蒜蓉豆豉蒸排骨 ( 15-MAR-2026 )

今晚食埋啲唐揚炸雞同吉列豬扒

( 15-MAR-2026  SUN )

今朝同里奧大人一齊起身   我沖埋涼就去家姐屋企喇 ~ 

Berry 見到我撲埋嚟同埋尖叫   唔知以為我捉咗佢呀   之後又係咁撲撲撲   隻手仔揭起咗我條裙添呀   好在 U 姐檔住咗   無人見到咋 ~

家姐話 U 姐一講新媽咪呢 ?!   Berry 女會豎起對耳仔㗎   真係好得意 ~

咁陪佢行一陣啦   我喺家姐後面   Berry 衝埋過嚟我度   家姐話以為衝向佢度呀   哈哈 ~

送完佢哋番屋企就去食早餐   家姐剩咗張 Coupon   佢話比咗後面個媽咪用埋去   唔怪得我見到後面女人同家姐講嘢啦 ~

豐盛魚柳脆腸+多士 ($44) - 魚柳麻麻哋

蕃茄餐肉螺絲粉+脆皮腸+多士 ($36) - 我哋覺得蕃茄湯底都幾好味

食完就去 Panash 買麵包   買完就番家姐屋企喇 ~

藍莓&紅莓糯米小食 + 紅豆粒糯米小食 ($18/3 個) / 迷你牛角 ($18/6 個)

我再買埋法國丹麥酥方包 ($40)

入屋第一件事係比利是比 U 姐   我真係第一次比漏利是比家姐工人咋   下年就算新年唔見佢都比定家姐先   好過唔記得比   哈哈 ~

講開利是   家姐話貓夫人個銀行經理成日要佢兌換錢   之後家姐話佢都想兌換呀   貓貓夫人問佢要幾多嚿 ?!   真係笑鬼死   我哋每次都係講總共兌換嘅銀碼咋   真係好少用幾多嚿囉   有錢人用嘅量詞真係唔同啲   哈哈 ~

里奧大人比出門利是比家姐

終於影到短鼻 Berry

個樣開始唔老黎

費事理我   哈哈

想瞓覺 lu

糟糟買比家姐嘅皮蛋味薯片   佢哋仲食咗芫茜味道添呀   話味道係辣辣哋咁呢

同家姐一齊執行李   發現佢買咗好多嘢都無用過   我話唔用可以捐比救世軍㗎   因為我呢幾年都係咁   好過浪費嘛 ~

一望個鐘已經 12 點幾   我都要走喇   家姐同 Berry 陪我搭車   不過 Berry 女企唔定   所以叫家姐番屋企喇 ~

1 點半落車即去買午餐   買完即去到里奧大人公司   佢啱啱開完會咋 ~

咖哩雖然係即整   但我同里奧大人從未食過咁難食嘅咖哩汁囉   係完全無味嘅

我食完就去樓上買嘢   里奧大人就要去開會 ~

急凍加拿大天然豬排骨粒 ($34) / 急凍丹麥天然雞下髀 ($34)

買完即番屋企大清潔   因為家姐聽日嚟我屋企整嘢呀   一做就做到 5 點   感恩又唔係好攰喎 ~

里奧大人 5 點半啱啱番到屋企   真係好少咁早開完會   佢頭先先話最快要 7 點添 ~

又未食得飯   所以叫佢沖涼休息下 ~

今日聽嘉賓呢苜歌   我同里奧大人講話啲歌詞都幾難唱   好似 "今天是星期幾" 差唔多音咁   其實之前聽呢首歌   我話幾乎句句都唔同咁滯   "這不堪入目的劇情"   唱到個咀好似錫人咁   哈哈 ~

是日晚餐 - 蒜蓉豆豉蒸排骨

蒜蓉豆豉蒸排骨 - 見到罐豆豉就即刻煮呢個餸   真係用得幾多得幾多   哈哈 ~

洗埋碗就開機洗衫   之後沖涼休息喇   里奧大人就熨衫   我話佢熨得好慢   佢話因為我熨得好核突   熨完好似無熨咁   我都忍唔住笑呀   哈哈 ~

CHI-HI 有汽酒菠蘿芒果味 ($9.9 特價) - 呢個好味道   希望下次再特價啦   正價一定唔買呀

同里奧大人一齊睇 "中年好聲音 4"   之後再睇多陣 Youtube   今晚 11 點 15 分先瞓呀 ~