魚香茄子 (外賣) + 豉汁炒苦瓜 (外賣) + 炸子雞拚咕嚕骨 (外賣) ( 1-OCT-2024 )

( 1-OCT-2024  TUE )

今朝 9 點半自然醒   我又唔想食 1 份早餐   食完一陣又要遲啲去食晏   咁不如蒸燒賣算喇   反正都想清冰格   呵呵 ~

食完就起身去洗嘢啦   點知里奧大人話幫我洗   我唔客氣喇 ~

沖埋涼就休息下先   差唔多 1 點就出去捐衫比救世軍   之後再去食午餐 ~

我話好想食河粉呀   可能呢排成日帶飯   哈哈 ~

食完再周圍行陣   之後食完雪糕都番屋企喇   今日超級焗熱呀 ~

家姐比咗張 Haagen Dazs Coupon   免費食 1 球雪糕   我揀咗 Mango Sorbet

番到屋企諗住執下嘢   但出完一身汗好攰   咁睇下 Youtube 啦   里奧大人喺梳化瞓   不過我睇睇下都瞓咗 1 個鐘呀 ~

個人都仍然好攰咁   但又唔想再瞓   因為都已經 4 點幾   咁又執下嘢抹下嘢啦   搞掂就預備晚餐   其實只係焗熱   呵呵 ~

是日晚餐 - 魚香茄子 (外賣) + 豉汁炒苦瓜 (外賣) + 炸子雞拚咕嚕骨 (外賣)

魚香茄子 (外賣) - 好想食呀  份量係超級多   呢度只係 2/3 咋   因為我哋要帶飯   所以唔想蒸完又蒸 ~

豉汁炒苦瓜 (外賣) - 呢個好味呀   不過好多油 ~

炸子雞拚咕嚕骨 (外賣) - 咕嚕骨個汁好味   但已經唔係之前咁脆身了   所以唔會再去呢間買㗎喇 ~

里奧大人又話幫我洗嘢   但我都洗哂啦   不過佢今日好乖喎   兩次都主動做   哈哈 ~

開埋機洗衫就即沖涼   抖陣就熨衫   但熨到一半叫里奧大人熨呀   因為我好熱 ~

本身 10 點已經想瞓   但唔想半夜醒咗瞓唔番   所以頂到 10 點 20 分瞓覺 ~