巨無霸套餐 + 麥香雞 (外賣) ( 23-AUG-2025 )

以前食巨無霸係一定係分開兩層咁食   因為一啖係咬唔哂個包   依家我一啖可以咬得哂個包呀   可想而知個包細咗幾咁多呢

( 23-AUG-2025  SAT )

感恩瞓得都唔錯   但今朝唔係咁想起身呀   可能呢兩日對住里奧大人   依家一個人起身番工有啲唔慣   哈哈 ~

沖埋涼就去買麵包   今朝唔駛咁早番公司   所以可以慢慢食喇 ~

里奧大人話哪吒咁大盒只係 RMB199   我個小新咁細盒要 RMB59   我話邊有得咁計㗎   黐鬼線   哈哈

尋晚行緊去羅湖口岸嘅時候   有個小朋友係咁裝下個盒   我以為咩事啦   因為我完全唔知個盒係點嘅   之後個媽媽話唔好意思   我話唔緊要呀   依家望到個盒頂原來係咁   唔怪得個女仔想望下係咩嚟啦   哈哈

菇場忙咗陣就上網啦   呢兩日都無上網   突然覺得好多嘢睇咁 ~

阿花見到呢個杯   係咁話好靚好鍾意   佢超勁愛綠色㗎

里奧大人番晏晝   所以打嚟話熨咗衫   咁我中午可以休息下   不過佢熨衫真係有心機過我㗎   我成日話佢難得一樣肯做嘅家務都唔好就慘啦   哈哈 ~

放工買埋午餐先去里奧大人公司   見到 Melody 同佢傾緊嘢都知有排   所以終於 1 點 50 分先食得呀 ~

台灣鹽酥雞便當 ($63) / 滷肉飯便當 ($56) + 碳培烏龍 (少冰) - 兩個飯都好味道

里奧大人拎番公司擺㗎   所以我要幫佢執好個櫃面

食完幫里奧大人執下嘢   之後都番屋企休息下先 lu ~

蜀木蘭炒貨買嘅木榶醇芝麻核金丸   呢個係里奧大人最鍾意食嘅零食

薜記炒貨買嘅小麻花 (海苔味) / 鹿角脆

薜記炒貨買嘅酸奶山渣球 / 手撕肉乾 (五香味)

呢啲比家姐嘅

睇睇下 Youtube 都瞓着咗   抖到 5 點幾就出去買凍肉同生果   買完番屋企放低哂嘢就出發去里奧大人公司喇   因為佢要開夜   我要去幫手做啲嘢 ~

叻叻買咗 2 隻乳鴿比我哋   咁我要拎番屋企先嘛   之後經過 HKTVmall 睇下有無提子   感恩見到 $60/2 包好抵呀   呢排無啦啦勁想食提子   頭先經過幾間生果店都見到有提子   不過唔靚就無買咋 ~

陽光玫瑰香印青提 ($60/2 包)

買完又拎番屋企   之後先再去里奧大人公司幫手喇   我覺得我仲忙過佢   哈哈哈哈 ~

里奧大人差唔多 8 點就出去麥當勞買晚餐   因為我想食巨無霸呀 ~

食完就番屋企   做陣小清潔就沖涼休息喇 ~

川貝雪梨海底椰 ($30) - 其實我覺得貴   不過我都係用 Coupon 換嘅   哈哈   我多數換比里奧大人飲   因為佢成日好易熱氣呢

里奧大人 10 點鬆啲就番到屋企   叫佢快啲沖涼   之後一齊睇 "麻雀樂團" 呀 ~

今日先記得比生日利是比里奧大人呀   佢話唔要   因為我送咗個哪吒比佢   不過我話兩樣嘢嚟嘛   點都要佢收呢

我覺得豬肉乾好食過豬肉粒

睇完都 11 點半   要即刻瞓覺喇 ~