住家飯 @ 媽咪屋企

( 2-jun-2009 tue )

白切雞 - 媽咪話係嘉美雞   真係好滑呀  

薑蔥蓉 - 今次唔想食辣   所以唔加埋指天椒   不過都係覺得加咗好味 d   

茄汁蝦碌 - 酸酸甜甜啱我呀   試過整蝦   但剪蝦鬚嘅感覺好嘔心   所以我無再整 lu

煎倉魚 - 煎到脆卜卜   好味呀

苦瓜炆排骨 - 好有苦瓜味   好味   不過唔敢食咁多   因為驚太涼呢

牛蒡紅蘿蔔粟米栗子唐排湯 - 超清甜呀   唐排 d 軟骨又好味   勁鍾意呀

飯後果 - 富士蘋果   超爽甜   最唔鍾意食粉粉嘅華盛頓蘋果


今朝要出廣華覆診   經過旺角漒水街   真係有 d 驚   我範圍大嘛   好易中招   不過咁早   應該無事啩 ~ 

難得唔趕時間   所以行去大快活食早餐   想食牛扒腸仔   但無牛扒   迫於無奈食炸魚柳配滑蛋配英式多士 + 奶茶   唔知點解覺得今次好大堆頭   未食已覺得飽呢 ~ 

10 點到醫院   11 點搞掂   政府醫院喎   算快啦 ~  

家姐今朝請咗半日假陪媽咪去做白內障手術   手術非常成功   感恩   做完仲去稻香飲茶   家姐 11 點幾就番到媽咪屋企無嘢做   所以約埋佢去 Pizza Hut 一齊 lunch 喇 ~ 

等埋里奧大人一齊就開餐啦   兩份 1 人常餐 + 1 份香草包   夠哂飽呀 ~ 


蒜蓉包 - 超好味 

忌廉雞湯 - 又係好好味  

意大利蔬菜湯 - 料都幾多嘅   但都係無味    

千島夏威夷批 - 得幾粒肉   好似食麵包咁   唔掂呀 ~ 

肉腸咖哩意粉 - 幾驚又係無味呀   好彩 d 咖哩汁都辣   唔係就慘啦 ~ 

法式香草包條 - 脆卜卜又煙煙韌韌   我好鍾意食架 ~   

忌廉 - 最穩陣嘅飲品 

百事 - 如果係可樂就好 d   我覺得百事比較甜   


番到菇場先覺得滯   勁唔舒服呀 ~ 

媽咪做咗白內障手術嘛   所以就番媽咪屋企食飯喇 ~ 

番到屋企真係好舒服好舒服   飲完豌湯就 "灘" 喺度睇電視等食飯   前所未有咁嘆呀 ~ 

今晚真係勁開心   因為有齊哂我鍾意食嘅餸呀 ~ 

食到飽飽番屋企   懶開有條路   乜都唔想做   只想食   所以就食條雪條   唔知點解   次次食完古古力雪條都好好瞓   但我唔敢食咁多   因為真係好好好好好好肥呢 ~