( 牛柳粒蕃茄湯烏冬 )
( 墨魚餅 )
( 紅豆冰 / 涼粉冰 )
( 5-jun-2009 fri )
星期五喇 唔肚餓都想食豐富 d 咁架 ~
夜晚會同 CC 食飯 所以今日真係有番工等放工嘅心態 平時無架 ~
夢夢下又到 lunch time 喇 同里奧大人 & 佢同事一齊去麥記呢 ~
今次我食魚柳包餐 里奧大人食豬柳蛋漢堡 麥樂會今個月送古古力奶昔 不過我覺得送其嘢他仲好 ~
放工即走喇 趕住去買烘焙材料 呢間 Baking 店 d 人好衰架 招招積積串到暈 我見去開官塘先去咋 如果唔係就唔買架喇 ~
我睇嘢嘅時候 疑似負責人同學生妹有以下對話 ~
學生妹 : 想問古古力幾錢呀 ?
疑似負責人 ( 手指指放古古地嘅地方 ) : 果度寫咗價錢 自己去睇啦
之後學生妹再問 : 5 吋蛋糕模即係幾大
店員 : 5 吋咪即係 5 吋大囉 妳都講咗啦
學生妹 : .. .. .. .. ..
最後學生妹都無買嘢就走喇 呢個咁嘅疑似負責人真係好唔掂 人地知就唔駛問妳啦 不知所謂 ~
好在今次我要買嘅嘢都齊貨 希望自己真係用得着啦 妳知啦 大熱天時開爐好辛苦架 ~
CC 又未放工 所以我就去 APM 嘅甘味讚岐手打烏冬專門店開定位等佢喇 ~
去到無人 任揀位坐 CC 就 6 點半到 呢個時間就開始多人 lu ~
第一次食 所以叫 d 人氣食品最穩陣呢 ~
不過呢間嘅食物真係麻麻地 但價錢就唔貴囉 所以都好多人去 ~
食下傾下真係唔覺時間過得咁快 望一望隻錶原來已經 10 點喇 要走人喇 ~
沒有留言:
發佈留言