( 3-feb-2010 wed )
今朝早餐又食扒芝腿治 麵包煙煙韌韌 加埋半溶嘅芝士 正到爆呀 ~
自從搬咗之後 好多同事都好早番 包括我在內 因為無嘢行關係 所以早咗番呀 ~
依家我個位 very good 啦 對住個窗 精神爽利 同埋坐最入嘛 最怕坐近 Printer 同走廊位 因為實好多人出出入入好嘈囉 ~
又食 lunch box 喇 之後再同 8 卦出去行下 見到有大班 蛋撻王 幾間麵包舖 搵食唔係太艱難喎 唔錯唔錯 ~
忙咗陣又 hea 下 又放工啦 好開心呀 ~
今日里奧大人去咗圖書館 搞到我心大心細唔想煮 因為圖書館樓下就係熟食中心 好吸引嘛 所以就同里奧大人講 如果我放工佢仲未走就一於食泰國菜 如果走咗就番屋企求其煮咁囉 ~
呵呵 最後都係食泰國菜 因為我好想食呀 去食之前買 d 菜肉餃子孝敬里奧大人先再 order 依家食飯食剩都唔怕 因為我可以帶飯呢 食完行番屋企 再抖陣去徑步 相當之健康咁呢 ~
人都顛事件薄 : 之前買咗 d 豬肉 覺得有陣味 ( 其實我係好抗拒 d 豬肉味 ) 所以無理 之後再整 又聞到陣味 所以都無理 但當雪柜無哂豬肉仍都有果陣味 我開始覺得好嘔心 仲以為自己開始對肉類抗拒 所以聞到呢陣味想嘔呢 之後再 check 雪柜又有陣味喎 以為太多嘢 所以即放檸檬 總之一句講哂 廚房一陣味啦 但我好奇怪 我清潔廚房好乾淨家嘛 無理由會咁 之後里奧大人仲諗住聽日大清洗條喉 佢之後又問掛喺柜門嘅膠袋有無垃圾 我肯定咁話 : 無 ( 因為我唔會將垃圾放喺掛喺度嘅 ) 佢再 check 啦 噢 終於真相終於大白啦 原來膠袋入面有唔知擺咗幾多日前嘅垃圾啊 里奧大人仲好意思話我話膠袋無垃圾 我話係你自己放 唔好屈我 因為我唔會將 d 垃圾掉喺掛住 d 膠袋 佢即刻唔敢出聲 知道衰嘛 ~
沒有留言:
發佈留言