滷水雙拼 + 黃薑蔥粒炒飯 + 芥蘭 ( 12-JUN-2009 )

(12-JUN-2009  FRI )

早餐三文治烘底 + 奶茶   雖然係悶   但呢日又唔想食其他嘢喎又 ~

Happy Friday 喇   加上星期六又 Off   有 Mood 做嘢先奇啦 ~

勁想食香口嘢   所以同里奧大人去麥記 食 Lunch 呢 ~

脆辣雞腿包  - 好似扮 Cute 伸條脷出嚟咁

豬柳蛋漢堡 ~ 我覺得好似 Print 緊塊芝士出嚟咁呀   哈哈

今晚好他條   因為前一日已經整好哂所有餸呢   賢妻到爆啦 ~

是日懶餐 - 滷水雙拼 + 黃薑蔥粒炒飯 + 芥蘭

滷水雙拼 - 雞翼 + 雞腎   勁入味   不過里奧大人話鹹咗啲 ~

黃薑蔥粒炒飯 - 勁有心機切蔥粒嘅炒飯   加埋少少芥蘭粒   個顏色好靚咁呀 ~

芥蘭 - $10/3 斤抵食啦   可以分兩餐食添呀 ~