燒鵝皇 (半隻) ($298) - 超級好食呀 滿口油香真係正到不得了
椒鹽瀨尿蝦 (兩) (連加工費 $144) - 熱辣辣同埋都好多肉 椒鹽整得又好味道
果皮蒸鮑魚 (連加工費 $120) - 啲鮑魚都大隻
蒜蓉蒸扇貝 (連加工費 $105) - 都好厚肉 我掛住食無影到添
蟶子配煎麵 (連工費 $186) - 無哂米粉底就轉煎麵 蟶子都好大隻
清蒸魚 (兩) (連加工費 $138) - 糟糟同定姐係咁叫我食 家姐話特登揀條大啲㗎 等我食多啲 之後糟媽又係咁叫我食 好搞笑
薑汁炒芥蘭 ($98) - 想食條菜 就叫炒菜喇
豉油皇銀芽炒麵 (例) ($128) - 炒得好乾身 不過差唔多走嘅時候先嚟 所以最後要糟媽打包呢
椰沙紅豆糕 - 夠凍同埋唔甜
蝦子花生 ($20/碟) - 好好味呀 又唔油
藍妹 ($38) + 生力清啤 X 2 ($55) - 叔叔鍾意飲啤酒 但大前題係啤酒一定要夠凍 哈哈
汽水 X 5 ($19/罐)
開心就一定要勝杯 不過我影唔切 哈哈
臨醒之前發咗個夢 我一路食個橙皮包 一路話好鬆軟好好食 我感覺到自己個口真係郁咁㗎 ~
今朝同里奧大人一齊食早餐 之後就去佢公司幫手喇 ~
搞就就番崇拜 lu 崇拜完畢就去買凍肉同午餐 買下買下又兩大袋 好在今日唔係太熱咋 ~
里奧大人今日同聽日嘅午餐
買完先醒起聽日下午茶有瑞士雞肶 所以呢盒兩餸飯係我聽日同後日嘅午餐
番到屋企搞掂哂嘢又要執個食物櫃 執咗 1 個鐘呀 所以勁攰 ~
抖多陣就焗熱啲午餐 里奧大人 2 點先番到屋企 可以即刻食得午餐喇 ~
我食橙皮合桃包同芝士吐司
里奧大人食燒肉飯
里奧大人食完沖涼就抖陣 之後瞓覺 我就睇 Youtube ~
差唔多 4 點幾都要出發去九龍塘地鐵站 因為糟糟車我哋去屯門呀 ~
同家姐差唔多 5 點到地鐵站 原來糟糟已經 On the way ~
我哋一上車 家姐即拎部電話比里奧大人 家姐同里奧大人講 iCloud 啲嘢 糟媽係咁聽但又唔知佢哋講咩 我覺得糟媽耳力好好 有時我聽唔到但佢講番出嚟添呀 ~
如果睇到鹹蛋黃就好喇
家姐話一陣 Call Google 比叔叔番酒店 笑死我哋呀 無計啦 頭先成日講 Google 呢個字 ~
我哋泊埋車都 6 點 叔叔今日喺荃灣行街 4 點半已經到咗碼頭周圍行 咁差唔多 6 點 10 分就見到叔叔嬸嬸喇 ~
@ 屯門
天色好靚
.jpg)
叔叔同家姐 糟糟一齊去揀海鮮 我同糟媽 嬸嬸傾偈 里奧大人就去碼頭嗰邊影相喇 ~
都有唔少人揀海鮮
我哋叫糟糟發版
糟媽買咗 2 包蝦乾 之後家姐又 1 包比嬸嬸 1 包好似 $200
里奧大人喺碼頭周圍影 咁又好呀 因為我都想影但行唔開嘛
釣魚真係好考耐性
手信小街好吸引咁噃
船家唔知開工定收工
青山灣海鮮坊
揀好哂海鮮就一齊去酒樓 啱啱好 6 點半 ~
@ 三聖商場
一坐低 糟媽就比嘢比嬸嬸 又送咗啲零食同藥油比叔叔嬸嬸 仲特登買咗本記事簿仔比叔叔寫嘢 家姐話上次見到叔叔寫時間喺張紙度寫時間 但我唔知糟媽見到定家姐講喇 上次叔叔話啲孫鍾意飲老火湯 糟媽又買咗啲嘢比叔叔 仲話你啲孫實鍾意 好感激佢對叔叔嬸嬸咁好呀 ~
又係咩都傾一餐 嬸嬸話喺深圳唔見咗部電話呀 佢話公安好快搵到嗰個人 叔叔話喺香港未必咁快搵到 我之前上網都睇到有人話唔見電話 又係好快搵得番 講法同叔叔一樣 ~
家姐問叔叔同表哥們拜完山有無食飯 ?! 叔叔話無呀 其實我覺得唔係咁好囉 始終叔叔喺加拿大番嚟 又會特登去拜姑姐姑丈 叔叔喺香港逗留一個月 我覺得點都要請食一餐飯囉 ~
嬸嬸每次番香港都會講明邊一日拜爸爸媽咪 所以我哋當晚一定一齊食飯 真係難得佢哋咁有心嘛 ~
差唔多 8 點 45 分都走喇 叔叔呢幾日住深圳呀 唔想佢咁晏走 ~
今餐係糟糟請客 我話做咩要請 ?! 佢話我哋請咗佢哋食咁多聲喎 其實每次叫得佢哋都唔會計佢哋㗎啦 難得佢哋咁有心出席 我話第時叔叔番嚟 佢哋都要一齊見面食飯呀 哈哈 ~
走嘅時候 糟媽同叔叔講下年見呀 不過家姐都同我講過 話糟媽都想同叔叔食飯 所以佢哋即揀食順德菜 可惜間食店執咗先轉去頂好食囉 ~
家姐比 $200 叔叔搭地士 我話唔知夠唔夠呀 之後再比多 $100 糟糟話應該夠喇啩 ~
糟糟車我哋出去九龍塘地鐵站 我哋 4 個女人全程傾偈 好在里奧大人都有傾 唔係肯定覺得煩 哈哈 ~
糟媽話成日有垃圾電話 有次打嚟同糟媽講話: 阿媽 妳食咗飯未 ?! 另一個就話表姐 尋日同妳去飲茶點點點 我覺得好搞笑 兩個打嚟嘅開場白都係關於食 ~
我哋同家姐唔同線 所以一落車就分開行 lu ~
番到屋企即沖涼 今日出咗成日有啲攰 ~
糟糟同糟媽又買嘢比我
睇陣 Youtube 又打機 又係 11 點半先瞓覺 ~
沒有留言:
發佈留言