樣樣試少少 沙律夠凍好味道呀
三文魚刺身 / 鯛魚刺身夠凍
豬腳薑同炸三文魚都好味道
我好熱 所以只想食冷盤 左手邊嘅牛𦟌好味道呀
里奧大人食嘅
里奧大人第 2 Round 已經食甜品 哈哈
里奧大人話食完條薯條即刻咀生瘡呀 所以我即刻拎西瓜比佢食呢
芒果布甸
叫里奧大人試少少芝麻糊
( 12-NOV-2025 WED )
今朝要 7 點 15 分起身 因為約咗阿妹同阿 Ｙ 食早餐 其實真係好難得呀 多數有活動要同步走先食到早餐㗎咋 哈哈 ~
里奧大人食通粉餐 今朝大家都要食飽啲
我同阿妹 Share 食芝蛋治烘底
阿妹食通粉餐 其實叫咗少通粉都唔少㗎
佢個餐有多士同蛋 所以又比一半比我
阿妹分比我嘅
阿 Y 嘅貢丸生菜米粉 本身係 3 粒貢丸㗎 但阿 Y 只要 1 粒同埋少米粉 食得好清呀 哈哈
里奧大人食完要番公司 Set-up 嘢 之後先再 Join 我哋 所以我哋可以繼續食喇 食下傾下真係好開心 始終大家番工時間唔同好難約食早餐嘛 ~
我同阿妹傾緊偈嘅時候 阿 Y 行開咗 我以為佢去洗手間 原來佢去埋單呀 之後阿妹話應該比佢請 因為我哋尋晚幫佢媽咪整嘢 我話其實里奧大人已經比咗錢我埋單喎 咁我話下次有機會再食啦 但係我請囉 ~
8 點半要去到 見啲長者都陸續到步 可以安排入座等 Breifing 喇 ~
阿妹叫我幫手貼 Label 我答可以 黑珍珠笑住話我答嘅語氣好似紀律部隊咁 哈哈 ~
今次總共有 10 個工作人員 (我 / 里奧大人 / 阿妹 / 阿 Y / 繽紛 / 榴槤 / 細細粒 / 小丸子 / 麥當勞 / 大雄) 加接近 100 位長者去旅行 所以大家都好開心呢 ~
9 點半出發 其實比預期遲咗半個鐘 不過都無咩所謂 因為今日唔駛趕行程呢 ~
今次嘅旅行真係有啲驚險 因為上星期話今日會 3 號風球嘛 感恩今日可以如期出發 我唔駛再請假 哈哈 ~
最可惜榴槤病咗去唔到 但就感恩里奧大人臨時可以幫到手 咁榴槤就放心好多 因為里奧大人本身佢今日要同阿一一齊做嘢 但阿一話自己可以搞掂 所以佢尋晚臨瞓前要喺群組睇哂成個行程安排呀 辛苦佢了 ~
好好天氣呀 感恩感恩
之前打風吹跌咗個小巴站鐵牌 何想而知啲風力幾勁
沿途望海都真係好舒服
戲曲中心
唔記得黃色建築物係咪解防軍宿舍
今朝雲層好低
南巴勒海峽
10 點 10 分到馬灣 第一景點就係洗手間 哈哈 不過我只係喺出面等啲長者 雖然都係一條路 但始終都唔放心嘛 ~
@ 馬灣
藍天白雲
途經 NOAH'S ARK (挪亞方舟)
@ 馬灣公園
日子同時間係用真草整㗎
好舒服嘅天氣
里奧大人鍾意影大特寫
我就鍾意影埋啲樹 哈哈
隻貝殼唔係好大㗎咋
二人合照
行去馬灣 1868
沿途就係睇呢啲創作品
faithness
再繼續向前行
小溪水
有隻狐狸
又影下花花草草
佢哋話間屋係無人住嘅
愛蘑菇工作室
石頭魚 哈哈
喺石頭畫條魚都幾難呀 因為凹凸不平
假嘅白鷺
見到青馬大橋
10 點 45 分 呢啲時間無咩人
里奧大人最鍾意 Marvin The Martian 但呢個係 Molly 哈哈
因為要去影大合照 所以沿路行都無咩點影相呀 ~
超級好天氣
咁到我哋工作人員影相 虎標話幫我哋影呀 我話要一齊跳嚟影呀 佢哋好聽話 哈哈哈哈 ~
一定會見到飛機
今日好曬 所以我都要開遮呀
我同里奧大人分開行嘅 因為佢要周圍行去睇下有無長者需要幫忙 我同阿妹就去另一邊睇 ~
馬灣
外牆好有特色
再來遊
周圍影下
馬灣 汲水門
我都唔敢行落去 因為驚唔小心跌咗電話落海呀
有海風吹埋嚟就覺得凍喇
我影相嘅時候 有個叔叔行埋嚟同我講 "阿妹 妳行前面影魚鱗石啦" 佢唔講都唔知有嚿石 哈哈
雲層好得意
九龍關石碑
今日無咩人 所以行得好舒服
又行入去睇下先
我諗住企喺度影張相 之後阿妹好大反應話隻狗係真㗎 真係佢唔講都唔知有隻狗 同埋隻狗唔郁都唔知係真 哈哈哈哈
咁啱見到里奧大人 所以大家又影張相喇 好難得 3 個都可以喺辦公室以外影相呀 哈哈
認昔馬灣 不過我哋無時間睇 但阿妹應該會再同啲女入嚟馬灣睇喇
里奧大人影㗎 咁我同佢分開行嘛 其實咁都好㗎 可以影到唔同嘅嘢 哈哈
我無經過呢度呀 里奧大人一定比我行得多地方 因為佢要睇下啲地方有無長者逗留 始終行番出去要啲時間呢
呢個地方有冷氣 同埋可以買嘢飲
曬
出番去 lu
離遠睇以為係真
依家先有時間影 "馬灣 1868"
馬灣呢個地方係舒服嘅
一見到呢間屋就知道無行錯路 哈哈
每次落車 我都會叫啲長者們慢慢 活力話有把聲咁好聽原來係妳呀 阿妹又衰衰話係好好聽㗎 所以一到佢行就叫佢行快啲咪阻住哂 哈哈 ~
差唔多 12 點就到旺角維景酒店食自助餐 本來係去葵涌㗎 但收集意見之後就轉為去旺角食自助餐喇 ~
咁我去到都影咗相先 因為我哋工作人員一定係包尾 到時應該無得影咁多喇 哈哈 ~
炸三文魚
雞
羅漢齋
蓮藕燜腩肉
豬扒
炒飯
蔬菜
薯蓉
豬腳薑醋
蒸點
麵檔
冷盤
炸燒賣 / 炸春卷
炸薯條
印度烤餅
芝士檸檬撻
Brownie
Tiramisu
西式雜餅
生果
Appolo 雪糕
我同阿妹又叫里奧大人同大雄幫我哋影相 阿妹話唔好影到咁肥 阿心話兩個太肥 點影都係肥 咁我哋咁啱望緊另一個鏡頭 我哋要忍住笑呀 之後阿妹就機關槍咁掃阿心 哈哈 ~
之後阿心仲話肥姐企喺汪阿姐後面咪一樣肥 會變瘦咩 ?! 笑死我哋呀 哈哈哈哈 ~
1 點半出發去南豐紗廠 阿妹成日話呢個係佢最想去嘅地方 ~
車程暢順
2 點左右就到長沙灣南豐紗廠 因為呢度係室內 長者們可以坐喺度飲咖啡休息下 相對係好安全 所以我同阿妹周圍睇嘢 里奧大人就周圍影相 我今日見阿妹多過見里奧大人呀 哈哈 ~
天然採光設計
有幾間咖啡店
六廠小店
行上去睇下
好在今日唔多人 可以靜靜哋咁睇
鍾意呢個斜揹袋 但我實在有太多袋 所以就不能夠買了
講出我心聲 追唔到巴士確係好慘
送車尾
熊貓媽媽的愛
我好鍾意試 Hand Cream 我唧咗橙味 之後搽完再聞 真係好似真橙嘅味道呀 我叫阿妹再試士多啤梨 味道同真嘅一樣㗎 好得意呀 同埋質感係唔立黐黐先好
唔講唔知係燒賣 哈哈
永遠快樂兒童協會 Tee / 小不幸兒童守衛隊 Tee
你個嘢壞咗呀
得閒飲茶俱樂部
捐款箱
同阿妹去 CHAT 六廠睇展覽
一入到去就見到里奧大人
歡迎蒞臨棉紡廠
做過 Garment 嘅人就會好有共鳴
手工好靚
我好鍾意呢啲鞋
最鍾意睇 Catalog
好繁複嘅設計圖案
Silk Lingerie 着起上嚟肯定好舒服
南豐紗廠 / 棉紗大王陳廷驊博士簡介
樓梯好有年代感
里奧大人比我哋早到 好在佢都有影下相 哈哈
我好少接觸藝術 但接觸藝術家脾氣嘅人就比較多 哈哈
不過我哋無打印出來
天台
望出去係咁嘅
又見到好特別嘅石頭圖案
編織牆
夠鐘走人喇
咁樣畫都好大工程
南豐紡織有限公司
3 點坐到 SOHO WEST 其實只係坐咗半個鐘頭車 所以每個景點距離時間唔會好長 基本上唔會想瞓覺 哈哈 ~
一落車 皇太后翹住里奧大人隻手傾偈 咁我就同阿妹 麥當勞一齊行喇 ~
@ SOHO WEST
SOHO WEST
碼頭位置
感恩今日天氣好好 全日無落過雨
呢個地方都唔錯 不過真係無咩嘢好做 所以全部人都係影相同傾偈 ~
阿心幫我哋班女人影相 我叫皇太后佢哋一齊伸長對腳影相 之後個個變哂大腳八 笑死我哋呀
呢個位置唔大風
如果睇到日落就好喇
海濱長廊
海浪造型涼亨好靚
4 點鬆啲出車 4 點半就解散 同預期嘅時間一樣呀 最感恩今次旅行係行程順利 大家平安去平安返 老友記同工作人員都玩得好開心 感謝神 ~
我哋工作人員要 Debriefing 差唔多 5 點半就結束 ~
其實好感恩今次可以如期出發 因為之前話今日會 3 號風球 所以已經諗定哂啲方案 但延後或取消都好麻煩 始終我要再請假 同埋又驚其他日子又無人去到 唔成團又麻煩喎 ~
其實我哋唔餓 所以去買個下午茶就算喇 ~
番到屋企即開機洗衫同沖涼 之後先食晚餐 我食湯匙飯就夠了 ~
迷你福建飯
里奧大人 8 點半就瞓覺喇 我就睇 Youtube 同打機 ~
今日出咗身汗比較攰 所以 10 點半都瞓覺 lu ~
沒有留言:
發佈留言