黃豆醬焗雞翼 + 蕃茄薯仔南瓜粟米湯 ( 20-OCT-2024 )

( 20-OCT-2024  SUN )

又係咳到死死下   啲痰硬係困住喺喉嚨囉   真係好煩 ~

今朝同里奧大人一齊 10 點自然醒   梳洗之後就去食早餐喇 ~

食完就去買餸   里奧大人就番屋企抖陣先 ~

去萬寧買嘢   本身比 Enjoy 卡有 94 折   所以我先會去買嘢嘛   點知我比咗 Coupon   呢排真係食藥食到溫溫燉燉 ~

買埋湯料就番屋企   估唔到見到里奧大人   仲以為佢番咗工添   唔怪得成日問我去咗邊啦   咁頭先佢話番工我先去買餸嘛   不過佢坐多陣都番工 lu ~

我滖埋個湯就沖涼休息   差唔多 3 點就去里奧大人公司一齊食午餐   我又可以郁下 ~

無諗過里奧大人會買豬紅

今朝老闆娘叫我飲鹹檸檬   我同里奧大人講話叻叻有呀   因為佢上次都沖比我飲   咁里奧大人問佢拎啦   諗住自己沖   但叻叻話里奧大人唔識沖   係都要沖比我飲   真係好感動呀   佢對我真係好好   次次我唔舒服   佢就會整呢樣整嗰樣比我呢   

食完就抖陣   之後去大生買零食比叻叻   我拎完就差啲直接走咗呀   好在行到門口之前睇下飲品就停落嚟   先記得自己未比錢呀 ~  

坐多陣就番屋企   都係睇下 Youtube 打下機   今日有啲攰   唔想做家務 ~

差唔多 5 點 45 分就預備晚餐   里奧大人 6 點就番到嚟   不過要等多陣先可以開餐呢 ~

是日晚餐 - 黃豆醬焗雞翼 + 蕃茄薯仔南瓜粟米湯 

黃豆醬焗雞翼 - 依家泰國嘅無激素雞翼真係細隻都不得了   下次都係去樓上買算喇 ~

蕃茄薯仔南瓜粟米湯 - 8 個蕃茄 + 2 個薯仔 + 半個南瓜 + 2 條粟米   不過今次啲蕃茄有啲酸   好在有薯仔   唔係會越飲越餓   哈哈 ~ 

洗埋碗就沖涼   之後就休息休息 ~

睇陣電視   今晚 9 點 55 分都瞓覺 lu ~