天下茶屋 @ 紅磡 ( 14-MAR-2026 )

新特盛拚盤 - 味付螺肉 / 唐揚炸雞 (3 件) / 吉列豬扒 / 輕量咖哩飯 ($82) - 之前係炸魚   點知依家轉咗做吉豬   不過我都鍾意食嘅

我覺得份量都真係好多   似晚餐多過似下午茶

一口燒雞拉麵 + 煎野菜豚肉餃子 3 件 ($61) - 里奧大人鍾意食湯麵

士多啤梨乳酪 (+$2) & 蜂蜜綠茶 (+$2)

真係食唔落   所以留番聽晚食

( 14-MAR-2026  SAT )

感恩一覺瞓天光呀   但發咗好多夢   有個夢係我同媽咪 家姐 糟糟一齊食晚飯   我食緊鮑魚罐頭   之後糟糟話佢罐無咩汁   我就倒哂比佢   咁我哋叫咗一鍋豬腸窩   我話好開心可以食到豬腸   因為好耐無食 ~

另一個夢係公司單位租咗比隔離公司   但佢哋開水上 Party   搞到成個地濕哂   咁啱我要去洗手間   搞到我對高跟鞋濕哂 ~

臨醒之前個夢係同里奧大人食芝麻糊豆腐花   因為好好食   我話叫 3 個 Share 食   但佢話頭先同客食完飯好飽   食唔到咁多   之後鬧鐘響 lu

今朝同里奧大人出去食早餐   食完都無時間去佢公司坐喇   所以直接搭車番工 ~

菇場得 7 個人番工   大家一齊傾裝修嘅嘢   又諗住調位   傾下笑下又 10 點幾喇 ~

船頭比咗張 Eye-Mask 比我同阿齋

放工即走   買埋午餐就番屋企 ~

真係唔好貪心買咁多   食到好飽都幾辛苦   但又好想樣樣都食喎

食完就去剪髮   但要等 2 個   咁我去大生睇下嘢   之後番屋企去廁所   我同里奧大人話剪完喇   佢好卑視嘅眼神望住我   話咁樣叫剪完不如唔好剪   因為佢知我呃佢   哈哈 ~

之後又再出去   今次等多一個就到我喇 ~

同髮型師講開貓貓狗狗又動物   我話想試下騎馬   佢話之前玩過   但上馬都幾難   我話我腳短上去仲煩啦   所以我嗰陣想學電單車   但諗起好難上車先唔學咋   上唔到架車好樣衰家嘛   哈哈 ~

又講下兔仔   我話最驚   因為阿莊隻兔仔同朱朱一樣咁大隻   好恐怖囉   之後佢話兔仔對眼係紅色好恐怖   我話無望到呀   離遠見到咁大隻都唔敢行埋去喇 ~

佢去深圳考車牌同驗身   我話我都想驗身呀   佢好驚訝話妳考大陸牌 ?!   我話去驗身呀   佢話係普通嗰啲驗身咋   我以為係醫院嗰啲添 ~

剪咗半個鐘   今次效果非常之滿意呀 ~

去惠康買嘢   買咗朱古力比髮型師   再比多盒豆漿比佢   之後番到屋企喇 ~

波蘭雞中翼 ($49.8/2 包) / 有樂雷神朱古力榛子味 ($17)

壹品粒粒涼粉 ($8.5/盒) / 維他奶山水黃豆豆漿 ($13.5/3 盒)

澳洲長青牛油果 ($29/4 個) / 香蕉 ($11.30)

里奧大人啱啱起身   今晚想出去食   所以 5 點幾都出門口 lu ~

食完去奇趣天地同去 AEON 行下   最後買埋糖水就番屋企喇 ~

我以為無哂小新盲盒   原來係轉咗位

呢隻小雞造型都得意

我用手指咪實佢啲牙   感覺好正㗎

呢個 Keyboard 鍵好好按呀   等公司裝修完先買

呢期都鍾意褲褲兔

褲褲兔毛絨卡套 (8 折 $63.2) (原價 $79) - 買番公司用㗎

沖埋涼就開機洗衫   之後同里奧大人一路食糖水一路睇 "東北警察故事" ~

睇完又睇陣 Youtube   今晚 11 點 15 分都瞓覺 lu ~