口水雞 (半隻 $128) 小辣 - 好辣呀 我只食咗半嚿 所以我哋覺得無小辣 哈哈
常德醬扳鴨 (半隻 $98) 小辣 - 我覺得無半隻囉
蘿蔔乾炒臘肉 ($138) 小辣 - 最鍾意爽爽脆脆嘅口感 真係送飯一流
茶香蝦 ($128) 走辣 - 啲蝦好爽呀
小炒黃牛肉 ($148) 走辣 - 佢哋話好味
十盆有機花菜 ($88) 走辣 - 點都要叫碟菜嘅
長沙醬油炒飯 ($68) - 我無食呀 但里奧大人話好味道
農家窩窩頭 ($88) 走辣 - 呢個好味呀
全部菜齊哂 咁樣就豐富好多呢 哈哈
甜酒湯丸 ($88) - 無諗個份量咁多 所以 $88 真係超過抵食
( 16-OCT-2024 WED )
今朝 7 點 15 分要起身喇 感恩今朝起身都 OK 但狀態就唔係咁好㗎喇 最緊要無發燒 唔係真係去唔到呢 加上里奧大人今日又唔去到 所以佢都整咗念慈奄比我飲 始終咳真係好鬼煩 一咳就咳唔停咁 ~
同里奧大人食完早餐都即走喇 因為 8 點 15 分工作人員要集合 但我哋 8 點都到咗喇 估唔到阿妹同阿 Y 仲快過我哋 ~
榴槤遲到呀 又係近龍翔道塞車 ~
今日狀態不佳 所以事前預備都無幫到手呢 ~
今次有 5 個工作人員同 81 位老友記一齊去沙頭角一日遊 安排坐位呢啲就一早準備哂 所以最緊要佢哋聽聽話話就可以了 ~
領隊介紹完自己就講解行程 但老友記們就掛住傾偈比較嘈 咁領隊問大家有無帶回鄉卡 ?! 全場鴉雀無聲 我嗰下都諗緊自己有無帶 之後領隊話係唔駛帶嘅 全場就喺度笑 哈哈 ~
今日天氣非常好 感恩感恩
里奧大人特登沖咗杯念慈奄比我喺路上飲
經過香園蓮口岸
10 點 10 分到沙頭角口岸了
有站崗警員上車檢查禁區紙
進入沙頭角喇
全港最靚嘅公屋 好似有 52 排
懷舊嘅辦館
1:1 火車頭
好大嘅信箱
大樹下
一對貓狗
@ 中英街花園
中英街檢查站
呢度都係沙頭角村
棵樹有好多唔同顏色嘅花
街市街 即刻諗起之前剪髮表妹叫我喺街市街落車搵佢間舖頭 但我唔識去 所以要問警察點去 之後佢係咁話我駛唔駛問警察咁誇張呀 ?! 我話唔識就會見人就問啦
@ 新樓街
萬生堂
對面嘅建築物都好特別
沿途好多大樹
好耐無見到呢啲鐘閘了
無高樓 所以好開揚同埋好熱 哈哈
昌生逸都應該有啲歷史
沙頭角餐廳
市集
章魚
老友記開始買嘢
好想買鹹魚 哈哈
向前行
我都要開遮同帶帽 今日真係超級熱呀
隔離係沙頭角碼頭 係香港最長嘅碼頭 不過我哋無去睇
~ (1/2)
@ 沙頭角之角
之後阿妹話買乾螺頭 咁我都買啦 但唔記得幾多斤 只記得係 $220
老友記好多都係食家 佢哋話靚 我哋先特登番轉頭買咋
呢度啲屋好靚喎 頭先有老友記話退休喺度住都好 另一個話退休都唔喺度住呀 可能因為無咩商場 真係唔好睇少啲老友記 佢哋行得都好快㗎
無啦啦整隻貓公仔
@ 魚燈廣場
唔知對面係咪沙頭角公屋呢
我聽到有人話係深圳塔 之後又話求其講 哈哈
天色好好!要感恩!
離遠睇以為有隻死老鼠
@ 沙頭角街市
@ 日月亭
@ 順龍街 今日無咩人 所以行得都好舒服
坐咗 5 分鐘車 差唔多 12 點 15 分就到沙頭角農莊食盤菜午餐喇 ~
@ 沙頭角農莊
有幾班學生坐呢度食
我哋同埋其他團就坐有冷氣嘅地方
盤菜
DIY 茶粿 呢個係 10 人份
我整咗個啤梨形狀嘅茶粿
一大盤白飯
盤菜
我最想食嘅係五花腩+蝦+燒鴨+冬菇
阿 Y 同榴槤係咁夾餸比我食 所以我真係唔駛點夾餸 哈哈 ~
盤菜好味呀 唔會好鹹同埋食完唔口渴 老友記們食得好開心 我哋就最開心啦 ~
茶粿制成品 無咩味但好煙韌
有一枱食剩咁多 我本身想打包 但可惜今晚出街唔要得囉 不過都有老友記打包 咁就好啦 唔好浪費嘛
雞屎滕 原味係叫雞翅滕 之後唔記得佢講咩 lu
罰企 3 分鐘都已經中暑 哈哈
沙頭角農莊地圖概覽
到食完飯就一齊傾偈 之後 2 點 25 分集合 再坐 5 分鐘車去鏡蓉書屋 但行去鏡蓉書屋要 15 分鐘 哈哈 ~
沿途見到木瓜樹
上禾坑村
落斜路
好似村屋
鏡蓉書屋個牌 點解要整到咁低嘅 ?!
好似去咗大陸
李氏世居唔入得去㗎 同埋真係有隻大狗看住門口呢
我之前開遮 有隻蜜蜂飛埋嚟呀 嚇到我唔敢再開遮 領隊問我係咪太白所以想曬黑 ?! 我話唔係啦 ~
終於到鏡蓉書屋喇 所以又影張大合照
課室入口
卜卜齋嘅地方
隻窗好靚
紀念孔子
上層好似係用來寄宿嘅
有幾條錦鯉
上去搭車喇
3 點半回程 好似 4 點半左右番到公司 因為我瞓咗覺 瞓醒都差唔多落車 掛住扶啲老友記落車 都唔記得睇幾點添 ~
之後再同里奧大人 榴槤同阿妹開會做檢討 今次最感恩真係個個平安回來呢 ~
開完會都已經 5 點 45 分 要即刻走人喇 我哋直接去飯店等 ~
今晚算係即慶約食飯㗎 因為自拍神棍星期一到咗 而堂妹星期五番加拿大 所以我都想喺星期三或四再食多次飯 順便比埋自拍神棍同合桃腰果比佢哋 歷史書就比埋叔叔 之後嬸嬸話星期三得閒 咁實在太好喇 ~
呢間食店係我揀㗎 但我無睇好唔好食 因為口味係好個人嘛 但我睇到話有圓枱 同埋好近叔叔間酒店 所以即 Book 喇 ~
咁睇個餐牌就有啲驚 樣樣都 2 隻辣椒 好在可以小辣咋 ~
叔叔佢哋差唔多 6 點半到 今晚加埋嬸嬸表妹 姑姐同表弟就無嚟 其實咁仲好 因為我唔駛再諗素菜 哈哈 ~
今餐始終都係辣 所以都好怕佢哋唔係咁啱食 但估唔到佢哋樣樣都鍾意食呀 ~
食下傾下好快又 8 點幾 里奧大人話食甜品 之後嬸嬸叫堂妹 Pay 我即刻叫里奧大人同埋做手勢埋單 但里奧大人唔知乜事 所以比堂妹快手將張信用卡比職員 里奧大人話佢已經喺卡座拎番張卡 但拎唔到 所以呢餐係堂妹請 真係唔好意思啦 但叔叔話堂妹請係應該 有能力就要請大家食飯 我話係 但嚟到香港就我想請你哋食飯囉 ~
我都同堂妹夫講多謝 佢話我送咗個碗比佢哋 所以唔好客氣 哈哈 ~
差唔多 8 點半走人 臨走前同佢哋講啲手信點分配啦 點知突然失聲呀 之後我 Whatsapp 比里奧大人叫佢講出嚟 但里奧大人話直接 Whatapp 喺群組咪得囉 哈哈 ~
搭地鐵番屋企 開埋機洗衫就即沖涼 lu ~
今日買嘅乾螺頭 佢哋話份量算多
今日出咗一日街 真係睇陣電視 10 點 20 分都瞓覺喇 ~
沒有留言:
發佈留言