香辣脆雞 X 4 / 蘑菇香飯 / 家鄉雞皇飯 / 格脆薯塊 / 汽水 X 2 - 食剩雞皇飯又留番聽晚食 lu
( 2-NOV-2025 SUN )
感恩一覺瞓天光呀 所以今朝同里奧大人一齊起身食早餐喇 ~
食完就去里奧大人公司幫手 搞掂就同阿妹傾偈啦 佢話有啲唔開心 好在今日喺度聽佢呻下咋 ~
差唔多 10 點半都走喇 今日要番自己教會事奉唔想遲到 ~
崇拜之後有事奉 今次好早搞掂 咁大家就傾下偈 姊妹 G 話以前喺大公司做嘢唔開心 因為佢係空降嘅 有個做咗 1 年都無得做佢個位 之後又再升職 所以啲人就周圍講是非 ~
其實成日講人是非 點解唔檢視一下自己呢 ?! 就算有關係比妳升到去 做唔到嘢都會比人炒啦 仲話有個另一部門嘅人一齊搭 Lift 由頭掃到佢落腳 之後串串共再問妳就係 XX 呀 ?! 佢仲講咗好多公司嘅衰嘢 我話上網同睇劇就睇得多 但原來真有其事 佢講嘅時候都眼濕濕呀 所以佢話真係人生如戲呢 ~
傾到 2 點先走 我即去買午餐同麵包 最後拎埋蛋糕都已經 2 點半 里奧大人啱啱完咗 Lunch Meeting ~
番到屋企已經見到里奧大人 佢以為我食咗午餐 我話無食到呀 好似唔係咁餓咁 ~
買咗 2 隻足料糯米雞 初初諗住會食到 但唔係咁餓就唔食喇 咁就留番做聽日 Lunch Box 呢
買咗 5 個麻糬 我食咗芝士味都唔錯
放好哂嘢就去剪髮 但要等 2 個人就唔等喇 所以去完萬寧買嘢就番屋企燜餸 搞掂再去過 ~
里奧大人以為咁快剪完 我話點解你覺得快 ?! 佢話沖完涼就見到我喎 ~
日本潤姬桃子 S1 抗皺緊緻修謢精華液 (出位價 $459/2 支) - 想買好耐 見出位價就即買喇
差唔多 5 點就出去剪髮 髮型師話以為妳老公剪 我話你記得我老公 ?! 佢話妳老公頭髮好厚 所以好羨慕 咁佢咁形容就肯定係里奧大人喇 哈哈 ~
同髮型師傾咗好多偈 估唔到咁啱傾 今次仲剪咗 25 分鐘添呀 ~
剪完就番屋企抖下 里奧大人 6 點 15 分先起身 咁同佢一齊去 KFC 買外賣喇 ~
食完抖陣就開機洗衫 之後里奧大人幫我染髮 搞掂哂就沖涼休息喇 ~
一路食蛋糕一路睇 "臥底旅行團 5.0" 今晚最後一集 希望快啲有 6.0 啦 ~
la famille 拎嘅大甲香芋黑糖麻糬蛋糕
我覺得味道一般 黑糖麻糬又得嗰少少
同里奧大人講開肥 我話好羨慕妹頭 啲人話佢肥咗都靚 但估唔到里奧大人話我肥都靚 但瘦咗更靚 真係第一次聽佢咁讚我咋 終於唔用激將法叫我減肥喇 哈哈 ~
睇 Youtube 又打機 今晚 11 點 15 分先瞓覺 ~
沒有留言:
發佈留言