雞飯 + 超甜粟 ( 3-OCT-2024 )

( 3-OCT-2024  THU )

尋晚瞓瞓下有啲熱   可能食咗蝦片呀   呢期食親熱氣嘢就會熱醒囉 ~

早餐食酸種麵包夾芝士   口感都煙堅韌   不過里奧大人麻麻哋鍾意食 ~

一入菇場就好焗   所以肯定壞冷氣啦   平時開 High 16   真係唔壞就奇囉   我咁怕熱都話好凍要着外套呀   不過就算校番高都無用   阿爽又會走去校番高   所以啲同事暗地裡都話佢自私呢 ~

淘寶 $19.9 咋   所以都寧願自己買過新   好過問菇場拎個新囉

忙下停下   又同家姐傾咗 20 分鐘電話   所以覺得時間過得好快   哈哈 ~

Lunch Time 蒸完飯就出去買粟米   之後行下行下又已經 12 點 10 分   係時候要番去喇 ~

好唔明啲人   洗隻細匙更要 1 分鐘仲要水長流   如果我好似佢咁   就要洗 2 個飯碗 + 2 個飯蓋 + 焗蓋 + 匙更要要洗 6 分鐘   加埋來來回回咪成 10 分鐘

菇場忙呀   搞掂哂就睇手機   里奧大人打過比我   家姐又 Whatsapp 叫我打比佢都唔知呀   遲咗半個鐘頭先覆   我話今日好忙呀   佢話估唔到   哈哈哈哈 ~

咁再打比里奧大人啦   阿妹細細聲話佢開誇部門會議呀   再問我係咪想問里奧大人今晚去唔去豬豬   真係笑鬼死   之後又傾咗陣 ~

咁諗住去洗手間   家姐用手機打比我   我即聽啦   佢仲好急促嘅聲咁話" 阿妹呀"   我已經比佢嚇死   原來話佢星期六唔得閒   我話唔駛咁緊張要特登打比我啦   佢話又係喎   平時 Whatsapp 講家嘛   哈哈 ~

之後我喺度諗   其實家姐 WFH 一定用手機打比我㗎啦   但我覺得依家係番工時間   正路唔會用手機打嚟咁囉   哈哈 ~

放工即走   今晚約咗小羊   同佢傾咗 20 分鐘左右就走喇 ~

小羊送咗 3 塊 Mask 比我   我話好在都買咗包朱古力比佢咋   哈哈

我同里奧大人唔太餓   所以烚粟米同蒸熱啲雞飯就算   本身我話可以出去食   但蒸飯就聽日帶飯   但里奧大人話聽日出去食好過   唔想啲雞飯留咁耐呢 ~

洗埋碗就抖陣   之後同里奧大人一齊去做運動   做 20 分鐘就夠皮朋了 ~

番到屋企即開機洗衫   之後沖涼休息 ~

家姐之前送咗盒榴槤冰皮月餅   咁今晚食咗 2 個先   之後就會記得再食埋另外 4 個㗎喇   始終冰格唔係成日開   好易忘記佢哋嘅存在 ~

貓山王 & 黑刺味道

我覺得黑刺濃味啲   同埋有一粒粒嘅榴槤肉

睇陣 Youtube   今晚 10 點 45 分瞓覺 ~