金銀蛋菠菜苗 ( 10-NOV-2025 )

本來今晚焗雞翼   但有雞肶就唔焗 lu   同埋我好飽   就咁食菜就得喇

( 10-NOV-2025  MON )

感恩一覺瞓天光   今朝鬧鐘響都唔係咁想起身呀 ~

早餐食芝士粒方包   估唔到得咁少芝士 ~

番到菇場洗完杯   諗住番埋位   點知阿後問起 Ivy 啲嘢   咁我一路喊一路講   所以佢話去 Showroom 傾   佢都話收到消息好突然   因為之前仲約 Ivy 兩公婆遲啲打邊爐   佢哋識得仲耐過我   所以仲傷心 ~

傾完就要做嘢喇   好在個幾鐘搞掂 ~

Lunch Time 蒸完飯就出去 Mikiki 行下   行夠半個鐘就番菇場開餐 lu ~

阿齋話居然帶飯 ?!   我話咩料呀 ?!   佢覺得我星期日唔會煮喎   我話其實係兩餸飯   哈哈   佢話買小菜都一定係叫咕嚕肉同椒鹽豬扒   所以同佢口味又係好似 ~

小 A 請食下午茶   佢生完都一樣咁瘦   佢話湊得辛苦喎   之後同船頭 阿花講開減肥   我話好多人 168 所以減得好快   之後我話我都係 168   只係 16 食 8 瞓   船頭話應該係 816   之後再話食 16 個鐘都幾辛苦   哈哈 ~

佢都話番工 168 係比較難   因為要好早食晚餐   我話唔通 4 點拎份餐出嚟食咩 ~

食唔到隻雞肶   所以做晚餐

放工即走   番到屋企都見到里奧大人熨衫   咁今晚我就可以抖下喇 ~

里奧大人話阿妹同佢講   啲手信係比你老婆   里奧大人話阿妹次次都係第一時揀最好食同最靚嘅比我㗎   好感動呢

是日晚餐 - 金銀蛋菠菜苗

金銀蛋菠菜苗 - 里奧大人見到碟菜話好靚   因為我多數就咁淥菜   之後仲話好好食   平時只會講好食㗎咋   我話呢啲唔會成日整   始終鹹蛋皮蛋醃制嘢 ~

開機洗衫就沖涼   之後睇陣 Youtube   突然想睇跳水呀 ~

又玩陣 "上海麻雀"   玩到 10 點 57 分都瞓 lu ~