富田和食亭 @ 佐敦 ( AUG-2008 )

最鍾意星期六   因為只係番半日 ~

但里奧大人要開 OT   所以我求其同里奧大人去佢公司對面茶餐廳食 Lunch 就算   呢間咁茶餐廳   每人最低消費 $9   真係估唔到 "Up Up Dup Dup" 嘅茶餐廳都有最低消費咁串呀 ~

食完里奧大人就番公司   我就同媽咪去飲茶   傾下偈咁囉   之後媽咪去婆婆屋企   我就再陪家姐去大家樂食 Tea   不過我無食   因為食唔落   等埋家姐食完就一齊上媽咪屋企陪朱朱喇 ~

我坐到 5 點幾走 Join 里奧大人探奶奶同平仔   奶奶拆喉可以食嘢同說話   平仔可以自己企身行去洗手間   真係好開心   感謝神嘅保守同恩典 ~

咁開心喇喎   所以同里奧大人食壽司   去佐敦富田   第一次去   味道唔錯   最驚喜係滙豐卡有 9 折嘛 ~

食親壽司都好口渴   所以番到屋企附近嘅麥記食美祿麥旋風 (好似係咁叫)   但好甜   同埋 "北" 起好似 "Poo Poo" 咁好核突   所以食咗 1 / 3 唔想食   比里奧大人食算喇 ~

~~~~

今朝 10 點半起身   所以又係無番教會 ~

同里奧大人去食早餐   之後去超市買新鮮林肉 ($15) + 香蕉 ($4)   再去街市買 6 個木瓜 ($20) + 4 個節瓜 ($5) + 2 條苦瓜就番屋企喇 ~

難得有太陽   所以就洗衫同拖地   再整呢樣嗰樣又無咗個幾鐘   所以星期日啲時間係過得好快呢 ~