東北磨磨 + 桔子酒店 ♡ 深圳 DAY 1 ( PART 2/2 ) ( 21-AUG-2025 )

( 21-AUG-2025  THU ) - PART 2/2

呢個商場真係好大   我哋掛住傾偈又無記住行過邊度   成日行下行下又行番轉頭   好似點都走唔出 A 區咁   哈哈 ~

室外都有地方可以坐   雖然唔係幫襯   但坐喺度都唔會趕妳走

行過對面就係 B 區   不過我哋會喺商場入面行過去   因為仲有好多嘢未睇呀

經過戲院又睇下   估唔到戲院入面有個休憩地方   行上去就係 Cafe

諗住今晚食東北菜   所以里奧大人就影低做記錄先

雙人套餐幾吸引

我整鬼里奧大人話想坐呢架車呀   估唔到佢好認真答我   話嚟呢度唔係想行咩 ?!   又話呢架車應該去唔到其他層數   因為搭唔到電梯   再話其實遊哂 ABCDE 區都抵喎

其實分分鐘影完相做記錄   之後都唔記得點行番嚟㗎   哈哈

行行下突然有啲搞肚痛   但感恩係無頭暈同標冷汗呢 ~

我次次突然話去洗手間   里奧大人就會好緊張   因為佢好驚我會暈嘛   佢會喺最近洗手間嘅位置等我嘅   我話 10 分鐘唔出嚟就要入嚟搵我呀 ~

無諗過會嘔呀   但嘔完又好咗啲   唔知係啲奶同冰嘅關係   定係食咗好多芋圓難消化先咁呢 ~

不過個人就無咩力咁囉   所以要里奧大人陪我慢慢行喇 ~

里奧大人話不如番酒店休息下   我話唔駛呀   我 OK 呀   行下睇下無問題喎 ~

呢款 Power Bank 都唔錯

又睇下榮耀手機

行下行下見到有間茶店   我話想飲啲酸嘢呀   入去第一件事係 Feel 下有無冷氣先   如果無就即走㗎喇   我唔怕熱但真係好怕焗呢 ~

@ YO! TEA 有茶

新客下單立減 5 元

方見葡萄水果茶 (單樅) (RMB23 約 HK$25.27) - 茶嘅味道好特別   好好飲喎

好多外賣

抖陣真係好好多呀   所以又再周圍行喇 ~

唔知玩咩呢 ?!

我覺得商場冷氣唔係咁凍   但就唔焗嘅   因為平時一入商場係覺得好凍   個人係當堂降溫咁㗎

周大福 & 周大福傳承   兩間係互通嘅

入口有張大張圓枱   唔會拎啲金器出嚟睇嘛

周大福薈館   其實係咪同一集團呢 ?!

行去 D 區   因為玻璃天窗   所以經過呢度係好焗熱

里奧大人依家一見小新就會停低睇   好多時係佢叫我去睇添呀

經過馮校長老火鍋   里奧大人即刻話唔打邊爐呀   睇見都熱   我話放心喎   我都唔會打囉

行到 C 區喇   其實都無咩認真行   所以聽日會再嚟過呢

6 點 50 分了   所以要行番去 A 區喇

7 點左右到東北磨磨   感恩有位呀   同埋冷氣夠凍   今日我哋真係好需要冷氣呀   哈哈 ~

茶水貴 (RMB8)   但呢壺係熱豆漿   咁仲好呀   我夜晚唔會飲茶呢

好濃豆味嘅熱豆漿   但飲完之後成個人好舒服   因為今日飲得太多凍嘢呀   哈哈

好多食店嘅職員   都係用手指甲畫單   我覺得會整到啲手指甲好污糟

走南闖北 食在東北

食店冷氣好夠   所以睇埋呢啲畫會覺得好凍   哈哈

呢個係 2 人套餐 (RMB100 約 HK$109.87)

招牌醬骨架 (小份4件) - 無咩特別   好似煲湯骨咁   不過啲肉唔 "鞋"嘅   定其實我期望過高呢   因為成日睇 Youtuber 食呢個醬骨架   食到好好味咁

東北大拌菜 - 職員問有咩菜唔食 ?!   我哋就無喇

啲米粉凍凍哋   個汁又酸酸哋   夏天食真係一流呀

私房海膽豆腐 - 熱辣辣   連我鍾意食熱嘢   都要灘好耐先食到呀

奶香手撕餅 - 呢個好味呀

我撕到細細塊   感覺細細塊可以食多啲

今晚狀態不佳   所以戰鬥力大減 ~

食完都係 7 點 20 分   咁又行下商場啦   因為要去薜記買零食呀 ~

夜晚出嚟行真係舒服好多   起碼無咁熱   哈哈

Hello Kitty Sac & Sachet

好孩子

好似 XX 車

去薜記炒貨買零食   家姐都話要酸奶山渣球呀   我試咗士多啤梨果乾覺得好甜   都係唔買喇

今次無咗豬肉粒   但里奧大人都鍾意食豬肉乾嘅

薜記小麻花 (海苔味) (RMB11.80) / 薜記鹿角脆 (RMB8.13) / 薜記酸奶山渣球 X 2 (RMB75.80) / 薜記手撕肉乾 (五香味) X 2 (RMB39.60)   總共 RMB135.33 (約 HK$148.66)

仍然覺得哪吒係可愛嘅

里奧大人話呢間係咪女裝鞋   我話有男 Model 應該有男裝鞋買啩

呢間啲衫都唔算貴   但里奧大人話呢啲衫唔啱我   因為無 One Piece   我仲以為話我肥添

唔係里奧大人話有隻蜥蝪   我都見唔到   哈哈

造景缸 (RMB4,00) 都好貴喎

行到差唔多 8 點 45 分   我話要番酒店休息喇 ~

我話呢度都有錢大媽   里奧大人問係咪買衫 ?!   笑死我呀   可能見到隔離間舖係賣衫先咁問   哈哈

無咩人行嘅街道

見到 "金鵬" 呢兩個字   就即係到咗桔子酒店喇

里奧大人要買啤酒   不過呢間便利店無佢想飲嘅牌子

所以行去另一間店睇下先   娃哈哈呢個名真係聽咗好耐   但無飲過

以斤做單位

以杯 / 條 / 袋做單位

又以支 / 只 / 個做單位   買嘅時候真係要睇清楚單位先好買呀

呢個幾好味咁   不過一粒係好輕身嘅   我又唔想買 1 斤咁多   但好多價錢唔同又唔可以樣樣要啲

想買呢包橙C英式咖啡   我以為就咁沖就得   但里奧大人提完包裝指示   話要加啲咩加啲咩先得㗎   所以我唔買 lu

里奧大人買咗罐青島啤酒 (RMB7 約 HK$7.58)   呢間店又係無咩冷氣   我睇咗一陣嘢都已經成頭汗呀 ~

番到酒店都 9 點   要即刻沖涼喇 ~

今日行咗 23,000 步   但又唔覺攰喎   里奧大人話因為行下坐下咁呢 ~

一開機就見到熊貓

臨瞓前一定要拉廉   唔係就會對住個洗手間瞓覺咁㗎喇

 

聽日要辛苦里奧大人拎咁重嘅零食了

瞓覺要開近鋅盤呢盞燈   即係洗手間對面   但開完就會咁光   希望可以瞓到啦   哈哈

呢間酒店無翡翠台   不過都唔緊要嘅   有時內地嘅電視劇都好睇㗎   今晚睇 "九重紫"   估唔到幾好睇   睇到 11 點半先瞓呀 ~

呢日行程完畢 ^^