遇見小麵 @ 紅磡 ( 11-MAR-2026 )

豬骨丸子小鍋冒菜套餐 ($54) - 我同里奧大人都鍾意食豬骨丸子   所以叫兩個一樣喇   不過我就食唔哂碗飯   咁夾咗啲餸就可以做聽日嘅 Lunch Box 呢

( 11-MAR-2026  WED )

感恩瞓得都唔錯   但起身都係有啲攰囉 ~

早餐仍然食千層吐司   仍然覺得好味道 ~

菇場忙下停下   咁樣其實都唔錯   好過無嘢做嘛   哈哈 ~

Lunch Time 蒸完飯就去日本城買洗碗海棉   船頭尋日用完話好用呀   仲只係 $6.5   不過因為結業先半價呢 ~

買完再去 A1 買麵包同去一田買 4 支 if 椰子水   番到菇場已經 12 點 20 分喇   好在無蒸乾水 ~

總共買咗 20 件   船頭要 4 件   阿齋要 3 件   其他就我同家姐嘅

食完飯就同阿齋阿爽傾煎 Pan   個個都話叫人買咗用下先   哈哈 ~

溫總比嘢我做   其實好簡單但好煩   所以阿爽就唔願做   不過我都同溫總講只係幫一陣   阿爽忙完就比番佢做㗎喇 ~

放工都係去睇中醫   成日都仲有啲咳真係好煩 ~

感恩等咗一陣就到我   醫師叫我咳兩聲   話我係敏感嘅咳   同埋我血氣唔夠就成日半夜會熱   食埋今次藥再覺得唔好先再睇呢 ~

走嘅時間打比里奧大人   咁啱佢搭緊 Lift   咁就好喇   正想要去洗手間   咁佢可以幫我拎個袋喇   因為我袋入面有麵包呀 ~

我話去遇見小麵食晚餐   佢一定無問題   哈哈 ~

食完去奇趣天地睇下嘢   一入到去就見里奧大人停低睇小新   話送比我做生日禮物呀   今次由 $88 減到 $68   真係平過深圳買呀 ~

里奧大人一見到已經話買比我

雖然呢隻嘢真係好核突   但好鍾意呀   好鍾意佢啲牙仔   不過 $78 太貴了

估唔到仲有呢啲 BB 公仔玩具

小新超特大尼龍儲物袋 (折咗 $49)   有我一半身高㗎   所以里奧大人話好大個唔好買喎

我都鍾意黃金戰士㗎   所以里奧大人話我似男仔頭   哈哈

買完又要去洗手間   咁我洗手嘅時候   見清潔姐姐拎張抹手紙   我仲以為依家咁好服務   會拎紙巾比人抹手   原來佢係拎嚟抹塊鏡呀   但我明明見佢啱啱抹完家嘛   真係笑死 ~

經過 Grab 物超柿又入去睇下   里奧大人輕輕力扯我行開啲   我以為佢驚我個袋會掃哂啲玻璃杯   原來係有小新杯喺隔離   所以叫我睇呀   反而我無留意到添 ~

呢個布袋只係 $79   但里奧大人話啲公仔好肉酸   我話等我諗下下次買唔買先

去埋唐記買鹹蛋肉餅飯就番屋企 lu   因為行到有啲攰喇 ~

番到屋企都即刻開機洗衫   之後沖涼休息 ~

里奧大人最鍾意呢個超人小新   本身佢拎咗一盒   之後放低再揀呢盒   所以抽到好開心呀   感恩感恩

里奧大人話隻隻都得意

特別版

唔想里奧大人連熨 2 機衫   所以我 9 點半都熨衫   估唔到 15 分鐘搞掂 ~

睇多陣 Youtube   今晚又係 10 點 45 分先瞓覺 ~