隔夜晚餐

尋晚放工陪媽咪配眼鏡   所以成 8 點先番到屋企呢

唔好話我懶呀   真係唔想架   計叫自己同里奧大人食咩   食唔哂就要留番做隔夜餸囉   唔通嘥咩 

就係咁    唔駛買餸    番到屋企只需要收衫  洗衫就當做咗家務喇  

是日懶餐 - 入味喼汁骨飯 + 入味隔夜湯 + 菠菜豬肉餃米粉
入味喼汁骨飯 -  放埋一碟靚仔 d

入味隔夜湯 - 唔係讚自己架   里奧大人真係一路飲一路話好甜架 

菠菜豬肉餃米粉 -  因為唔想里奧大人食隔夜餸   所以特登煮樣新嘢佢嘆   等佢覺得屋企好溫暖


食完洗完沖埋涼   諗住瞓   點知做 "亮相"   所以同里奧大人一齊睇埋先瞓覺   見里奧大人呢排咁攰   所以我好主動咁輕聲同里奧大人講   同你 "練" 骨丫   里奧大人話唔好   因為驚我 d 手指會痛   我就話唔驚   幫你 "練" 骨當做運動囉   當下里奧大人超級感動   不過同時彈句 "如果妳唔發脾氣又真係幾好嘅"   車車車   我都好小發脾氣之嘛   佢實在太唔了解我喇   比小小甜頭佢居然咁話我   車車車 

  

      

今朝呢   天氣好好   心情都唔錯   所以去 kfc 食鬆餅 + 奶茶 ($11)

番到菇場忙咗陣就做下自己嘢   咁先似番工家嘛

晏晝同里奧大人去餐廳食魚皮餃河粉 + 鹹魚肉餅飯 + 凍檸茶 ($41)   食到好飽都唔驚   因為行到番公司已經成身汗   差唔多所有嘢都消耗哂喇