柱候焗雞翼 + 煎蘿蔔糕 + 煎馬蹄糕 + 蒜蓉多士 ( 17-feb-2010 )

( 17-feb-2010  wed )
呢日又天陰陰又好凍   本來想去山頂   最後都係唔去 lu   我唔想凍到病呀 ~   
同里奧大人食完早餐就去銀行   唉   之前有兩個保險箱戶口   但覺得其中一個無用   所以取消   點知另一個間銀行要內部裝修   變相被迫取消   即係兩個保險箱都無哂   所以拎埋哂 d 首飾出黎   之後 d 屋契 d 文件又超厚   同埋覺得放喺屋企超唔方便   好彩姑奶佢唔要個保險箱   所以加名轉比我地   咁我地又有番保險箱   兜兜轉轉都係用番之前間銀行嘅保險箱   真係唔知好嬲定好笑呀 ~

搞埋哂嘢已經到 tea time 喇   其實又未餓   不過唔想周圍走   所以食 tea 囉 ~  

呢日喺屋企 hea   越坐越凍   忍唔住拎暖爐出黎喇   開咗暖爐簡直係另一個世界呀 ~
唔想出街食   又有好多糕   所以都係煮飯好 d 呢 ~ 
是日懶餐 - 柱候焗雞翼 + 煎蘿蔔糕 + 煎馬蹄糕 + 蒜蓉多士
柱候焗雞翼 - 用埋最後 1/4 樽醃一晚   鹹到呢   依家諗起都有 d 驚呢 ~ 
煎蘿蔔糕 - 煎到燶邊   再加甜醬同桂林辣辣醬就最好味呢 ~ 
煎馬蹄糕 - 隔離屋阿婆比架   好好味   同街果 d 無得比呢 ~
蒜蓉多士 - 突然間好想食   想食又有得食嘅感覺真係好到不得了呢 ~