東北磨磨 + 桔子酒店 ♡ 深圳 DAY 1 ( PART 1/2 ) ( 21-AUG-2025 )

( 21-AUG-2025  THU )

感恩尋晚瞓得都唔錯呀   今朝同里奧大人 8 點 25 分自然醒 ~

沖埋涼就去食早餐   食完就番屋企抖陣   食完番屋企抖陣再執齊好所有嘢   之後同里奧大人一齊番公司   因為有文件要簽呀 ~

番到公司又有嘢要即刻處理   差唔多搞咗成個鐘先走得呢 ~

我哋 10 點 45 分有車去羅湖   所以今次要坐頭等喇 ~

估唔到好多人上深圳   我仲問里奧大人會唔會頭等都無位坐   佢話好少會咁   但今日就即刻出現呢個情況   我見有幾個人都無位坐呀   唔通普通車廂仲更加多人 ?!

11 點 45 分到福田口岸   之後搭地鐵去福民站   好感恩有孖位坐呀 ~

@ 福田口岸

往深圳

搭 4 號線

無咩人咁噃   不過我同里奧大人講話始終依家係暑假   所以可能都多人嚟深圳玩㗎

12 點 06 分到福民站   但要坐 13 個站先到龍華站   車票只係 RMB5 (約 HK$5.49)

塊玻璃好乾淨

里奧大人奸笑咁問我知唔知邊邊門出去 ?!   我話睇到盞綠色燈喎   之後佢都忍唔住笑咗   我話答錯就驚啦   哈哈

12 點 34 分到龍華站   搭坐差唔多半個鐘頭

我哋去酒店係龍華站 B 出口   之後直行就到酒店   所以好方便呀 ~

@ 和平路 (東北)

有鐵枝攔住   防止意外發生 ?!

我同阿花叫帶帽隻嘢叫黃咀鴨   但其實唔知佢係咩嚟   哈哈

我話品順坊 BAKERY 嘅麵包都幾吸引   里奧大人以為我想食   我話唔食啦   要留肚食其他嘢呀

落到地面喇

12 點 40 分到桔子酒店 ORANGE

Check-in 只係用咗 10 分鐘   但 Lobby 無咩冷氣咁   所以勁想快啲上房呀   哈哈 ~

@ Lobby

供客人飲水嘅位置

搭呢兩部 Lift 上房

8-9 樓係酒店   10 樓就係食早餐嘅

走廊都光猛

對面房門打開咗   所以咁樣睇就更加光猛   哈哈

今次又係我揀酒店嘅   我都係睇 Youtube 介紹咋   里奧大人就一定要房間光猛   所以揀呢間喇 ~

房間價錢係 RMB355.4 + 稅項及其他費用 RMB59.04 (合共 RMB414.11)   里奧大人話價錢都 OK 呀   不過我話其實仲想再平啲   哈哈 ~

入房喇   最鍾意咁光猛嘅房間

里奧大人第一時間望下出面係點

房間都乾淨

景觀都算開揚

望落去係咁嘅

同小度玩下先   哈哈

都算多衣架

洗手嘅位置

洗手間都乾淨

張床隔離係洗手間

有窗簾拉落嚟嘅

橙味嘅淋浴露 / 洗頭水 / 謢髮素

鍾意呢啲地磚設計   咁樣無咁跣

唔凍嘅雪櫃

總共有 4 支農夫山泉水

對面房嘅景觀

呢間 Suite 都正㗎   但對正電梯門口就唔鍾意

差唔多 1 點就出發去壹方天地   今日真係好熱   不過點都好過落雨嘅 ~

酒店直行就去到壹方天地

企喺度乾煎等過馬路   哈哈

又係不斷起高樓

有人航拍

由酒店行去只係 5 分鐘   所以真係好方便   但今日好熱   行起上嚟都不斷流汗呀

1 點 20 分到壹方天地   我覺得啲字型唔夠搶眼   同啲鐵枝差唔多色咁

入口位置係透明天幕   所以感覺無咩冷氣

我哋無話要特登去某啲食店食啲咩嘅   所以就行下睇下先   有咩啱食就入去食喇 ~

芋泥烤肉鬆 (RMB23) - 我覺得呢個應該都會真材實料   其實好想買麵包番香港   不過次次最後都唔記得

全麥鄉村乳酪 (RMB23) 都吸引呀

我覺得咖啡奶油肉鬆包 (RMB10) 就平喇

 蜂蜜杏仁烤吐司 / 蜂蜜杏仁碎烤全麥吐司都係 RMB12/件   好貴喎

見到薜記炒貨就最開心   因為唔駛周圍搵   哈哈

焗紅薯同炒栗子

帽+頸枕+手套一 Set 只係 RMB59   頂帽嘅質地好 Soft 㗎   呢間好似幾多嘢睇   所以諗住食完先再行   哈哈

之前喺睇臥底旅行團見過   覺得隻雞好搞笑   其實用熊貓仲得意啦   哈哈

行咗半個鐘   最後都係揀遇見小面   因為里奧大人鍾意食湯粉麵呢 ~

@ 遇見小面

里奧大人話背景好有特色

開餐

川味酸菜牛肉麵 (RMB26.5) - 里奧大人話好味道呀   佢鍾意食就得喇   因為我都係求其揀間食店㗎咋

軟骨丸子小鍋冒菜 (RMB27.9) - 軟骨丸子好味呀   我初初以為軟骨丸子係豬軟骨拚肉丸添   同埋以為係剩餸   原來仲有紅薯粉   底部又有魚腐同午餐肉   無諗過咁多配料呀   因為我睇張相係無咁多嘢嘛

里奧大人話要影相   証明佢真係鍾意食   哈哈

爆漿豆腐串 (RMB10) - 口感好特別   我鍾意食呀

里奧大人拎比我㗎   仲話知我鍾意食呢啲辣菜脯添   其實我都唔知佢行咗去拎㗎   好感動呀   哈哈

凍檸檬茶 (RMB6.9) - 幾好飲喎   唔澀口

呢餐只係 RMB71.30 (約 HK$76.83)   真係好抵食 ~

里奧大人仲講咗幾次話我揀得好   咁我一定揀佢想食嘅嘢先嘅   同埋佢最緊要唔好全部都係炸嘢就得㗎喇   反而辣都無問題   佢好多時都揀水煮嘢   不過我話唔好呀   始終太油太辣   我怕肚痛呀 ~

食完當然要行下啦   因為行程都係食完就行   行完就食咁之嘛   哈哈 ~

我同里奧大人講話要玩呀   仲話應該唔駛錢啦   之後我睇到原來係要錢㗎   哈哈   里奧大人即刻鄙視我呀   仲好話唔駛錢添   但佢話單次 25 元玩幾樣嘢又抵喎

喜識冰糖葫蘆   吃喜識有喜事   又玩食字

呢啲冰糖紅果脆同檸果脆嘅賣相幾吸引   不過我唔會買呀   食完層好甜嘅糖衣再食好酸嘅乾果   我唔係咁鍾意咁嘅感覺   唔知點咁

每次去旅行   我有啲咩想食想買呢   里奧大人就一定影相做記錄   因為我太多嘢想食想買   哈哈

歡喜花生   國民炒貨

家姐鍾意食士多啤梨果乾   一陣去薜記睇下有無先

焗姥爺

鹽焗雞中翅 (RMB42.96/250g) 其實都貴呀   不過食起上嚟就好方便嘅   一開就食得   下次好想4嚟試下呀   哈哈

行下 MINISO   我估哪吒應該仲有熱度嘅

我呢期真係好鍾意小新   但呢隻細水樽要 RMB29.9/隻就要諗諗先

右邊隻杯好得意   但杯真係買唔得咁多

搽茶雪糕   第二件半價

Mr. Bean 嘅熊公仔

我揹出街   應該無人敢企喺我隔離   哈哈

另一間有 5 折但要係會員   一係就做會員但要用手機號碼   不過我無手機號碼呀   可以慳番了

依家啲杯真係越出越得意

我同里奧大人講我仍然鍾意小丸子   佢個樣好愕然

呢隻雞仔都得意   又咁啱係黃色   哈哈

行下 JOUIN 潮美滙   見到養生艾草錘只係 RMB9.9/個

錘咗幾下膊頭   估唔到幾舒服   所以即買 2 個喇

離遠見到佢個咀唇好似黑色困邊咁   所以忍唔住行去睇下   哈哈

呢啲暖杯都得意

隻隻都鍾意

磁石貼

呢啲會越睇越餓   哈哈

忍唔住要買隻有蓋杯   本身想要紅色但無貨   咁要綠色啦   呢期都好鍾意綠色

收銀處

貓和老鼠系列帶蓋雙用陶瓷杯 520ML (RMB35.90) & 養生艾草錘 (RMB9.90/個)   總共 RMB55.70 (約 HK$61.20)

@ JOUIN 潮美滙

頭先都嚟過呢間 KKV 睇嘢   里奧大人話諗住買個電腦套比公司同事用   但我話 RMB79.9 太貴呀   講緊係要買幾個喎   所以唔好買喇

伏特加專區

細細支好得意

亞洲沙士   我記得 A&W 呢個牌子就好好飲

曾經鍾意嘅海棉寶寶   但里奧大人同家姐都話呢隻嘢好肉酸   哈哈   但我鍾意佢笑得好開心嘛

里奧大人自己行去睇小新 "森林奇遇記" 盲盒   仲話隻隻都得意

稀有款都得意

之後佢係都買個盲盒比我   盛惠 RMB59 (約 HK$64.83)   佢話係佢嘅生日禮物但送比我嘅   哈哈

@ KKV

行到 3 點 45 分又抖下   頭先我話要去鮮芋仙食甜品   所以里奧大人就話入去食喇 ~

@ Meet Fresh 鮮芋仙

都有唔少人食刨冰

楊梅芋圓椰乳冰 (RMB42) /香芒榴槤椰乳冰 (RMB50)   總共RMB92 (約 HK$101.08)

大熱天時   最鍾意食啲酸酸甜甜嘅嘢

好多芋圓   口感都煙韌

榴槤味都好濃   但芒果無咩味道

都有芋圓

食完抖下又再行   去深圳多數係咁   食下行下買下最開心   哈哈 ~

呢日未完㗎 ^^