蒜蓉豆豉蝦仁粉絲 + 芥蘭炒臘腸 + 花膠響螺肉眼竹絲雞燉湯 ( 21-feb-2010 )

( 21-feb-2010 sun )
今朝同里奧大人食早餐   星期日食早餐就最舒服   唔駛趕   慢慢食   如果日日係咁就真係人都長命 d ~
 

假期多數留喺屋企 hea 或者做家務   我一係唔做   一做就做唔停   同埋好似樣樣都好想做咁   所以呢   真係頭痛到唔知做邊樣   要食粒 Panadol 定定神   諗做 d 乜嘢好   最後決定只係抹柜同拖地   天氣潮濕   拖完要開抽濕機   真係好煩呀 ~
同里奧大人去大埔墟街市食東記豬扒麵   閒閒地要等半個鐘架   不過就可以叫其他檔嘅食物   咁都唔錯   因為我無耐性   有嘢咬下好 d 嘅   食完去圖書館借書   話咁快就過咗大半日 lu ~

炸豬扒 - 第一次好鬆軟好好食   今次都好鬆軟   但就好多肥膏囉

粗麵 - 加埋豆辣醬就好食好多呢 
炸雞翼 - 無乜特別 
榨菜幼麵 - 又係無乜特別
即制牛腸 - $13 得兩條咋   我覺得貴呀

是日懶餐 - 蒜蓉豆豉蝦仁粉絲 + 芥蘭炒臘腸 + 花膠響螺肉眼竹絲雞燉湯
蒜蓉豆豉蝦仁粉絲 - 整呢個餸嘅原因係要清哂 d 蝦仁   因為將近到期   唔整就要掉架喇 ~
芥蘭炒臘腸 - $18 斤芥蘭   唔知 d 菜幾時先平番呢 ~
花膠響螺肉眼竹絲雞燉湯 - 又係里奧大人親自燉架   唔駛做有得飲真係好嘆 ~ 
呢晚都仲係有 d 凍   所以唔出去跑步   留喺屋企玩 wii 嘅乒乓波   呢部 wii 係我兒甥女架   佢買咗之後一次都無玩過   所以佢媽咪話比我地   唔好浪費喎   我地只係買隻火牛同手制就玩得   發達啦 ~