老地方 @ 大埔

尋晚又唔駛煮飯   因為去探奶奶同平仔 

次次去醫院前   我都會買 d 小食同里奧大人一齊醫肚   今次買燒賣 ($10 / 16粒) 超抵呀

去到探奶奶   點知有親戚黎探   我同里奧大人要讓路   因為心臟科病房只可以每次兩個人探訪   所以我同里奧大人就探平仔   見佢無心機   原來因為發燒   可能聽日做唔到化療住   要等到退燒先可以做   之後就開解佢   見佢有番笑容   我個心都安樂 d   探咗半個鐘就要探奶奶喇   因為奶奶聽日要做通波仔   所以又要開解奶奶   只不過是小手術   不用擔心呢 
我隻手仲好痛   所以拎奶奶 d 脫苦海黎貼   姑奶話我有網球手喎   仲話會跟我一世添   唔係呀化 

同里奧大人又去老地方食飯   食蕃茄豬扒飯 + 菜肉雲吞米線 + 生菜   食完接到姑奶電話    話有個現成菲傭喺佢屋企   所以想里奧大人見一見   問一問資料   如果 ok 就請喇   因為奶奶就快出院呢

就係咁   又搞到 12 點先番到屋企   我對眼紅哂呀


 

      

尋日媽咪特登早 d 餵朱朱食嘢   因為要支持劉翔呀   點知媽咪打黎話劉翔腳傷   退出比賽    好無心機呢   因為一心為咗睇佢嘛

今朝睇報紙標題   劉翔因傷悲關係   尚未正式跨過一個欄   便已緣盡京奧

聽到呢個消息   真係好失望   希望劉翔真的放下包袱   好好療傷呢 

今朝我都好攰   所以去食平靚正 kfc 鬆餅 + 咖啡 ($11)   飲完咖啡都好眼瞓呀 

番到菇場真係吽吽呌呌頭暈暈咁   真係老喇   唔可以捱夜 

里奧大人唔舒服   所以無番工   所以造就咗我去媽咪屋企食飯   又見到朱朱   好開心呢   不過朱朱就慘 d   因為我次次番親屋企佢都唔願瞓   中下中下到我走咗先瞓到豬一隻   呢個小寶貝真係令到我好冧呢 

食完飯   姑奶打黎話奶奶手術成功   好開心呀 

發