探魚烤魚 ♡ 深圳 DAY 2 ( PART 1/2 ) ( 22-AUG-2025 )

( 22-AUG-2025  FRI )

我哋習慣開住洗手間位置嘅燈瞓覺   咁樣夜晚去洗手間都唔驚撞親嘛   但尋晚瞓瞓下   里奧大人話盞燈好刺眼要熄燈呀   之後成間房突然黑哂有啲驚   好在我都好快瞓着咋 ~

瞓到 4 點幾醒咗   我覺得無咗冷氣咁呀   之後里奧大人話個 Sensor 有啲問題   去到 19 度就熄冷氣   但我臨瞓前睇過係 22 度嘛   不過唔知道最後里奧大人點搞喇   因為我已經瞓着咗 lu ~

今朝要 8 點 15 分起身喇   我同里奧大人講話咩白   佢已經喺度笑   哈哈   之後先同佢講聲生日快樂呢 ~

叫小度播首生日歌

祝里奧大人生日快樂 身體健康

沖埋個涼就去食早餐   估唔到呢餐有驚喜呀   里奧大人話早餐好食   我食得好開心就會對酒店加哂分   唔好食就會負分   哈哈 ~

樂活早餐 (7:00 - 10:00am)

近門口位置有職員登記資料

上面係煎蛋 / 炸雞   下面係油炸鬼 / 炸蕃薯丸

一定要食油炸鬼

鹹蛋 / 拍青瓜

豆腐皮就無咩興趣喇

白粥 / 瘦肉粥

食粥嘅配料

我無睇個餸係咩名堂   因為我唔會食   哈哈

炒河粉 / 炒飯

炒椰菜

炒福花

蒸南瓜

粟米

雞蛋

黑糖包 / 饅頭

蔥花卷

豆漿機

里奧大人話妳一定飲 Americano 㗎啦   算佢有心啦   哈哈

橙汁 / 蘋果汁

生果 / 沙律

影完就 Refill 車厘茄

Cereal 一定唔會食

牛奶

方包 / 乳酪

茶包 / 果醬 / 牛油

提子蛋糕   我覺得里奧大人會拎嚟食

牛油蛋糕

好似牛角包

餐廳望嘅景觀

餐廳都寬敞   同埋最緊要唔嘈

我嘅早餐   依家喺大陸食自助早餐   就會鍾意食粥   因為自己唔會煲   同埋又鍾意食辣菜脯呢   估唔到咖啡都好飲呀

里奧大人嘅早餐   佢食粥因為想食鹹蛋

食完就去睇下麵檔有啲咩食先   所以里奧大人就會知道我鍾意食呢度嘅早餐喇   如果唔啱食係唔會再去認真睇呢   哈哈 ~

清湯麵/蔥油麵 (河粉, 桂林米粉) / 廣東特色齋腸粉, 雲吞 / 武漢特色熱干麵

澆頭 : 蕃茄雞蛋 / 炸醬   上網睇澆頭意思   原來係加喺麵/飯等主食上面嘅菜餚或調味汁

麵檔

都有唔少人食湯粉麵

澆頭

魚蛋 / 牛丸

唔同嘅配料

我要食腸粉呀

廣東特色齋腸粉   我覺得腸粉都幾滑   加咗蔥油同辣椒醬仲好味   我好鍾意喺大陸食辣椒醬   因為多數係香辣唔係死辣

食物 Re-filll 得好快

里奧大人第 2 Round   食完就食生果   我話食咁少嘢㗎

我嘅第 2 Round   我鍾意食幼身河粉   同埋佢哋整得唔油呀

雖然唔想食咁多澱粉質   但最後都忍唔住要呢碗武漢特色熱乾麵   但我要少麵同啲丸要每樣一粒就夠了

里奧大人話生果轉咗紅色一粒粒嘅嘢   我真係好好奇係咩   所以即出去睇下   原來係紅火龍果

我食埋生果就走人 lu

食到 9 點 45 分就上房喇   里奧大人話想瞓陣覺   我話無問題吖   反正商場都未開 ~

今朝起身就開電視   做緊 "倚天屠龍記" 嘛   我以為依家仲做緊   之後睇到其他角色都無見過嘅   先知道呢套劇係 "蓮花樓"   又會咁啱兩套劇都有佢份做   仲要係古裝添

唔想睇古裝   所以睇呢套 "金店劫案 精編版"   估唔到又幾好睇喎

里奧大人瞓到 11 點就起身   執埋哂所有嘢就可以出發喇 ~

里奧大人可能聽到啲搶擊聲   之後佢笑住話 "妳頭先講開窗呀"   哈哈哈哈   笑死我呀   唔怪得咁多搶擊聲啦   仲諗緊又會咁奇怪播埋呢啲片   但我就無理到佢   由得佢呯呯嘭嘭呀   呢下先勁   哈哈

我叫里奧大人開盲盒呀   佢本身叫我番公司先開   不過我唔想囉   我想一齊第一時間睇係邊隻嘛

要影相做記錄啦   好感激里奧大人   因為知我好鍾意小新   依家成日會留意小新嘅嘢

我都好鍾意呢個呀   因為我都鍾意啡色呢

其實我唔會將佢放入背囊   因為會反光睇唔到佢咁

影哂相就執嘢走人啦   我一定會睇下銀包電話有無拎到嘅   但好奇怪唔見咗部電話   櫃面同床都唔見有喎   明明頭先影緊相家嘛   之後里奧大人話打比我咪得囉   點知個電話原來喺佢褲袋   真係夠哂神奇   哈哈 ~

房卡 Logo 好似切開咗嘅橙

今日好好天呀   感恩感恩

再見

里奧大人話好難得走廊無清潔車

我哋將行李袋放喺酒店大堂   咁一陣行完再番嚟拎   反正地鐵站喺隔離 ~

差唔多 11 點半就出發喇   我覺得無尋日咁熱咁喎 ~

酒店附近都有唔少食店   不過我無影到

住呢區都方便

無咩人行

潮男先森

錦鼎黃金

去壹方天地只係行一條直路

望番後面

呢邊就唔多高樓   所以行起嚟無壓迫感

積水路段   謹慎通行

酒店方向就係龍華路喇

房間直租 單間 1,000 起 一房一廳   依家喺深圳住都唔係咁平 lu

繼續向前行

工程中

壹方天地呢邊比較多高樓

見到壹方天地

呢個角度就比較開揚   哈哈   起碼望到好大片天空

巡邏車

青青世界

夜淘市集

尋晚都無留意呢度添

另一邊係咁嘅   不過唔會過去行啦   天氣太熱要行商場呀

@ 瑞幸咖啡

見到瑞幸   我諗緊飲唔飲橙C咖啡好呢 ?!   里奧大人就話飲啦   又唔係成日飲 ~

好多外賣呀   所以見到無人堂食   唔好以為好快就可以上餐   哈哈

消毒池 / 清洗池 / 沖洗池 - 唔知係咪清洗程序耐過沖洗程序呢 ?!

LOVE MYSELF

望上去   天幕都幾靚

橙C美式咖啡 (RMB9.9)

我哋轉咗位置   咁先見到杯咖啡係橙啡色   哈哈

里奧大人好大力搖   即刻變成一杯普通咖啡   哈哈

飲完就認真行壹方天地喇   其實預咗係行一日嘅   但尋日行咗好少地方咋   雖然都估到係來來去去都係嗰啲   不過都好想行呀 ~

美味現炒快餐   即係香港嘅兩餸飯

真係即炒㗎   我一入到去已經打咗 3 個噴嚏   因為佢炒緊辣嘢呀

唔少男人幫襯

幾好味咁喎   同埋乾淨

一盒嘅份量都好多

咁嘅份量   真係可以食兩餐

三個職員都好忙

唔知咩來

我見到個飯已經咁多   佢仲要 "北" 多啲上去

等緊 Re-fill 嘅餸菜

睇完兩餸飯就行華潤萬家   我最鍾意行超市   但最緊要無咩人行   哈哈 ~

生肉咁擺法就唔係咁好啦

地方好大   我真係好羨慕呀

校服價錢又唔貴喎   不過就唔知以當地生活水平嚟講   算係平定貴囉

始終係玻璃天幕   就算成個場開行冷氣都唔係好凍咁   哈哈

水怪都鍾意   但佢啲嘢好貴囉   所以唔捨得買

哪吒其他角色嘅 Q 版

里奧大人又走去睇小新

係小新就影下   哈哈

芽豆豆

經過 PALM MONSTER   原來呢個時間係免費入場   如果唔係就要比 RMB5 門票先可以入場呢

即刻去睇蜥蝪同蛇

豹紋守宮 (RMB599)

豹紋守宮 (RMB499)

豹紋守宮 (RMB399)   呢條係兩種顏色   都幾特別

對於我嚟講   隻隻都差唔多樣

有幾條蟲

有啲恐怖   哈哈

好大隻眼睛

藍舌石龍子 (RMB5,500)   好貴呀

里奧大人好鍾意睇蛇嘅影片   我初初覺得好核突   但睇睇下都慣哂 lu   但仍然覺得係核突   哈哈

王蛇   飼養難度 1 粒星

真正蛇餅

玉米蛇   飼養難度都係 1 粒星

墨西哥黑王蛇 (RMB1,800)   個名好似好毒咁

豬鼻蛇 (RMB1,300)   個名好得意

手掌咁大嘅魚

@ PALM 掌心怪獸

里奧大人話我開心番哂啦   今日唔駛比五蚊入場費   我話直頭賺咗十蚊添啦   哈哈 ~

行去 C 區睇下

見到有間 SAN U 又入去睇下   估唔到好多嘢睇   仲買到嘢添   開心開心 ~

鞋頭配件好得意

睡裙只係 RMB39   我覺得好抵呀

我見有試身室   咁問下職員可唔可以試 ?!   佢話可以呀   因為我都想試下着上身舒唔舒服嘛

咁都見到小新

職員好好呀   佢入倉搵話兩件係無新嘅   之後佢再喺手機睇下有無貨   睇到話有就即刻再跑去倉入面搵呢 ~

我哋讚佢好落力   佢笑住話應該的   這是她的本份   呢啲工作態度真係十分十分好呀 ~

我買咗 4 件 (RMB156 約 HK$171.23)

@ SAN U

高卡車   單次卡 118 元 6 團

高速轉 6 個團   真係頭暈都似   但無理由慢速家嘛   哈哈

繼續行呀行

又見到小新杯

里奧大人話呢個哪吒 RMB199 好抵   因為手工都靚呀   我話送比佢做生日禮物   佢話唔要   不過我都照走去問職員有無貨 ?!   佢話無呀   里奧大人頭先都話實無貨㗎喇

@ TOP TOY

行到 1 點   我哋就要去搵食喇   因為都要啲時間搵嘛 ~

激氣呀   尋晚唔記得買生日蛋糕添

泰奶啵啵米麻糬奶油 (RMB128) 幾吸引   因為有麻糬   所以里奧大人成日話我叫佢揀   但佢揀完到最後都唔係自己揀嗰個   哈哈

砵砵雞

兵哥碗豆麵

老船長肉蟹煲

我覺得 Starbucks 咖啡係好難飲   完全無咖啡味   不過唔知深圳係咪咁喇

68 元星禮包   如果成日飲就抵喇

happy pills 快樂彼利

爆漿果汁軟糖 (RM7.2/500g)   下次會買嚟試下   但橡皮糖 RMB5.9/50g 就貴喎

呢件要 RMB399   計番港幣應該貴過香港

@ JACK & JONES

上次喺萬科見過呢間 M Stand

Adidas 品牌就唔會買啦

商場係多店舖嘅   但一定係大牌子㗎喇   價錢同香港一樣即係貴過香港   咁一定唔會買啦   哈哈 ~

呢日未完㗎 ^^