pizza hut
尋晚放工唔駛煮飯 因為同里奧大人及兩個兒生女食 pizza 所以我可以他他條條咁番屋企 仲可以行街買嘢 好耐未試過呀
番到屋企睇咗陣電視就走喇 咁啱睇到打鼓果場 真係好勁呀 又齊喎 真係好想留低繼續睇 但因為驚好多人等位 所以都要走喇
去到 pizza hut 真係奇景呀 因為無人排隊等位呀 比着平時有成廿人排架 仲有喎 得幾枱人堂食咋 因為好多人留喺屋企睇奧運開幕呢
一坐低 waiter 話食環球 pizza 批套餐 如果有 compass visa 就有 promo 1 個環球 pizza 批 + 2 客湯 + 2 客汽水 + 1 客小食 只需 $198 咁所以叫個環球批 A 試下 之後在加個烤雞籃 + 海鮮寬條麵 唉 pizza hut 水準下跌咗成千倍呀 個環球批唔熱 同埋碟田螺同個寬麵都好燶 (但佢地話係咁喎) 點搞呀 無咩人食都咁樣 多人食咪唔掂 不過埋單 $333 又幾抵嘅 因為實在太飽喇
今朝勁開心啦 因為同里奧大人都係 off 呀 所以瞓到 10 點就起身食早餐喇
之後番屋企執下屋就出發去沙田 因為約咗工人見面同睇傢俬呀 好在里奧大人 4 姑奶揸車接我地 唔係就要趕頭趕命仆出去架喇
約咗喺沙田 ikea cafe 見面 所以順理成章食埋 lunch 但唔好食啊
經過停車場 見到有架古董車好靚啊
發
沒有留言:
發佈留言