上海菜飯 + blog 友 ( 噹媽 ) 再聚 + 跑步機

晏晝同里奧大人出尖沙咀食米線   其實真係好驚熱架   但又好想食米線   所以唔理咁多   照食可也   同里奧大人事先聲明   千其唔好食得咁大動作   要慢慢食   唔係食到身水身汗唔關我事呀 

唉   我 order 屙出事喇   要多酸多芽菜多蔥   點知酸到唔想食   仲要係 d 酸菜多到成個碗底都係   即係變相配料仲多過米線   我覺得全程食咗幾啖米線咁咋 

食完要行一大條路去清真寺出面   因為約咗 blog 友 噹媽   一齊行去麻布茶房飲嘢呀 

好在去到唔駛等位   一埋位就傾   傾咗陣先叫嘢飲呢   女人真係好多嘢講呀 

噹媽第一時間又係比手信我   多謝哂呀   去旅行都記得我   我真係好感動呀 

係咪我個樣天生為食呢   blog 友  冰顛菇 同 老卡菇    又係請日要比嘢我食   其實我唔係咁為食架咋 

里奧大人要探奶奶   所以坐到 4 點幾就走 lu   而我同噹媽當然會繼續傾啦   難得出黎喎   雖然係第二次見面   但就覺得好老朋友咁   咩都傾   唔需要避忌任何嘢   好舒服呢 

我地傾到 5 點幾再行一陣 city'super 就搭赤地鐵走 lu   因為賢妻噹媽要番屋企煮飯比少爺食啊   少爺好有福呢 

之後我就探奶奶   順便陪里奧大人嘛   諗諗下   其實我都幾好喎 

探完奶奶就同埋 2 姑奶 + 佢老公一齊落佐敦食上海飯   我就覺得 d 嘢食唔掂   但里奧大人同佢地話都 ok 喎 

番到屋企成 11 點   即刻沖涼瞓覺呀 

      

今朝無番教會呀   所以同里奧大人去大家樂食早餐 

食完番屋企抖陣就一齊去做機 lu