菠菜豬肉餃出前一丁 + 腐乳通菜 + 跑步機

煮咗兩餐雞   之後諗唔到煮咩好喇  ~

呢排真係比啲天氣焗到腦閉塞呢   所以就算去到街市都唔知想買咩   諗住買粟米   點知無喎   勁失望   唯有買通菜 ($5 / 1 大份)   買完就番屋企 lu ~

一路行一路諗去唔去做機   但為咗身體好   又比咗錢   所以都係去做機喇 ~

是日懶餐 - 菠菜豬肉餃出前一丁 + 腐乳通菜

菠菜豬肉餃出前一丁 -  唔好以為好似好簡單咁呀   我係將出前一丁先煮一次先   之後再淥餃子同麵   都幾辛苦㗎   因為啲蒸氣蒸哂上嚟黎   好熱㗎 ~

腐乳通菜 -  唔知點解啲通菜咁快變色嘅   但街嗰啲係好綠色咁   唔通未熟 ?!   本來想整蝦醬炒通菜   但時間關係   所以點腐乳算喇 ~

沖完涼   食碗芝麻糊就即刻做 Mask 喇   年紀越大就要勤力啲做 Mask   唔係第時乾爭爭咁唔好睇呢   所以我依家就會低市入貨   唔好比自己藉口唔做 Mask 呢 ~

今朝天氣都係唔好   又落唔出雨   煩到嘔 ~

去到茶餐廳   又多人   又裝到老闆喺度   所以拿拿聲走去另一間食奶油多 + 奶茶 ($13)   真係滕到周身汗呢 ~

番到菇場又係忙   不過時間就真係好快過囉 ~

晏晝同里奧大人食粉麵   水餃粗麵 + 墨丸牛腩粗麵    太熱喇   都係食濕濕哋好啲   之後再飲杯楊桃雪梨汁   好清潤呀 ~

醫 學 Online

常 飲 果 汁 容 易 肥 胖

美 國 一 項 研 究 發 現 果 汁 與 汽 水 一 樣 ， 是 導 致 肥 胖 的 元 凶 ， 並 增 加 患 糖 尿 病 風 險 。 研 究 由 95 至 05 年 追 蹤 44,000 名 黑 人 女 性 的 飲 食 習 慣 及 健 康 狀 況 ， 發 現 一 日 飲 兩 罐 或 以 上 汽 水 的 女 士 ， 患 二 型 糖 尿 病 的 風 險 ， 較 一 個 月 只 飲 少 於 一 罐 汽 水 者 高 24% ； 一 日 飲 兩 罐 或 以 上 果 汁 的 女 士 ， 更 會 增 加 31% 患 上 二 型 糖 尿 病 風 險 。
專 家 解 釋 汽 水 及 果 汁 均 含 有 高 糖 份 ， 故 容 易 引 致 糖 尿 病 。