蒸臘味 + 脆肉瓜粒 ( 6-NOV-2025 )

( 6-NOV-2025  THU )

尋晚瞓得唔錯   但有時轉身醒一醒就諗起 Ivy   之後好耐先瞓得番   所以今朝起身有啲攰呢 ~

早餐仍然食千層吐司   今次啲質感比較乾   尋日食已經覺得係咁呀 ~

菇場忙呀   實在太開心喇 ~

Lunch Time 蒸完飯就出去行陣   之後買完菜又行下 Mikiki 先番菇場開餐呢 ~

諗住開行 Turbo 開工嘅時候   家姐打嚟話買咗芝士吐司比我   我話唔要   原來佢買咗 2 個   仲話喺何文田做完嘢   特登再去嘉多娜買㗎   仲要係新鮮出爐呀   咁唔要都唔得啦 ~

咁我都幫睇埋家姐一陣番屋企嘅巴士時間   之後就偷雞落大堂等家姐   一落到就見到佢喇 ~

第一時間交收   再比巴士時間比佢睇   差唔多 7 分鐘後就有車   之後佢話我無嘢做點解成日戴住隻眼鏡 ?!   我話今日有嘢做呀   同埋心急出嚟無除到囉 ~

家姐無啦啦叫我打比佢   話少咗個合桃橙皮包   話可能因為買 2 個分開裝   唔記得拎   之後我話妳比咗我呀   佢以為我呃佢   等佢無咁唔開心   我話好在我影咗相   其實佢頭先話叫職員分開裝就係想比我食   我係都話唔要   因為星期五食得一日嘛   咁佢又第一時間比個合桃包比我   咁我要啦   之後佢又睇個車程   心急搭車咪無為意比咗個包比我囉   最搞笑話幾驚比咗買比姐夫嘅大麥包比我呀   哈哈 ~

我都唔敢咁明目張膽咁擺喺枱   一陣同事問我喺邊度買就慘   哈哈

忙到 5 點   終於可以抖下 ~

放工即走   番到屋企都煮晚餐喇   里奧大人 6 點半先番到屋企   佢話一起身就見到 Melody 喺門口   幾驚又比佢捉住呀   哈哈 ~

是日晚餐 - 蒸臘味 + 脆肉瓜粒

蒸臘味 - 懶呀   所以就蒸三花腸 + 鴨潤腸 + 臘肉   依家涼涼哋食都唔錯㗎 ~

脆肉瓜粒 - 加埋啲滷水汁一齊煮   又係好味道 ~

洗埋碗就煮蕃薯糖水   搞掂就開機洗衫   之後沖涼 lu ~

同里奧大人整啲嘢   差唔多 8 點 45 分搞掂   要即刻食糖水喇 ~

里奧大人食完就熨衫   我就睇 Youtube 同打機 ~

今晚 11 點都有啲睡意   咁都即刻瞓覺 lu ~