柱候煎雞翼 + 八爪魚卷 + 蒜頭豆豉煎玉子豆腐 + 瑤柱粟米湯

尋日做完家務就嘆咯   睇完報紙再連續睇幾期嘅飲食男女   之後再睇波   睇完同里奧大人食 tea   食米線   不過麻麻地好食

之後又番屋企 hea 過   又係睇飲食男女同再睇波   其實頭先睇咗架喇   但因為場波係 "拜仁對國際米蘭"   所以我會睇完又睇   因為我勁鍾意佢地嘅教練 klinsmann 同摩連奴呀  

 

但里奧大人好驚我睇波   好似睇 2006 世界盃咁   我會同一場睇 4-5 次   有 d 會 7-8 次   我無誇張架   因為我係為咗睇 klinsmann 先睇咁多次   所以每逢有德國隊都會睇幾次 (除咗輸咗果場)   里奧大人睇到都驚   就連邊個入波邊個球員做嘅動作都睇到記得哂呀   所以里奧大人覺得我係一個痴痴地嘅人呢 

睇完波又要回復心情煮飯喇 

是日晚餐 - 柱候煎雞翼 + 八爪魚卷 + 蒜頭豆豉煎玉子豆腐 + 瑤柱粟米湯
柱候煎雞翼 + 八爪魚卷  - 用柱候醬醃 3-4 個鐘   但都係唔點入味   下次都係醃一晚好 d

蒜頭豆豉煎玉子豆腐  - 本來想蒸嘅   但唔想洗多樣嘢   所以煎香便算了   再加爆香咗嘅蒜頭豆豉一齊食都唔錯喎 

瑤柱粟米湯 - 見有時間   所以浸幾粒瑤柱   好飲好多呢 

難得 7 點可以食飯   難得 8 點半可以沖涼   難得 9 點可以食芝麻糊   難得 9 點半可以坐定定做 mask 睇家好月圓   真係好開心呀 

    

      

今朝要番工喇   無咩落雨又幾好喎   落雨真係好醃悶呢

早餐想食飽 d   所以食腿蛋治烘底 + 奶茶 ($16)   又加咗 一蚊喇

晏晝里奧大人無啦啦要上大陸開會   所以我順理成章去媽咪屋企食 lunch 喇