燒汁雞翼拚午餐肉 + 菠菜苗 ( 11-NOV-2025 )

( 11-NOV-2025  TUE )

感恩一覺瞓到鬧鐘響呀   唔知點解個鬧鐘鈴聲唔同咗   之前鬧鐘鈴聲比較澎湃   依家就好柔和   所以有時以為自己發緊夢咁   哈哈 ~

里奧大人話係咁發夢   最後個夢係見到我   但點都記唔到發生咩事喎   不過我好多時都係咁   成日以為會記得咁㗎 ~

早餐仍然食芝士粒方包   我覺得好似食緊方包咁 ~

菇場忙呀   聽到船頭話瞓得唔好   因為係咁發夢   咁似里奧大人嘅   最搞笑阿花問佢發咩夢 ?!   佢話都係旅行飲飲食食   咁都係好夢吖   哈哈 ~

Lunch Time 蒸完飯就出去行下   今日個天灰灰暗暗無落雨   所以清清涼涼幾舒服   不過我都係行 Mikiki 算喇 ~

洗埋碗就同阿齋傾偈   傾到 1 點 40 分呀   好在西瓜唔喺度 ~

唔忙就做下自己嘢又上網   咁樣好快又過咗一日 lu ~

放工即走   番到屋企已經見到里奧大人   咁我都要快啲煮晚餐喇 ~

是日晚餐 - 燒汁雞翼拚午餐肉 + 菠菜苗

燒汁雞翼拚午餐肉 - 之前水姑比咗 2 罐 SPAM 低鹽午餐肉   我覺得反而仲鹹咁喎 ~

菠菜苗 - 只係落豉油同麻油   咁樣都好好食㗎 ~

洗埋碗就抖陣   里奧大人要番公司做啲嘢   差唔多 8 點就出發去阿妹媽咪屋企整嘢   搞到 9 點半先走得   唔係里奧大人講話咁夜   我都唔知 9 點半呀 ~

里奧大人仲要番公司做嘢   咁我都番屋企先喇 ~

阿妹真係好搞笑   我以為要我聽日做啲咩   原來係問食咩早餐 ?!   所以里奧大人成日話我哋好為食   哈哈

沖埋涼就睇電視   里奧大人 10 點 15 分先番到屋企   咁等佢沖埋涼就食朱古力蛋糕喇 ~

家姐好耐之前比咗張 Starbucks 積分卡比我   見仲剩 $33   咁我比多 $6 就換件朱古力蛋糕比里奧大人食喇

食完又唔可以咁早瞓   所以玩 "上海麻雀"   玩到 11 點 10 分先瞓 ~