依家去做機嘅體育會延開到 10 點 咁就可以等埋里奧大人一齊去做機 而我又唔駛咁趕頭趕命做完機去買餸煮飯 d 時間好駛好多呀
一早已經醃好咗雞膇 所以就咁去街市買脆肉瓜 ($5 份) 就番得屋企 lu
番到屋企第一時間拖地 因為一個星期無拖地喇 覺得好 "烏糟" 咁
里奧大人 7 點幾可以收工 但等咗半個鐘頭車都上唔到車 所以最終無位坐都要上車 如果唔係唔知再要等幾耐 唉 聽見都可憐 想喺車度休息洽下都唔得
是日晚餐 - 鹵水雞膇 + xo 醬炒脆肉瓜 + 隔夜湯
鹵水雞膇 - 用豉油醃咗雞膇一晚 鹵水汁係老李嘅 但見 d 雞膇唔上色 所以加埋老抽 個色都 ok 啦 但就鹹咗 d 囉
xo 醬炒脆肉瓜 - 太抵喇 $5 有 3 條喎 里奧大人又鍾意食 所以就整喇
隔夜湯 - 煲湯實有隔夜湯剩嘅 咁都好丫 可以飲多晚嘛
諗住炒飯比里奧大人食 但唔夠時間 所以蒸熱就算 而自己就食撈麵 巴東牛肉味嘅 但 d 味好濃 勁似 "格甩底" 味咁 所以我係閉氣大啖大啖食 直吞落肚 依家仲有 3 包存倉 點算好呀
諗住食完洗完就去做機 但里奧大人番到屋企仲未有得食 成 9 點先開飯 食完抖埋 人地都 close 啦 所以最後里奧大人話慢慢食好過 lu 唔好成日咁趕喎
食完他他條條洗碗 沖涼之後再敷 mask 食埋生果 睇多陣電視就瞓 lu
今朝出門口無雨架 點知番到公司附近就落雨
早餐食炸菜肉絲腸仔出前一丁 + 奶茶 ($19) 超飽呀
10 點幾媽咪打黎 話朱朱兩日都無咩點食嘢同飲水 個身又軟 lai lai 無厘精神 所以同埋工人即刻去診所睇醫生 原來朱朱嚴重脫水呀 所以又要入院吊鹽水 不過放低朱朱嘅時候 佢抓門要走呀 不過無辦法啦 診所有醫生護士看住安全 d 嘛 等我今晚放工探探朱朱先
晏晝同里奧大人去 ikea 食 lunch 食茄汁海鮮意粉餐 + 肉丸 ($45) 碟意粉超級搵笨 得 3 舊細細嘅魚同 1 條魷魚鬚 意粉又小 個汁又無味 唉
路經泰昌 突然好想食沙翁 好油 但又幾好味噃
發
沒有留言:
發佈留言