尋晚同里奧大人探奶奶同平仔 見到佢地兩個都精神咗 所以放鬆咗小小 感謝神嘅保守
呢排好攰 所以想快 d 番屋企休息 所以去屋企附近食晚餐喇
又係去老地方 因為想再試佢 d 嘢好唔好食 唔好就唔會再去嘛
我食炸豬扒米線 (冬陰公湯底) 里奧大人食沙爹牛肉粗麵 再加菜心 黑珍珠豆漿 好期待冬陰公嘅酸酸辣辣 ( 其實不嬲唔食 但唔知點解突然好想食 ) 點知係超級唔掂 唔酸唔辣又無味 連蝦仔都無隻 真係唔明點解佢地夠膽叫做冬陰公 仲要加 $4 添 不知所謂呀 里奧大人仲衰 食埋 d 早餐食嘅嘢 一心想試新嘢家嘛 點知食沙爹牛肉 激鬼 c 我咯 下次應該唔會再黎食佢 d 麵 但會再試佢地 d 小食囉 如果小食都唔掂就唔會再去食架喇
今朝好早起身 因為約咗媽咪同朱朱食早餐呢
但太早起身 所以求其食腿蛋治烘底 + 凍奶茶 ($18) 就算 lu
食完番上屋企坐一陣先番工 所以有時間同朱朱影下相喇 不過佢好攰 所以都唔敢影咁多喇 唔係會發脾氣咬我架
沒有留言:
發佈留言