打邊爐 @ 稻香超級漁港 ( 大埔 )

萬壽果雪耳螺頭湯底 - $1 優惠價   原來萬壽果即係木瓜黎嘅   不過最後試下 d 木瓜   苦嘅   唔通因為落咗肉嘅關係

乳鴿  - 每人送半隻 = 1隻   熱辣辣架   加埋 d 喼汁同唯鹽   真係好好味呢

( 醬料  )

( 指天椒碎 )

( 蔥粒 )

( 生蒜蓉 )

( 青椒碎 )

(炸蒜蓉 )

( 炸花生碎 )

( 沙茶醬 )

( XO 醬 )

我嘅醬料 - 1 匙仔指天椒咋   但都好辣   個胃比火燒咁款呀


雪花丁方 - 估唔到幾好味噃   灼幾年都唔韌喎   不過一食完個口就好多油   好漏

美國黑豚肉 - 薄切切正呀   如果自己可以切到咁薄就好 lu 

手打墨魚滑  - 里奧大人好鍾意食架   所以必叫呢

( 三菇 )

 秀珍菇  - 無特別

雞肶菇  - 成日喺街市到見到   所以想試乜味

鮮冬菇  - 好耐無食   想食下

綠色大藍子  - 打邊爐無菜點得架 

雪梨水 - 我煲果 d 好飲好多啦 

可樂 + 忌廉 + 可樂  -  都係飲有汽好 d 呢   ur 咗啖氣出黎舒服好多架 

( 3-jun-2009 wed )

天氣唔好   所以早 d 出門口   唔想塞車 ~  

今次又係去大家樂食早餐   又係食炒麵 + 奶茶   但係今次個炒麵好唔掂   林 pat pat   唔好食呀 ~ 



好後悔行咁遠食早餐   行到香汗淋漓   勁想番屋企沖涼啊呀 ~ 

話咁快就 lunch   天氣好怪   又太陽又落雨   所以都係同里奧大人去公司附近食嘢算喇 ~ 

好耐無食咖哩豬扒意粉    覺得好好味呢   不過鹹咗 d   件奶醬多又係超正   燶燶地又多奶醬   正正正呀 ~

唉   個人呢排好攰   雖然諗到煮乜   但唔多想煮   咁嘅情況下千其唔好煮   因為無 mood 煮嘢會唔好食架   經驗所得 ~ 

好得意架   唔想煮飯嘅同時   會突然諗到想食 d 乜咁架 ~

但呢   當決定食乜嘅時候   同時又會好想煮飯喎   咁點算好呢 ~  

呢個時候會打比里奧大人   講話 "唉   想打邊爐但又想煮飯   都唔知點好"   講完就有人幫妳做決定啦   呵呵 ~  

其實我真係好小話出街食架   所以里奧大人都知我真係好攰   都唔會叫我煮呢 ~ 

坐巴士時里奧大人無啦啦打黎話   佢真係好想打邊爐喎   唔好煮飯   好想打邊爐喎   聽完佢咁講真係眼濕濕好感動   我覺得佢對我真係好好呢   哈 ~ 

好啦   食埋呢餐   煮足兩個星期住家飯佢嘆啦 ~

今次又係去稻香打邊爐   因為有 $1 湯底嘛   今次係萬壽果雪耳螺頭湯底    清清地唔錯   因為係 $1   所以唔好咁多要求 ~  

原來依家去稻香食飯   每位會送半隻乳鴿   咁真係好 so 喎   Waiter 比我嘅時侯   我仲話無叫到添   原來每個人都有嘅 ~  

埋單 $270   如果 9 點後食就平好多呢   但我呢 d 早瞓嘅人真係無福消受呢 d 優惠咯 ~     

呢餐好滿足   飽到抖唔到氣咁呀 ~