感謝神 朱朱出院了

感謝神嘅恩典   感謝神嘅保守帶領   讓朱朱可以精神地出院

講番朱朱今個星期情況先

13-jul 星期日
同家姐一齊探朱朱   姑娘話朱朱終於肯食小小有 d 香味嘅狗糧   雖然係油 d   但好過唔食喎    咁我同家姐就抱朱朱出去吸吸新鮮空氣   我地坐咗兩個幾鐘先走   因為朱朱要吊鹽水   所以都唔好出黎咁耐喎   

14-jul 星期一  

胰臟驗血報告唔好   所以要留院再觀察   家姐由 7 點幾探到 9 點幾就走   感謝神   診所無人   姑娘可以比家姐探耐 d     
15-jul 星期二  
請咗半日假探朱朱   如果唔係就會無時間探奶奶   我 3 : 10 pm 去到   3 : 40 pm 比我入去探朱朱   轉咗獨立房   所以可以坐耐 d   之後問醫生朱朱情況   醫生話 d 藥好似無咩效   但最緊要精神同肯食嘢   醫生話朱朱都可以食雲芝   但就唔知有無功效喎
之後朱朱肯飲大量水   仲屙一大篤尿   夜 d 家姐就買咗個腸仔包   一聞到就搶住黎食   但就走腸    醫生同姑娘都話好呀   佢肯食嘢就得架喇   食多 d 啦   如果肯食嘢第日可以出院架喇   食完仲屙臭臭添   真係好臭果隻喎   因為焗住喺間房到揮之不去呀   家姐陪到朱朱 7 : 40 pm 就比姑娘趕呀   話我地陪咗好耐喇   妳地已經破哂探病嘅記錄喇   搞笑   
其實 d 姑娘真係好好好人   因為探病時間係 12 :30 - 13 :30  /  16 : 00 - 17 : 00   /   19 : 00 - 20 : 00   我地次次都探兩個幾鐘都無比人趕真係好好架喇   但我覺得係因為我同家姐次次都攬住朱朱喊到豬頭囉   所以醫生姑娘都怕咗我地呀   wakaka
16-jul 星期三
朱朱開始食雲芝丸   感謝神   家姐夜晚可以接朱朱出院   番到屋企肯食嘢   肯飲水   最重要係肯彩媽咪
17-jul 星期四
晏晝番屋企睇朱朱   媽咪話朱朱食咗一大舊蒸魚腩   肯飲水   肯食嘢   瞓到覺   真的感謝神

再次感謝神對朱朱嘅保守同醫治!!
亦再次衷心感謝各 blog 友對朱朱嘅祝福及支持!! 
各位 blog 友   唔好意思呀   無回應妳地   因為我之前真係無心情啊   請大家見諒!!

在人這是不能的   在神凡事都能 (太 19 : 36)

With men this is impossible; but with God all things are possible. (Matthew 19 : 36)