排隊比錢先知道   原來今日買滿 $88 送環保袋   唔怪得咁多人啦   收銀姐姐好好呀   幫我分兩張單   所以我有兩個環保袋呀 ~

呢日好焗好焗   所以我就唔開冷氣熨衫   熨到成身汗   雖然出咗一身汗   但焗到真係有啲頭暈暈嘅感覺呀 ~

突然收到里奧大人電話   話做嘢做到好醃悶   想出去行街喎 ~

仲話不如去元朗啦   見我成日想去元朗   順便搵埋家姐食 Lunch 再去佢屋企坐坐咁話喎   我當然話好啦   等埋里奧大人放工就一齊出發去元朗喇 ~ 

家姐就攞定位   我哋一嚟到就有得食㗎喇 ~

今次去呢間叫田中壽司刺身店    家姐話平時夜晚超多人㗎   所以想試下呢間囉   不過限時 45 分鐘   對於我哋就無所謂啦   諗住食少少嘢再去食綿綿冰呢 ~

估唔到有驚喜   食材新鮮又大件又抵食   我哋 3 個都食到好飽呀   我覺得係因為食三文魚係好漏囉 ~

天氣又熱喎   所以食埋綿綿冰就去家姐屋企喇 ~

村屋有樣好   地方大空氣好   但交通就唔方便囉   望見個大草原   有個大廚房又可以種盆栽   令我呢一刻真係好想住村屋呢 ~

家姐好鍾意八哥   總之係八哥嘅嘢就會好鍾意   所以隨處都見到八哥飾物   同埋佢好鍾意儲公仔   儲親都係一套套   有地方擺係唔同啲 ~

坐到 5 點半就走喇   同里奧大人行 Citimall   商場無咁熱嘛   我發覺元朗好似特別熱咁 ~

估唔到入元朗有收穫   里奧大人送咗 2 對羊皮拖鞋比我   佢自己買個 Laptop 背囊   得物有所用嘅感覺到真好喇 ~

行行下見到對面間鞋舖好舊式之餘   仲見到有間鞋舖好多好多鞋買   我第一次見到咁情境咋 ~

同里奧大人熱到無咩胃口   所以去勝利牛丸食晚餐就算喇 ~

滷水雙拼 + 黃薑蔥粒炒飯 + 芥蘭 ( 12-JUN-2009 )

(12-JUN-2009  FRI )

早餐三文治烘底 + 奶茶   雖然係悶   但呢日又唔想食其他嘢喎又 ~

Happy Friday 喇   加上星期六又 Off   有 Mood 做嘢先奇啦 ~

勁想食香口嘢   所以同里奧大人去麥記 食 Lunch 呢 ~

脆辣雞腿包  - 好似扮 Cute 伸條脷出嚟咁

豬柳蛋漢堡 ~ 我覺得好似 Print 緊塊芝士出嚟咁呀   哈哈

今晚好他條   因為前一日已經整好哂所有餸呢   賢妻到爆啦 ~

是日懶餐 - 滷水雙拼 + 黃薑蔥粒炒飯 + 芥蘭

滷水雙拼 - 雞翼 + 雞腎   勁入味   不過里奧大人話鹹咗啲 ~

黃薑蔥粒炒飯 - 勁有心機切蔥粒嘅炒飯   加埋少少芥蘭粒   個顏色好靚咁呀 ~

芥蘭 - $10/3 斤抵食啦   可以分兩餐食添呀 ~

火鴨絲燜米 + 生菜 ( 11-JUN-2009 )

( 11-JUN-2009  THU )

早餐食吞拿魚三文治烘底 + 凍奶茶    好耐係食吞拿魚   但覺得麻麻地好食   太小沙律醬喇   好乾咁呢 ~

又落雨   落到個人都無哂心機   我嘅心情好易受天氣影響㗎 ~

晏晝同里奧大人 媽咪去美心皇宮飲茶   今次無煲湯   因為我話飲得湯就食唔到嘢   同埋我係賢妻嘛   點會無湯飲呢 ~

依家坐巴士真係唔會悶   因為有 Roadshow   但最怕係賣啲內衣胸圍廣告   因為啲男人實會眼定定咁睇   坐我隔離個男人明明同同事一路傾一路望電視   點知一見賣胸圍廣告呢   兩條友即刻收聲   眼定定望住個廣告   播完先再一齊傾   正一鹹濕佬 ~

是日晚餐 - 火鴨絲燜米 + 生菜

火鴨絲燜米  - 蘸泰國辣雞醬一齊食好好味㗎   其實本來諗住用埋之前用剩嘅雪菜   點知拖地嘅時候先發覺原來唔記得整雪菜 ~

生菜 - 實在太方便嘅菜   一淥就熟   加埋腐乳真係好好味 ~  

濃情朱古力碰上士多啤梨 (卡卡) 卜聚 @ 青葉放題 (官塘) ( 10-JUN-2009 )

刺身 : 三文魚 / 吞拿魚 / 甜蝦 / 希靈魚 - 我只食咗希靈魚咋   其他卡卡食

Encore - 阿卡真係勁鍾意三文魚   總共食咗 18 件   我就只對希靈魚有興趣   嗦嗦聲   口感好得意㗎   雖然有啲腥   但阿卡都忍唔住試咗呢

炸物 : 餃子 / 天婦羅南瓜 / 天婦羅蕃薯 / 茄子 - 唔錯㗎   熱辣辣

天婦羅炸蝦  - 估唔到隻蝦都唔細喎

炒椰菜 - 啲汁甜甜哋 OK 呀   不過阿卡話怪

香辣魷魚鬚  - 辣辣哋好味呀

芝士 xx 壽司 ~ 一路咬一路傾   唔記得乜味咯

龍蝦沙律壽司 - 細件到呢   細件到食唔出乜味   睇卡卡個樣覺得係咁

海膽手卷  - 我食㗎   好新鮮

燒雞翼 - 為卡卡而叫㗎

鹽燒雞軟骨 - 正呀   鹹鹹脆脆勁好味   我哋總共食咗 10 串呀

鹽燒鯖魚 - 有益嘛   所以 Order 咗兩件

牛仔骨 - 我最鍾意食嘅牛仔骨   但點知佢哋整到好難食   又多肥膏仲要係好羶   勁難食呀

提子汽水 - 無味又無汽嘅

蕃茄火鍋 - 湯底有名門卷 / 金菇 / 菜 / 豆腐 / 粉絲   都幾多料   同埋個湯都幾酸

肥牛 - 超肥呀   我無食

粟米 / 唐生菜  - 要食多啲菜

味僧湯  - 無啦啦見到啲椰菜碎   當堂唔想飲   好似人哋食剩咁   又無豆腐喎

螺肉 - 我同阿卡都覺得有啲霉   個阿卡吖   好幾次食到覺霉就叫我試   應該叫我唔好食家嘛   真係吖

蟹子沙律 - 傾到差啲唔記得食呀

是日前菜 - 阿卡唔食韭菜   我食無問題   但啲汁係酸酸甜甜咁   好怪咁 
西瓜 / 啫喱糖  - 西瓜霉嘅   啫喱糖 OK 啦   無驚喜

芝麻糊  - 又係掛住傾到唔記得食呢   佢又衰嘅   黑麻麻咁   唔多覺眼家嘛   哈哈
雜果涼粉 - 阿卡叫㗎   不過佢都好似無乜點食

雪米磁  - 呢個最正常啦   不過啲皮雪到好鬼硬呀   阿卡食到瓜瓜叫咁呀

是日大堆頭食物   食完又嚟   嚟完又食   真係好飽好滿足   最後當然係要合照啦

( 10-JUN-2009  WED )

今朝早咗   所以去菇場對面食早餐   又係食芝菇治烘底 + 奶茶 ~

呢排天氣唔多好   搞到成日無神無氣咁 ~

終於 12 點半 lunch 喇   無啦啦大大個太陽咁好天氣   咁就同里奧大人行遠小小食咯   當做下運動嘛 ~

番到菇場好開心咁等放工   因為今晚約咗 卡卡 食日本放題呀 ~

雖然同佢成日 MSN   但都有講唔盡嘅說話咁   佢真係好多嘢講呢 ~

今次坐嘅位好舒服   可以近距離接觸   益哂佢啦   成日牛咁眼望住人   哈哈 ~

放題限時 2 個鐘   所以我哋晏晝已經諗好食乜   一去到即 Order   卡卡勁呀 ~  

成枱都係食物   都唔知食邊樣好   又食又傾   時間真係過得好快   後尾 Waiter 話要我哋交枱   我哋先知 8 點 45 分咋   要分手喇 ~

之後一齊行去搭車   佢不知幾唔捨得我呀 ~

XO 醬肉炒蜆肉 + 蝦醬炒通菜 + 蕃茄薯仔排骨湯 ( 9-JUN-2009 )

( 9-JUN-2009  TUE )

今朝早餐食到好飽   因為我食沙爹牛肉魚片米粉 + 凍奶茶   不過下次唔會食魚片   好鹹咁呀 ~

番到菇場中眼瞓   再加上網   所以對眼攰到不得了呢 ~ 

同里奧大人去遠少少食粉麵   食食下個天黑哂   里奧大人話拿拿聲走   我話唔駛啦   有遮唔驚噃   後尾突然間橫風橫雨   咁仲更加要坐多陣   等雨細啲先走啦   哈哈   走嘅時候先發現原來自己無帶遮   里奧大人仲以為我玩呀 ~

好在行過對面馬路就有小販檔買遮   如果唔係肯定淋到病呀 ~

是日懶餐  - XO 醬肉炒蜆肉 + 蝦醬炒通菜 + 蕃茄薯仔排骨湯

XO 醬肉炒蜆肉 - 今次無灼熟就炒喇   因為覺得啲蜆應該係熟咗   生嘅唔會咁嘅色家嘛   用蒜蓉薑粒起鑊   加 1 湯匙 XO 醬   今次唔韌又好味呀   里奧大人一見呢碟蜆就問係咪就嚟過期   佢真係好醒呢   包蜆肉 Expiry Date 真係 9-6-2009 㗎   哈哈 ~

蝦醬炒通菜 - 出街食啲炒通菜好脆綠好靚   但唔知點解自己整嘅就咁核突嘅 ~

蕃茄薯仔排骨湯 - 4 個中型蕃茄 + 1 個中型薯仔 + $10 排骨   超甜呀   我整呢個湯好有心機㗎   因為我將蕃茄切粒   唔係 1 開 4 咁簡單㗎 ~

蒸大眼雞魚 + 菜心 + 芫莤皮蛋魚片湯 ( 8-JUN-2009 )

( 8-JUN-2009  MON )

星期一啦   真係特別攰 ~

弊啦   開始對三文治有啲厭喇 ~

番到菇場掛住 Load 相   Load Load 下又差唔多食 Lunch 咯 ~

又攰   所以唔想行咁遠   去公司附近茶餐廳開餐算喇 ~

前排成日出街食   今餐一定要清清哋 ~

是日懶餐 - 蒸大眼雞魚 + 菜心 + 芫莤皮蛋魚片湯

蒸大眼雞魚 - 第 1 次整咋   呢條魚 $25   買條細細哋試下   因為我好驚好腥   好在食落都 OK   不過條魚好衰呀   嬲到眼突突咁   仲跌埋眼珠出嚟添呀   嚇到我吖   我用筷子夾番對眼珠上去咋   好嘔心呀 ~

菜心 - 無啦啦勁想食菜心   估唔到呢個時候嘅菜心仲好甜喎 ~

芫莤皮蛋魚片湯 - 呢排成日出去食   要下下火呢 ~

Shakey's Pizza @ 大埔 ( 7-JUN-2009 )

( 7-JUN-2009  SUN )

今朝 9 點電話響   原來憬我加拿大嘅堂妹打嚟話畢業喇   其實我好眼瞓㗎   但難得咁乖女打嚟   所以傾咗 40 分鐘   傾完瞓多陣就同里奧大人食早餐喇 ~

今日無番教會   食完早餐就要出去陪媽咪   因為唔識滴眼藥水呀 ~

我嘅早餐 - 法腸 + 煙肉 + 蛋公仔麵 - 我覺得條煙肉擺得好核突   成條脷咁

里奧大人嘅早餐 - 炸菜肉絲米粉 - 我覺得 d 肉紅色好恐怖呀

好少星期日唔同里奧大人一齊過   有啲唔慣呢 ~

買埋 Lunch 比媽咪   之後佢就瞓覺   我就睇雜誌   真係幾嘆喎   如果我喺自己屋企實唔會咁   因為會忍唔住執呢樣執嗰樣   天生賢妻格   無計 ~

等埋媽咪起身就去大家樂食 Tea 啦   同媽咪由 3 點傾到 5 點半   估唔到傾咗咁耐 ~  

燒鴨瀨粉  / 蜜汁烤雞翼 + 脆皮腸 / 薯仔沙律 / 珍珠奶茶 & 香茅青檸紅茶 

坐得太耐   所以一齊散下步   幫媽咪買埋晚餐   滴埋眼藥水就走 lu ~

約咗家姐一齊晚飯   所以叫里奧大人早啲去 Shakey's Pizza 等位呢   但估唔到 7 點都可以揀位坐喎 ~

今次食 2 人套餐   再加 2 件脆雞   夠哂飽呀 ~

呢晚太熱氣咁   所以番到屋企食杯乳酪   不過唔好食嘅 ~

紅辣椒 @ 大埔 ( 6-JUN-2009 )

酸甜桂花魚 - 見到條尾好嘔心   所以食咗好少   但就食哂啲配菜囉
馬拉盞炒通菜 - 必食啦   但份量好少

海南雞飯 - 雞都幾滑   油飯好味

椰汁紅豆冰  - 加 $6 轉㗎   但紅豆極少囉

西米露 - 每人送一豌   但我對西米露就麻麻哋

( 6-JUN-2009  SAT )

今朝早要好早起身喇   因為約咗媽咪同家姐 8 點大家樂見 ~

漢堡雞扒拼滑蛋 + 多士 / 牛扒腸仔配蘿蔔糕 + 吉列魚柳腸仔配蘿蔔糕 + 麥皮 

尋晚 12 點先瞓   所以都無乜胃口食嘢   不過都叫 3 份早餐 Share 食   樣樣食啲真係好開心㗎 ~ 

太眼瞓喇   雖然星期六   但番到菇場都無乜心機   好想瞓覺 ~ 

屋企外牆石屎剥落   所以 9 點就有人上嚟屋企開工   好在里奧大人今日 Off   如果唔係就要我喺度㗎喇 ~

因為要搭棚   所以要將書房同睡房窗台嘅物品搬出廳   仲話要整到 4 點添 ~

里奧大人話屋企無得開冷氣   屋企又污糟   所以叫我同媽咪食晏   食完抖陣先番屋企呢   好細心噃 ~

咁好啦   又約埋媽咪 家姐大家樂見咯 ~

2 個餐 3 個人食啱啱好   大家樂啲咖哩真係好好食   又辣   加埋杯青檸香茅紅茶真係好正呀 ~

咖哩牛腩 + 唔記得 xx 豆腐 +  香茅青檸紅茶

食完上媽咪屋企坐到 4 點半就番屋企喇   因為要幫手清潔   唔想里奧大人一個人做咁辛苦呢 ~

番到屋企做做做   做到 6 點半先搞掂   咁攰無可能煮飯啦   出去食算喇 ~ 

我好攰   諗唔到食乜   好在里奧大人話想食泰國菜咋 ~

食完行幾個大運就番屋企喇   今日好攰呀 ~

甘味讚岐手打烏冬專門店 @ APM ( 5-JUN-2009 )

牛柳粒蕃茄湯烏冬 / 豬軟骨湯烏冬 / 炒雜菜 / 墨魚餅 / 紅豆冰 / 涼粉冰

( 5-JUN-2009  FRI )

星期五喇   唔肚餓都想食豐富啲咁㗎 ~

今晚會同 CC 食飯   所以今日真係有番工等放工嘅心態   平時無㗎 ~

夢夢下又到 Lunch Time 喇   同里奧大人 & 佢同事一齊去麥記食呢 ~

今次我食魚柳包餐    里奧大人食豬柳蛋漢堡   麥樂會今個月送古古力奶昔   不過我覺得送其嘢他仲好 ~

放工即走喇   趕住去買烘焙材料   呢間烘焙店啲人好衰㗎   招招積積串到暈   我見去開官塘先去咋   如果唔係就唔買㗎喇 ~

我睇嘢嘅時候   疑似負責人同學生妹有以下對話 ~

學生妹: 想問朱古力幾錢呀 ? 
疑似負責人 (手指指放朱古力嘅地方): 嗰果度寫咗價錢   自己去睇啦 
之後學生妹再問: 5 吋蛋糕模即係幾大

店員: 5 吋咪即係 5 吋大囉   妳都講咗啦

學生妹: .... .... .... ....

最後學生妹都無買嘢就走喇   呢個咁嘅疑似負責人真係好唔掂   人哋知就唔駛問妳啦   不知所謂  ~

好在今次我要買嘅嘢都齊貨   希望自己真係用得着啦   妳知啦   大熱天時開爐好辛苦嘛 ~

CC 又未放工   所以我就去 APM 嘅甘味讚岐手打烏冬專門店開定位等佢喇 ~  

去到無人   任揀位坐   CC 就 6 點半到   呢個時間就開始多人 lu ~

第一次食   所以叫啲人氣食品最穩陣呢 ~

不過呢間嘅食物真係麻麻哋   但價錢就唔貴囉   所以都好多人去 ~

食下傾下真係唔覺時間過得咁快   望一望隻錶原來已經 10 點   要走人喇 ~

豬柳漢堡炒飯 + 菜心 + 芫茜皮蛋魚片湯 ( 4-JUN-2009 )

( 4-JUN-2009  THU )

今朝超焗呀   所以都係去菇場附近食早餐   超焗唔想食鹹嘢   所以食奶醬厚多士 + 奶茶   甜甜哋   食完人都開心啲 ~

番到菇場坐定定等運到   如果無電腦   就真係好似世界未日咁咯 ~

終於又等到 Lunch Time   無啦啦咁好天氣喎   所以同里奧大人行遠啲食嘢喇 ~

食羅宋湯螺絲粉餐 + 牛肉腸   羅宋湯酸酸辣辣真係好開胃呀 ~

是日懶餐 - 豬柳漢堡炒飯 + 菜心 + 芫茜皮蛋魚片湯

豬柳漢堡炒飯 - 用菜脯 + 蔥花 + 薑粒一齊炒飯   炒炒下先醒起未解凍豬柳漢堡   嚇到拿拿聲拎出嚟   再快手亂切豬柳   再摩打手快炒   將所有嘢炒埋一堆   搞掂 ~

菜心 - 甜到無得頂呀   加埋薑蔥蓉一齊食   真係好味道爆呀 ~

芫茜皮蛋魚片湯 - 打完邊爐要下火呢   飲完真係好似舒服啲咁㗎   今次又買到小松花皮蛋呀 ~

打邊爐 @ 稻香超級漁港 (大埔) ( 3-JUN-2009 )

萬壽果雪耳螺頭湯底 - $1 優惠價   原來萬壽果即係木瓜嚟嘅   不過最後試下啲木瓜   但苦嘅   唔通因為落咗肉嘅關係

乳鴿  - 每人送半隻 = 1隻   熱辣辣㗎   加埋喼汁同淮鹽   真係好好味呢

我嘅醬料 - 1 匙仔指天椒咋   但都好辣   個胃比火燒咁款呀

雪花丁方 - 估唔到幾好味噃   灼幾年都唔韌喎   不過一食完個口就好多油   好漏

美國黑豚肉 - 薄切切正呀   如果自己可以切到咁薄就好 lu

手打墨魚滑  - 里奧大人好鍾意食㗎   所以必叫呢

秀珍菇 - 無特別

雞肶菇 - 成日喺街市到見到   所以想試乜味

鮮冬菇 - 好耐無食   想食下

綠色大藍子  - 打邊爐無菜點得呀 

雪梨水 - 我煲嗰啲好飲好多啦   哈哈

忌廉 + 可樂 - 都係飲有汽好啲呢   Gur咗啖氣出嚟舒服好多㗎

( 3-JUN-2009  WED )

天氣唔好   所以早啲出門口   唔想塞車 ~

今次又係去大家樂食早餐   又係食炒麵 + 奶茶   但係今次個炒麵好唔掂   腍劈劈唔好食呀 ~

好後悔行咁遠食早餐   行到香汗淋漓   勁想番屋企沖涼啊呀 ~

話咁快就 Lunch Time   但天氣好怪   又太陽又落雨   所以都係同里奧大人去公司附近食嘢算喇 ~

好耐無食咖哩豬扒意粉   覺得好好味呢   不過鹹咗啲   件奶醬多又係超正   燶燶哋又多奶醬 ~

個人呢排好攰   雖然諗到煮咩   但唔多想煮   咁嘅情況下千其唔好煮   因為無 Mood 煮嘢會唔好食㗎   經驗所得 ~

好得意㗎   唔想煮飯嘅同時   會突然諗到想食啲咩咁 ~

但當決定食咩嘅時候   同時又會好想煮飯喎   咁點算好呢 ~

呢個時候會打比里奧大人   講話 "唉   想打邊爐但又想煮飯   都唔知點好 ?!"   講完就有人幫妳做決定啦   哈哈 ~

其實我真係好少話出街食   所以里奧大人都知我真係好攰   都唔會叫我煮呢 ~

坐巴士時里奧大人無啦啦打嚟話   佢真係好想打邊爐喎   唔好煮飯   好想打邊爐喎   聽完佢咁講真係眼濕濕好感動   我覺得佢對我真係好好呢   哈哈 ~

好啦   食埋呢餐   煮足兩個星期住家飯佢嘆啦 ~

今次又係去稻香打邊爐   因為有 $1 湯底嘛   今次係萬壽果雪耳螺頭湯底   清清哋唔錯   因為係 $1   所以唔好咁多要求 ~

原來依家去稻香食飯   每位會送半隻乳鴿   咁真係好着數喎   當 Waiter 比我嘅時侯   我仲話無叫到添   原來每個人都有嘅 ~

埋單 $270   如果 9 點後食就平好多呢   但我呢啲早瞓嘅人真係無福消受呢啲優惠咯 ~

呢餐好滿足   飽到抖唔到氣咁呀 ~

住家飯 @ 媽咪屋企 ( 2-JUN-2009 )

白切雞 - 媽咪話係嘉美雞   真係好滑呀

薑蔥蓉 - 今次唔想食辣   所以唔加埋指天椒   不過都係覺得加咗好味啲

茄汁蝦碌 - 酸酸甜甜啱我呀   試過整蝦   但剪蝦鬚嘅感覺好嘔心   所以我無再整 lu

煎鯧倉魚 - 煎到脆卜卜   好味呀

苦瓜燜排骨 - 好有苦瓜味   好味   不過唔敢食咁多   因為驚太涼呢

牛蒡紅蘿蔔粟米栗子唐排湯 - 超清甜呀   唐排啲軟骨又好味   勁鍾意呀

飯後果 - 富士蘋果超爽甜   最唔鍾意食粉粉嘅華盛頓蘋果

( 2-JUN-2009  TUE )

今朝要出廣華覆診   經過旺角漒水街   真係有 d 驚   我範圍大嘛   好易中招   不過咁早   應該無事啩 ~ 

難得唔趕時間   所以行去大快活食早餐   想食牛扒腸仔   但無牛扒   迫於無奈食炸魚柳配滑蛋配英式多士 + 奶茶   唔知點解覺得今次好大堆頭   未食已覺得飽呢 ~

10 點到醫院   11 點搞掂   政府醫院喎   算快啦 ~

家姐今朝請咗半日假陪媽咪去做白內障手術   手術非常成功   感恩   做完仲去稻香飲茶   家姐 11 點幾就番到媽咪屋企無嘢做   所以約埋佢去 Pizza Hut 一齊食 Lunch 喇 ~

等埋里奧大人一齊就開餐啦   兩份 1 人常餐 + 1 份香草包   夠哂飽呀 ~

蒜蓉包 - 超好味

忌廉雞湯 - 又係好好味

意大利蔬菜湯 - 料都幾多嘅   但都係無味

千島夏威夷批 - 得幾粒肉   好似食麵包咁   唔掂呀

肉腸咖哩意粉 - 幾驚又係無味呀   好彩啲咖哩汁都辣   唔係就慘啦 

法式香草包條 - 脆卜卜又煙煙韌韌   我好鍾意食架

番到菇場先覺得滯   勁唔舒服呀 ~

媽咪做咗白內障手術嘛   所以就番媽咪屋企食飯喇 ~

番到屋企真係好舒服好舒服   飲完豌湯就 "灘" 喺度睇電視等食飯   前所未有咁嘆呀 ~

今晚真係勁開心   因為有齊哂我鍾意食嘅餸呀 ~

食到飽飽番屋企   懶開有條路   乜都唔想做   只想食   所以就食條雪條   唔知點解   次次食完古古力雪條都好好瞓   但我唔敢食咁多   因為真係好肥呢 ~

檸檬醬雞翼 + 茄汁洋蔥豬扒 + 脆肉瓜粟米粒 + 隔夜湯 ( 1-JUN-2009 )

( 1-JUN-2009  MON )

星期一好攰   所以早餐一定要食飽啲   唔飽無力   好易中眼瞓   不過食得太飽又好想瞓喎 ~

菇場淡季靜到呢   望住個屏幕望到眼濛濛   好辛苦呀 ~

晏晝同里奧大人食粉   今次我食牛雜米   好耐無食   人老喇   唔好食咁多內臟   里奧大人就清清哋食炸魚片頭河    又唔要腩汁   仲唔落辣椒油   我覺得無味囉   但里奧大人又成豌食哂喎 ~

放工即走啦   因為今餐飯要用耐啲嘅時間煮呢 ~

是日晚餐 - 檸檬醬雞翼 + 茄汁洋蔥豬扒 + 脆肉瓜粟米粒

檸檬醬雞翼 - 第一次整檸檬醬   跟食譜整   但以為就咁用檸檬茸 + 檸檬汁就攪掂   點知原來要芡汁   晴天霹靂啦   我唔知乜叫芡汁   我又驚太酸   所以加糖   但煮嘅時侯聞到苦味都心知不妙囉   點知食嘅時候都真係苦 ~

茄汁洋蔥豬扒 - 加豉油時重手咗   食落有啲鹹 ~

脆肉瓜粟米粒 - 隻易潔鍋煎緊雞翼   所以懶得等   用個煲嚟炒   點知煲都燶埋   擦到我呢 ~

隔夜湯 - 真係越隔夜   越清甜呀 ~