濃情朱古力碰上士多啤梨 ( 卡卡 ) 卜聚 @ 青葉放題 ( 官塘 )

刺身 : 三文魚 / 吞拿魚 / 甜蝦 / 希靈魚 - 我只食咗希靈魚咋   其他卡卡食

Encore - 阿卡真係勁 like 三文魚   總共食咗 18 件   我就只對希靈魚有興趣   嗦嗦聲   口感好得意架   雖然有 d 腥   但阿卡都忍唔住試咗呢

炸物 : 餃子 / 天婦羅南瓜 / 天婦羅蕃薯 / 茄子 - 唔錯架   熱辣辣 

天婦羅炸蝦  - 估唔到隻蝦都唔細喎

炒椰菜 - d 汁甜甜地 ok 架   不過阿卡話怪 

香辣魷魚鬚  - 辣辣地好味呀

芝士 xx 壽司 ~ 一路咬一路傾   唔記得乜味咯 

龍蝦沙律壽司 - 細件到呢   細件到食唔出乜味   睇卡卡個樣覺得係咁  

海膽手卷  - 我食架   好新鮮 

燒雞翼 - 為卡卡而叫架 


鹽燒雞軟骨 - 正正正呀   鹹鹹脆脆勁好味   我地總共食咗 10 串呀

鹽燒鯖魚 - 有益嘛   所以 order 咗兩件 

牛仔骨 - 我最鍾意食嘅牛仔骨   但點知佢地整我好難食   又多肥膏   仲要係好羶   勁難食呀 

提子汽水 - 無味又無汽嘅  

蕃茄火鍋 - 湯底有名門卷 / 金菇 / 菜 / 豆腐 / 粉絲   都幾多料架   同埋個湯都幾酸 

肥牛 - 超肥呀   我無食到 

粟米 / 唐生菜  - 要食多 d 菜 

味僧湯  - 無啦啦見到 d 椰菜碎   當堂唔想飲   好似人地食剩咁   又無豆腐喎

螺肉 - 我同阿卡都覺得有 d 霉   個阿卡丫   好幾次食到覺霉就叫我試   應該叫我唔好食家嘛   真係丫

蟹子沙律  - 傾到唔記得食呀 

是日前菜  - 阿卡唔食韭菜   煩   我食無問題   但 d 汁係酸酸甜甜咁   好怪咁 

西瓜 / 啫喱糖  - 西瓜霉嘅   啫喱糖 ok 啦   無驚喜

芝麻糊  - 又係掛住傾到唔記得食呢   佢又衰嘅   黑麻麻咁   唔多覺眼家嘛   哈

雜果涼粉 - 阿卡叫架   不過佢都好似無乜點食

雪米磁  - 呢個最正常啦   不過 d 皮雪到好鬼硬呀   阿卡食到瓜瓜叫咁呀


是日大堆頭食物   食完又黎   黎完又食   真係好飽好滿足 ~

最後當然係要合照啦 ~ 

( 10-jun-2009 wed )

今朝早咗   所以去菇場對面食早餐   又係芝菇治烘底 + 奶茶 ~



呢排天氣唔多好   搞到成日無神無氣咁 ~

終於 12 點半 lunch 喇   無啦啦大大個太陽咁好天氣   咁就同里奧大人行遠小小食咯   當做下運動嘛 ~

番到菇場好開心咁等放工   因為今晚約咗 卡卡 食日本放題呀 ~   

雖然同佢成日 MSN   但都有講唔盡嘅說話咁   佢真係好多嘢講呢 ~

今次坐嘅位好舒服   可以近距離接觸   益哂佢啦   成日牛咁眼望住人   哈 ~

放題限時 2 個鐘   所以我地晏晝已經諗好食乜   一去到即 order   卡卡勁呀 ~  

成枱都係食物   都唔知食邊樣好   又食又傾   時間真係過得好快   後尾 Waiter 話要我地交枱   我地先知 8 點 45 分咋   要分手喇 ~

之後一齊行去搭車   佢不知幾唔捨得我呀   噢 ~