壽司郎 @ 紅磡 ( 16-AUG-2025 )

特選中吞拿魚腩 ($17)

日本產原隻帆立貝 X 2 ($22/碟)

特大虎蝦天婦羅 ($27)

蝦三味 ($17/碟) - 居然無咗隻蝦   最搞笑里奧大人話係咪咁㗎 ?!

鮮蝦天婦羅 X 2 ($12/碟)

芥未章魚軍艦 ($12)

吞拿魚 X 2 ($12/碟)

再嚟蝦三味   里奧大人笑住話我真係好鍾意食蝦   我話尋日發夢都食蝦呀   所以真係好想食呢   哈哈

飛魚子軍艦 ($12)

( 16-AUG-2025  SAT )

一覺瞓到天光   但我覺得只係 6 點幾   所以唔會起身   之後忍唔住主下個鐘   只係 6 點 17 分就可以安心咁繼續瞓喇 ~

今朝同里奧大人出去食早餐   食完去佢公司坐陣都番工 lu ~

菇場唔忙   又係傾偈同上網咁啦 ~

放工即走   坐車嘅時候聽到後面兩個婆婆傾偈   有個婆婆係咁話個親戚個樣真係好肉酸   之後話個親戚唔生育   我心諗唔生 BB 都講埋   咁佢哋再話食咩都唔長肉   原來係生肉   哈哈 ~

等埋里奧大人放工先買午餐   差唔多 2 點先食得呢 ~

食完抖陣就出去惠康買嘢   里奧大人就瞓陣覺 ~

番到屋企已經 3 點 45 分   之後里奧大人起身   我無諗過行咗 45 分鐘咁耐呀   所以次次一個人行就會用多好多時間   咩都拎嚟睇下咁   哈哈 ~

盲腸又痛呀   但無上次咁辛苦   如果今晚仲痛   聽日都要睇醫生 lu ~

睇下 Youtube   今晚 4 點 45 分出發去黃埔   因為我要去壽司郎   里奧大人話唔想好似上次等一個鐘呀   所以寧願早啲食呢 ~

去到無人   咁我話等卡位   反正未餓嘛   哈哈 ~

5 點 15 分左右有位   食完都係 6 點鬆啲 ~

我要去 AEON 買毛巾   不過無得買呀   所以又周圍行下 ~

里奧大人話睇下有無 2026 年嘅月曆   我話依家先係 8 月肯定無啦   點知估唔到係有呀 ~

真係整定啦   因為本身係直接喺另一個出口走   里奧大人以為我想睇下先去行咋 ~

$49.9/個仲要有 9 折   真係好感恩

即打比家姐叫佢揀   佢揀水怪   我問點解 ?!   佢話因為我話過每年都要唔同呀   哈哈   我就買多個 Hello Kitty 比佢同事細 K

我買小新   其實 XO 都鍾意   但最後都係揀小新   因為 Colorful 好多呀

好想買水怪証件套   我叫里奧大人買小新   佢個樣呆咗   即係唔鍾意啦   哈哈   咁我都唔買啦   因為每次旅行佢都會幫我拎埋証件套   拎開兩個一樣款嘅   突然間一個唔同   我驚佢以為拎咗一個就當兩個都拎咗呀   到時就大件事喇

買完就去鴻福堂買 2 支飲品   因為有張 $50 Cash Coupon 呀 ~

最後買埋糖水就番屋企   我真係成身汗   里奧大人即刻話我成日咁熱   個人咪好燥囉   我即刻話佢咪冷血囉   成日怕凍又無咩汗   呵呵 ~

番到屋企即開機洗衫   抖陣再一路食食糖水一路睇 "破地獄" ~

其實本身唔想睇   因為聽到啲 "叮叮茶茶" 聲   我會諗起媽咪   不過都繼續睇啦   原來結局都幾慘   我都忍唔住喊呀 ~

要睇陣 Bao Family 笑下呀   所以差唔多 11 點半先瞓 ~