尋晚放工同里奧大人探奶奶同平仔 前日平仔話 10 幾日無大便 谷住好辛苦 雖然醫生已經開藥比佢 但我地都買咗個木瓜比佢食 木瓜本身有益同埋有滑腸作用 同時希望增加佢康復能力同免疫力 因為做化療對身體傷害都幾大呢
不過唔係個個接受到木瓜嘅味道 所以同里奧大人先去醫院 canteen 度切開一粒粒 等佢方便 d 食嘛
好在平仔肯食咋 仲食得津津有味添 之後傾一陣又要趕去睇奶奶 好在樓上樓下 唔係真係趕到頭暈暈呀
同里奧大人 8 點幾先走 所以番到屋企成 10 點 所以食麵算喇 呢間係第一次食 但次次經過都索到好香燒烤味 所以試下 我食沙爹豬扒撈麵 里奧大人食五香肉丁出前一丁 再加碟菜心 不過味道一般啦 可能太夜食 只想快 d 食完快 d 番屋企瞓覺
今朝早咗到公司附近 所以慢慢嘆芝腿菠蘿包 + 涷奶茶 ($16) 超正呀
番到菇場比較忙 所以無咩時間上網睇報紙呢
晏晝同媽咪 里奧大人去美心皇宮飲茶 因為媽咪煲咗花旗參 "石合" 豬展湯 同埋偷偷帶咗幾隻新鮮白灼蝦比我地食呢
沒有留言:
發佈留言