( 8-MAR-2026 SUN )
今朝同里奧大人一齊起身 我沖埋涼就去家姐屋企喇 ~
Berry 一見到我就撲埋嚟 U 姐都比佢扯跌咁滯呀 佢實在太肉緊啦 抓到我大髀都損埋 好在着條厚身裙咋 唔係條裙都比佢抓爛呀 哈哈 ~
佢真係古靈精怪 我唔行 佢停喺度望住我 當我再行 佢又撲埋嚟 之前係跟實家姐家嘛 今朝就好跟我囉 ~
送完佢哋番屋企就去食早餐 今朝仍然係去茶餐廳 呵呵 ~
開餐
榨菜肉絲湯米粉餐 - 榨菜好鹹呀 好記得之前喺 Mikiki 嗰間食嘅係甜甜爽爽㗎 等我仲同家姐講話好食先叫添
潮式沙茶牛肉麵餐 - 呢個味道都係一般
家姐問車銀優依家點 ?! 我話無睇哂呀 佢個樣好惨咁問點解 ?! 覺得我唔鍾意 ASTRO 咁 哈哈 不過就真係無以前睇得咁多就真嘅 但就唔係唔鍾意囉 ~
食完就去 A1 買麵包 買完都番家姐屋企喇 ~
比家姐嘅出門利是 佢係都唔要 我話咁我下次都唔會要妳啲出門利是 佢先要咋
我叫家姐要比番小新啲利是封比我重用 咁佢拎啲利是封出嚟嘅時候 我見到糟媽嗰封話唔要呀 家姐喺度大笑 話呢封有餡㗎 係糟媽比妳㗎 真係笑鬼死啦 我就奇怪做咩無啦啦比埋有姓氏嘅利是封比我重用添 哈哈
U 姐出門口之前 特登入房同我講生日快樂同新年快樂 之後就即刻出門口 咁我下次先再親手比利是佢啦 ~
細隻 Berry 沖完涼啲毛好滑
長鼻真係唔靚 哈哈
攣埋一嚿 但個身又唔係凍喎
佢好眼瞓
家姐要出貨 但佢可以一路做一路傾 我一心唔可以二用㗎 ~
佢會同細 K 阿 E 加個之前嘅同事一齊去旅行 我問點解無啦啦去旅行嘅 ?! 佢話成日口快快話去旅行無問題呀 所以今次真係要去囉 哈哈 ~
家姐叫我睇佢哋喺 Whatsapp 傾行程 我堂當覺得我同 CC 傾行程無佢哋咁多意見 哈哈 ~
不過佢哋都已經第 3 次一齊去旅行 相處應該都無問題嘅 最緊要係食同買就得㗎喇 ~
之後講開肥妹 話佢有時做嘢會發脾氣鬧人 但大家係同級㗎喎 我話就算係上司都唔可以咁鬧人啦 我做嘢咁多年 真係無料嘅人先鍾意鬧人 喺度虛張聲勢嘛 以為自己好勁 但其實呢啲人係最無品就真 有問題唔係鬧人就可以解決囉 ~
佢其實瞓得好 "林" 但家姐篤佢個鼻仔 佢就咁望住家姐囉
對眼合得好實
突然聽到 Berry 放屁但好細聲 好在唔臭咋
9 點半瞓到 11 點半
12 點幾都走喇 因為想陪 Berry 行街 順便去三才買炸魚皮同炸墨魚蝦卷 買完就搭車走人 lu ~
Berry 送我搭車嘛 但又唔望我喎 之後仲扯住家姐周圍走添 所以上車都無得 Bye Bye 喇 ~
差唔多 1 點 15 分打比里奧大人 佢話同古生傾緊啲嘢要遲啲放工 反正要等 咁我去買急凍金沙骨同菜 之後再去惠康同樓上買嘢 買完就去麥當勞買午餐 ~
番到屋企都 2 點 里奧大人啱啱番到屋企 咁就好喇 ~
脆爆雞腿包套餐 ($39) + 番石榴椰果梳打 (+$6) + 麥香雞 (+$16)
冬蔭功風味調味粉 (+$3)
Shake Shake 薯條真係好味啲嘅
家姐之前買嘅新年食物 預咗佢食唔哂㗎啦 原來佢仲買咗好多 Venchi 朱古力 不過我要幾粒就夠了
特選寧夏枸杞 ($42/包) - 同里奧大人每人一包
里奧大人食完就沖涼瞓晏覺 我就睇 Youtube 但睇睇下都瞓咗個半鐘呀 ~
其實想再瞓 不過已經 5 點就唔瞓喇 ~
里奧大人 5 點 45 分去做機 咁我都燜餸再預備晚餐 ~
是日晚餐 - 炸墨魚蝦卷拚台灣腸 + 炸魚皮 (外賣) + 油麥菜苗
炸墨魚蝦卷拚台灣腸 - 我買咗 10 條炸墨魚蝦卷 ($55) 我就係焗熱食嘅 家姐就用嚟打邊爐 我覺得都好味 下次再買嚟做儲備先 ~
炸魚皮 (外賣) - 唔記得幾錢一包添 雖然好食 但食咗兩餐炸魚皮 係時候停一停了 ~
油麥菜苗 - 買咗 2 斤 原來份量都幾多 咁可以食 3 餐㗎喇 ~
洗埋碗就同里奧大人去惠康買涼粉 買完就即番屋企沖涼 lu ~
今晚又係同里奧大人一齊睇 "中年好聲音 4" 睇完就睇下 Youtube ~
里奧大人 10 點 50 分瞓覺 我就 11 點 10 分先瞓 ~
沒有留言:
發佈留言