青 bb 晚餐 - 薑蔥雞絲 + 蒜片炒脆肉瓜 + 芫茜皮蛋魚片湯 + 印尼香蒜撈麵

呢幾晚都係攰 lai lai 咁   所以都無咩心機學煮新餸   費事無心機整得唔好食呀

去到街市買要芫茜 ($3) + 鯇魚片 ($10) + 4 條脆肉瓜 ($4) + 4 隻皮蛋 ($6) + 雪藏雞肶 ($6)   經過饅頭店   突然好肚餓   所以買咗個熱辣辣嘅饅頭 ($3) 番屋企食呢   橫掂里奧大人探奶奶未咁早番   食小小嘢係好 d 嘅 

番到屋企食呀食   估唔到區區一個鏝頭係咁飽肚喎

食完之後就開始做嘢喇   煲菊花茶   熨衫再滾湯   諗住睇一陣電視先 ready 晚餐   點知里奧大人話 on the way   搞到我要即刻煮喇 

是日青 bb 晚餐 - 薑蔥雞絲 + 蒜片炒脆肉瓜 + 芫茜皮蛋魚片湯 + 印尼香蒜撈麵
薑蔥雞絲 - 雞肶隔水蒸熟   放涼後拻成絲   之後再放大量薑蔥蓉   加小小麻油   我覺得超正呀

蒜片炒脆肉瓜 - d 菜太貴   又驚食唔哂   所以整脆肉瓜   因為好易整

芫茜皮蛋魚片湯 - 里奧大人生飛滋   所以要滾呢個湯比佢下下火呢

印尼香蒜撈麵 - 係 超為食卡姑 介紹嘅   原來係同 7 仔果 d 一樣架   以後可以唔駛再去 7 仔食 lu

尋晚又幫里奧大人 "練練" 骨   等佢可以舒舒服服瞓覺啊


  

      

 
今朝食芝蛋治烘底 + 咖啡 ($16)   唉   就黎食到唔知食咩好喇   真係有得食又煩   無得食又煩 

番到菇場靜英英   打 keyboard 都要細細力打呀

晏晝同里奧大人去美心食焗豬扒飯 + 凍奶茶 ($39)   個飯超唔掂呀   唔多熱   d 飯又林 pat pat   唔係講笑   我整得仲好味過佢呀   哼