( 22-AUG-2025 FRI ) - PART 2/2
今日真係咩都睇下 因為唔會再嚟 哈哈 ~
香妝樓 吾獨有偶
巨型唇膏
大人糖 (僅限成人)
里奧大人唔鍾意食壽喜鍋 所以唔會考慮
雪茄店
行下行下又 1 點半 咁里奧大人要去洗手間 我就去睇下食咩好喇 ~
見到呢間卿棠裝潢幾靚 又無咩人 所以等埋里奧大人睇下餐單啱唔啱先入去 但佢都無睇就話入去食啦 呢間 OK 呀 哈哈
古色古香
我哋坐呢邊位置
里奧大人話個茶壺好重
我哋包場
開餐
菠蘿里脊 (RMB39) - 個皮都脆嘅 但我覺得個汁無咩味道
趙公回鍋肉 (RMB46) - 呢個好好味呀 唔會好鹹 里奧大人話呢間嘅份量偏少 但好啱我哋 始終兩個人食唔落咁多嘢 但又唔想食一樣咁少嘛 哈哈
醬油炒飯 (RMB23) - 又係好好味 粒粒分明但有啲煙韌 上次喺湘辣辣食嘅飯就係咁嘅口感
份量好多
超大杯水果茶 好香青檸味呀 咁我想講飲呢啲會消滯 但我講緊個消字嘅時候 里奧大人講酸字 我無啦啦講咗消酸 里奧大人話唔好亂講呀 哈哈
有唔少生果 所以我哋都鍾意飲果茶
呢件制服 我一定要特製 5XL 先啱身 着完仲要好似個大燈籠走出嚟咁 哈哈
卿棠 里奧大人話係咪玩食字 "輕嚐" 呢 ?!
熊貓對手係托住紙巾 幾搞鬼喎
好驚跌落去咁 哈哈
呢餐只係 HK$146 仲要味道唔錯 最緊要環境又靜 食飯都食得開心啲㗎 ~
食完已經 2 點 40 分 行多陣 C 區都番酒店拎嘢 lu ~
白色同淺藍色都好睇
香妝樓 睇咗好耐先知係個妝字
多芒蓬蓬頭幾得意 尋晚經過 Bread Talk 都無留意有蛋糕添 激死我喇
里奧大人話我玩無重要收多啲錢 我話係咪啲衫要大件啲呀 ?! 佢話唔係 而係要開多幾個大摩打先可以升到我上去呀 哈哈哈哈
呢間 Cafe 有面壁嘅單人坐位 我覺得唔錯喎
又要由 C 區去番 A 區喇 陽光射落嚟 真係成個場都慶哂咁㗎
里奧大人同我講話 1 樓玻璃係貓眼 2 樓係瞄耳 之後再睇相先見到地下有好多貓貓添呀
砵砵雞 N種串串 快樂隨心選
壽司
我要去薜記炒貨買多包小米鍋巴
乳酪杏仁唔係咁啱我食
諗住試下 但最後唔記得咗添
拎完小米鍋巴 又忍唔住再買多盒酸奶山渣球
兩樣加埋係 RMB42.8 (約 HK$46.98)
一睇對眼就知唔夠瞓 哈哈
3 點 45 分到酒店拎旅行袋 之後搭地鐵去金光華喇 ~
本身想行 6979 但個旅行袋好重 唔想里奧大人拎住嚟行咁耐 我又想食完即刻搭車走 所以都係去番金光華喇 同埋真係想去蜀木蘭買芝麻丸呀 因為里奧大人好少咁鍾意食呢個零食㗎 ~
今日大堂有冷氣喎 定尋日真係太熱 開咗都唔覺呢
見到職員啲制服 唔知以為係冬天 哈哈
要開遮喇 我唔想再曬黑呀
月台好熱呀 好在只係等 2 分鐘車 今次要坐 11 個站去會展中心 再轉 1 號線坐 6 個站去國貿站 車票只係 RMB6 (約 HK$6.59)
列車巡查
呢個位係無咗塊玻璃 唔知係咪比坐輪椅嘅人坐 之後將張輪椅接埋放喺側邊
喺會展中心站再轉 1 號線去國貿站
等 1 分鐘就有車 感恩感恩
里奧大人話強冷車廂係同我件衫一樣色 所以唔會入錯車廂喎
4 點 45 分到金光華廣場喇 真係好有親切感 其實我哋無行過國貿站附近嘅地方 不過係行都留番冬天嚟先行喇 里奧大人講明今次一定要行有冷氣嘅地方呀 哈哈 ~
@ 金光華廣場
呢包五谷穗片好似幾好味咁
里奧大人鍾意食提子乾 但試完之後話黐牙 咁就唔會買了
jOGUMAN 都得意
去 TOP TOY 睇下有無哪吒先
有貨呀 感謝主 但要食完飯先嚟買呀
Yoda 得意 但里奧大人再強調話係 Q 版先得意 哈哈
上次 6 點唔夠 好多食店都要等位 所以今晚特登 5 點就去食晚餐喇 ~
我話去探魚呀 好在里奧大人話佢都鍾意咋 ~
個環保袋都幾實淨 但唔知要幾多個魚幣
米飯區
最鍾意呢個甜品區呢 但唔知係咪間間探魚都有呢 ?!
有小食 / 菊花茶包 / 荷葉茶包供應
我哋坐卡位
里奧大人笑住問呢間店舖職員有咩特色 ?! 我答係扎鬢辮 佢話係扎頭髮 因為佢唔識咩叫做
鬢辮 哈哈 之後話 "北" 緊糖水嗰個就唔係職員喇
其實香港食店啲阿姐都係扎馬尾 係無佢哋咁講究啫 哈哈
虎牙脆同鍋巴都好味道
里奧大人話想飲西瓜汁 所以佢自己去買喇
巨型水果茶 起碼有 4 個人先飲到
里奧大人用手感 Feel 下條魚熱唔熱
應該無人飲個湯底 哈哈
最鍾意食啖啖肉嘅魚
每人一碗白飯 不過我哋要一碗就夠了
今天就吃到這 咁都好大碗喎 哈哈
我主要係食黑糖麻糬 / 燕麥爆珠 / 好運紅豆爆珠 / 椰椰脆 / QQ 西米露 / 冰粉
菜已上齊 唔知係咪職員咁擺呢 ?!
地方都寬敞 職員捧住杯生果杯 真係睇見都重呀
食完已經係 7 點 15 分 原來都食咗兩個鐘呀 唔駛限時真係食嘢無壓力 食咩都可以慢慢 ~
搭 Lift 落地下 里奧大人問我驚唔驚 ?! 我話咁高都驚驚哋㗎 所以我係唔敢玩機動遊戲呢
里奧大人喺呢間混果汁買西瓜汁
上次話下次要買 但今次見到又唔係咁想買添
蟹黃鍋巴又係想買但無買 如果有得試食就好啦 我都係想試咗味道先買囉
因為唔想咁夜番到屋企 所以都唔行個商場喇 直接去蜀木蘭同 TOP TOY 呢 ~
里奧大人最鍾意嘅木糖醇芝麻核金丸
梅里很芒 感覺好酸咁 會唔會越食越餓㗎 哈哈
奶香黃桃唔記得試呀 但我試咗乳酪山渣球 都係薜記好味啲
好似幾好味咁 不過食一兩件都 OK 但當零食就唔會囉
又唔記得試脆蝦添
里奧大人只係買咗榶醇芝麻核金丸 (RMB64.98 約 HK$71.33)
@ 蜀木蘭炒貨
真係事不宜遲 買完即刻去買哪吒喇 ~
我覺得喺度買仲抵過淘寶 因為個盒好大個 運費都唔平呢 ~
我叫里奧大人捧住嚟影呀 但佢好尷尬咁 哈哈哈哈
里奧大人小心翼翼拎住個盒 佢前面揹住旅行袋 後面又揹住背囊 右手就拖住我 前後左右都好忙呀 哈哈
呢個舖位 咁多年都係麵包店
呢個芝腿包幾好味咁
我以為係烏龜造型嘅麵包
我哋要坐一個站去羅湖 車費只係 RMB2 (約 HK$2.2) 所以鍾意住近地鐵站嘅酒店 如果附近無地方行 可以搭一個站去另一個地方玩都唔錯㗎 ~
8 點 15 分開始番香港喇
里奧大人話拎咁多嘢要坐頭等 咁我哋要等 8 分鐘先有車 都預咗無位坐 但好感恩大家都有位坐呀 所以我話唔坐頭等喇 之後過咗兩個站仲可以一齊坐添 感恩感恩 ~
9 點 25 分落車 最搞笑里奧大人去咗 B 出口 因為呢兩日去嘅地方都係 B 出口呢
番到屋企都即刻開機洗衫 搞掂就沖涼 ~
今次真係特別 Relax 直頭有啲唔想番香港添呀 哈哈 不過里奧大人呢兩個月有大 Project 要搞 所以只可以放 2 日連假呢 ~
今晚影哂相先 因為聽日里奧大人會成個運走
睇多陣電視就 11 點半 係時候瞓覺喇 ~
沒有留言:
發佈留言