茶皇殿 @ 旺角 ( 6-OCT-2024 )

上湯焗波士頓龍蝦 (伊麵底) - 份量都好多喎   咁我拎手機影相   估唔到表哥同堂妹夫都一齊影相   開心開心

XO 醬碧綠花姿螺片 -  我鍾意食呢個餸

鴻運五福中拚盆 - 里奧大人夾咗一嚿好細嘅乳豬皮比我   不過我掛住傾   真係都唔記得個皮脆唔脆了

京烤醬燒骨拉脆奶卷 - 無食呀

紅燒海皇生翅

茶皇經典-茶燻雞 - 呢個唔錯喎   有茶燻嘅味道

蠔皇椎茸扒翡翠 - 菜心好甜

睇相先知道係 6 點 45 分上菜   但 7 點已經上咗咁多菜   因為我掛住傾偈   我無睇時間   以為起碼 7 點半啦   我話其實我哋食得慢定佢哋上菜快 ?!   佢哋一齊話係上菜快啦   哈哈

紅燒海皇生翅清蒸沙巴龍躉斑 - 食咗少少

福建炒飯 - 都係無食到   其實個個都飽   所以好多都要打包   隔離又係食剩半碟炒飯   咁我比我留番聽日午晚餐   4 表哥同大二表個啲仔女先搞笑   做兩餸飯   之後隔離枱又乘機比埋其他餸比佢哋   所以我即話兩餸變四餸呀   不過真係唔好浪費啦   我哋分咗 4 盒嘢走呀

精緻甜品 - 里奧大人最愛嘅杞子桂花糕   呢個好味呀呀   因為呢餐啲食物真係麻麻哋好味囉

( 6-OCT-2024  SUN )

今朝同里奧大人一齊起身食早餐   之後去佢公司幫手喇 ~

今日番自己教會事奉   感恩 1 點 45 分搞掂 ~

里奧大人過嚟同我食午餐   因為唔會食咁飽   所以去元氣食壽司喇 ~

醬海赤海蝦 ($14)

蝦天婦羅 ($14)

飛魚籽 ($14)

芥辣八爪魚 ($14)

炙燒珍寶皇帝蟹柳 ($12)

吞拿魚 ($14)

食完就去大埔參加里奧大人兒甥仔生日會   去到都 3 點半   本來嚟唔到㗎   但兒甥仔特登加鐘等埋我哋   好感動呀 ~

大家 Share 食㗎   所以兒甥仔話其實點都食唔到個額   仲叫我哋叫多啲拎走   我話一陣要出街   唔係我都想叫麥炸雞做晚餐呀

生日蛋糕   個個唱完生日歌即走   因為唔想食個冬甩   哈哈

4 點半左右出旺角   行女人街同其他商場   行到 6 點幾就 Join 埋家姐同姐夫一齊上酒樓喇 ~

加拿大叔叔嬸嬸 堂妹同堂妹夫 細姑姐同堂細佬一齊番嚟香港   所以嬸嬸叫大表哥約埋一齊食飯呀   因為以前係姑姐姑丈約嘅   依家佢哋唔喺度   咁就由大表哥負責喇 ~

其實好少機會會咁多人一齊食飯   所以第時叔叔佢哋番嚟   都應該會咁聚埋一齊食飯呢   始終都係想維繫住嘛 ~

今晚出席有大表哥+女   2 表哥夫婦+仔   3 表哥夫婦同 4 表哥夫婦   同埋堂大佬 3 兄弟   加埋我同家姐 4 個   總共 22 個人   其實未齊哂人㗎   但每家都有人出席已經好開心啦   哈哈 ~

因為坐兩圍枱   咁叔叔同堂妹分開坐   所以家姐同叔叔坐   我就同堂妹坐喇 ~

好在今晚里奧大人喺度咋   可以幫手招呼堂細佬   因為佢直頭唔識聽同講廣東話   咁我哋張枱全部係讀書人   除咗我   呢枱有教授同助教 名校出身又大學出身   我就最鬼無用啦 ~

堂妹夫又係加拿大人   佢坐喺表哥個仔隔離一齊傾   不過佢都好搞笑   講堂妹年齡之後話係好多年前   哈哈   好在佢講英文都清   唔係我真係聽唔到 lu ~

堂妹細細個嘅時候係叫我姐姐   但大個之後叫我英文名   我真係無咩所謂   反正我知道外國長大嘅人都係叫名   加上我同佢又係平輩   咪叫我做阿乜姐同阿乜哥   顯老呀   哈哈 ~

我哋嗰枱係後生啲嘅   咁就咩都可以傾   最搞笑有 7 個人飲啤酒   堂二佬話傳統文化   飲食嘅時候唔可以係 7   之後 2 表哥個仔話 Young Gerenation 唔會 Care   咁里奧大人最後話佢唔飲   我話我飲埋咪雙數囉   再唔係就迫其他人飲   反正今日咁熱   哈哈 ~

講開食又講埋食得辣唔辣   佢哋講譚仔嘅辣度   但我話間間唔同準則嘅   2 表哥個仔係要清湯底嘅   我話同我同事一樣   又係話湯底有啲胡椒味   不過我係絕對唔會試嘅   要我清湯我寧願唔食   哈哈 ~

之後姑姐個仔問我哋係咩關係 ?!   里奧大人就會亂啲   所以真係要交比堂細佬答喇   唔係比里奧大人搞錯就慘了   呵呵 ~

堂妹之前出咗本書   佢係讀哲學同歷史   我真係覺得佢好勁   呢啲都算冷門嘛   好記得佢同我講要睇 70 本書   我話我睇 7 頁都好辛苦啦   所以嬸嬸見到   會同佢講好辛苦   佢就同媽咪講話唔辛苦   妳嗰時移民過嚟仲辛苦啦   我最多只係頭痛   堂妹佢哋真係好乖好識諗   依家結咗婚都會同埋叔叔一齊去旅行   仲話叔叔嬸嬸話玩得好開心   我話真係㗎   因為嬸嬸都 Whatsapp 我哋講同堂妹去旅行好開心呢 ~

食下傾下   好快又到 9 點   咁都要走喇   聽日叔叔佢哋要 5 點幾起身上番禺呢 ~

今餐原來係堂妹堂弟特登請食飯   其實唔需要咁客氣啦   不過可能覺得我哋個個都係長輩   哈哈 ~

我同堂細佬一齊行去搭小巴   里奧大人同佢傾偈   咁堂細佬都係名校出身   個女依家都讀緊名校   所以個底都應該係唔差得去邊㗎喇   所以里奧大人好好奇   究竟依家名校嘅課本係咪超級難 ?!   嗰時晴晴細個嘅功課   里奧大人睇到都話差啲連佢都唔識咁滯㗎   堂細佬話英文難佢哋 5 倍   數學就難兩倍   咁堂阿哥係教授   佢每晚會教佢哋做功課   又係話差啲連佢都唔識教呀   父母係名校出身都覺得辛苦   可想而知細路更加辛苦囉   好在佢哋鍾意番學   咁即係開心先會番啦   哈哈 ~

番到屋企都 9 點幾   要即刻開機洗衫同沖涼 lu ~

堂妹送比我嘅禮物

送比家姐嘅禮物

睇多陣 Youtube   今晚差唔多 11 點先瞓 ~